Matthieu 6:33 - NYANMIƐN NDƐ'N 1998

³³ An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Nyanmien nde Ufle

³³ Anh dun mmua fa amun wun man Nyanmien mon o sié amun, ye anh yô i klun sa'n, i sin o wa fa ninngé so'n kwlaa uka su man amun.

Matthieu 6:33 ပူးပေါင်းရင်းမြစ်များ

1 Famiɛn Mun 17:13

Eli seli i kɛ: «Nán ɔ klun ti wɔ. Ko yo i kɛ a kannin'n sa, sanngɛ dun mmua tɔn kpaun kaan kun fa blɛ min ka nan w'a tɔn a nin ɔ́ wa'n amun liɛ'n,

Jue Mun 112:3

I sɔ sran liɛ'n, muae nin aunnyan'n bɔ cɛ yɛ ɔ ´trɛn i awlo'n nun-ɔn. Nyanmiɛn nin i bé bo ´sɛ titi.

Jue Mun 37:25

Kɛ ɔ fɛ i min bakan nun lele bɔ m'an fa yo oke yɛ'n, n nian wun-man kɛ Nyanmiɛn ɔ'a yi i sran kpa'n i ase le. N nian wun-man kɛ i mma mun annzɛ i anunman'm be su srɛsrɛ aliɛ be sin le.

Jue Mun 37:3

Fa ɔ́ wla'n guɛ i Anannganman su, yo sa i nuan su. Tran mɛn nga nun wa. Fa nanwlɛ'n yo kɛ wɔ aliɛ sa, di.

Nyanndra Mun 10:3

Anannganman yaci-man sran kpa'n i awe'n nun, ɔ yaci-mɛn i awe'n nun man awe'n kun-mɛn i. Yɛ klunwifuɛ'n kusu, Anannganman fa-man like nga i konvi o su'n mɛn-mɛn i .

Nyanndra Mun 28:10

Sran kwlaa ng'ɔ lakalaka klun-ufuefuɛ mun, b'ɔ mlin be'n, i sɔfuɛ'n bli i nyin tɔ aya nga i bɔbɔ suali'n nun. Sanngɛ sran kpa'm be ´nyan muae.

Nyanndra Mun 8:18

Anyanbeun nin anyrunnyan'n, min yɛ m man-an. Ninnge kpakpa nga be cɛ'n, ɔ nin muae'n, min yɛ m man-an .

Akunndanfuɛ'n 10:2

Ngwlɛlɛfuɛ'n i anwlɛn ba'n ɔ fɛ i kɔ fama su, sinnglinfuɛ'n i anwlɛn ba'n kusu ɔ fɛ i kɔ bɛ su .

Ezai 26:9

Kɔnguɛ'n, n konvi sɔ wɔ, n kunndɛ kɛ n ´fa min wun mantan wɔ sakpa. Kɛ a tu asiɛ'n sufuɛ'm be fɔ'n, kpɛkuun be su kpɛ mmla'n i su falɛ'n i sin atin.

Ezai 33:6

Anannganman i nvle nunfuɛ mun, Anannganman yɛ ɔ nian amun su-ɔ, amun klun su ti-man amun. Ngwlɛlɛ nin sa'm be silɛ'n be ti anyanbeun, be yɛ man sran fite nun-ɔn. Amun nyin b'ɔ yi Anannganman'n yɛ ɔ ti amun anyanbeun-ɔn.

Ezai 45:24

Be ´se kɛ: «Anannganman kunngba cɛ yɛ ɔ di nanwlɛ-ɔ, i kunngba cɛ yɛ ɔ lɛ wunmiɛn-ɔn.» Be kwlaa nga be jasoli i wun'n, be ´bɛ i sin, yɛ be ´wun nyannzuɛn .

Zeremi 23:6

I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Matthieu 3:2

Ɔ se be kɛ: «An `kaci amun nzuɛn'n afin Nyanmiɛn i sielɛ blɛ'n ɔ'a mantan.

