Matthieu 8:14 - NYANMIƐN NDƐ'N 1998

¹⁴ I sin Jésus wluli Piɛr i awlo lɔ, ɔ wunnin kɛ ayrɛ a guɛ i sia bla'n wun i ti ɔ'a la.

Nyanmien nde Ufle

¹⁴ I sin Jésus wluu Pierre awlô lo, o wuun ke ayre a gue i sia bla'n wun, wa la.

Matthieu 8:14 ပူးပေါင်းရင်းမြစ်များ

Matthieu 17:25

Yɛ ɔ seli kɛ: «Ɔ tua wie.» Kɛ Piɛr wluli awlo lɔ'n, Jésus yɛ ɔ dun mmua mannin ndɛ'n su-ɔ, ɔ usɛli i kɛ: «?Simɔn, wan'm bé sa nun yɛ asiɛ'n su famiɛn'm be de gua bo sika nin lapo nin-ɔn? ?Be bɔbɔ be nvle'n nun sran'm bé sa nun annzɛ aofuɛ'm bé sa nun-ɔn? ?A bu i sɛ?»

Matthieu 8:15

Ɔ utili i sa'n, yɛ ayrɛ'n tuli i wun-ɔn. Ɔ jasoli, nan ɔ'a kunndɛ like diwa a mɛn i.

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

1 Korɛntfuɛ Mun 9:5

?Sɛ e ja bla bɔ be ti Kristfuɛ'n nan e fa be kɔ kɛ be bɔ Jésus sunmannin be'n be nin e Min'n i niaan mun nin Sefas be liɛ'n sa'n, ɔ ti-mɛn i su?

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

1 Timote 4:3

Be se kɛ nán man be ja bla nin bian, yɛ nán man be di like nga Nyanmiɛn yili be'n be ngba. Sanngɛ Nyanmiɛn yili ninnge sɔ mun kɛ be nga be lafi i su bɔ be si nanwlɛ'n, be lɛ i ase nan be di.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.