Matthieu 4:17

Kɛ ɔ fin lɛ'n, Jésus boli Nyanmiɛn ndɛ'n kanlɛ'n bo, ɔ se kɛ: «An `kaci amun nzuɛn'n, afin Nyanmiɛn i sielɛ blɛ'n ɔ'a mantan.»

Matthieu 5:6

Be nga be konvi sɔ Nyanmiɛn klun sa yolɛ'n kɛ awe nin nzue we kun sran sa'n, be liɛ su ti ye, afin be klun wa jɔ !

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 12:31

An `dun mmua fa amún wun man Nyanmiɛn, man ɔ sie amun, i sin ɔ ´fa ninnge sɔ mun uka su man amun.»

Jean 5:4

afin cɛn wie anz kun wa jra nzue sɔ'n nun, ɔ keje nun. Kɛ ɔ ko keje'n, sran ng'ɔ dun mmua jra nun'n, kɛ i tukpacɛ'n ti'n, ɔ wie.]

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Sa nga bé yôli'n 20:25

An `nian, amun kwlaa nga n sinnin amun su bɔ n kannin Nyanmiɛn sielɛ ndɛ kleli amun'n, n si kɛ an su wun-man min kun.

Sa nga bé yôli'n 28:31

Be kwlaa nga be bɛ i wun wunlɛ'n, ɔ sɔ be nun. Ɔ kan Nyanmiɛn sielɛ ndɛ'n kle be, yɛ ɔ kle e Min Jésus-Krist i ndɛ'n yakpa su, sran fi se-mɛn i kɛ nán man ɔ kan.

Rɔmfuɛ Mun 1:17

Jasin fɛ sɔ'n yɛ ɔ kle ye wafa nga Nyanmiɛn fa bu sran i sran kpa nin-ɔn, i sɔ'n fin sran i Nyanmiɛn su b'ɔ lafi'n, yɛ kusu ɔ man sran lafi Nyanmiɛn su kpa, afin be klɛli i kɛ: «Sran ng'ɔ lafi Nyanmiɛn su b'ɔ man ɔ kaci sran kpa'n, ɔ ´nyan nguan .»

Rɔmfuɛ Mun 10:3

Afin kɛ be si-man like wafa nga Nyanmiɛn yo b'ɔ bu sran sran kpa'n, bɔ be bɔbɔ be kunndɛ like wafa nga be yo nan b'a yo sran kpa'n, ɔ man b'a fa-man Nyanmiɛn liɛ'n su.

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Rɔmfuɛ Mun 8:31

?Sɛ ɔ ti sɔ'n, nguɛ ndɛ yɛ e ´kɛn ekun-ɔn ? ?Sɛ Nyanmiɛn jin e sin'n, wan yɛ ɔ kwla yo e sa-a?

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 3:22

Pɔl o, Apolɔs o, Sefas o, mɛn nin o, nguan o, wie o, like nga be o lɛ kɛ e ´se yɛ nin o, like nga be wa ba nin o,

2 Korɛntfuɛ Mun 5:21

Kɛ ɔ ko yo nan e nin Krist y'a kaci sran wunmuan nan y'a yo sran kpa Nyanmiɛn nyrun'n ti'n, Nyanmiɛn yoli man Krist b'ɔ ɔ'a yo-man sa tɛ fi le'n, ɔ jrannin é sa tɛ'n i nuan.

2 Tɛsalonikfuɛ Mun 1:5

I sɔ'n kle ye weiin kpa kɛ Nyanmiɛn yo sa i nuan su. Ɔ ´bu amun kɛ amun nin i famiɛn dilɛ'n wie fata, afin i ti yɛ an wun nyrɛnnɛn nin-ɔn.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.

2 Piɛr 1:1

N Simɔn Piɛr bɔ n ti Jésus-Krist junman difuɛ'n, b'ɔ sunmannin min'n, n ´klɛ fluwa nga blɛ amun bɔ Nyanmiɛn man amun lafi i su kpa kɛ e sa'n. I sɔ'n fin e Defuɛ Jésus-Krist b'ɔ ti Nyanmiɛn'n, afin ɔ ti sran kpa.

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.