Matthieu 6:19 - NYANMIƐN NDƐ'N 1998

¹⁹ «Nán an sie amun anwlɛn su ninnge'm be wa, afin nvɔlɛ nin annganblalɛ be saci be, yɛ awiefuɛ'm be bu anuan'n be wua asiɛ'n su wa.

Nyanmien nde Ufle

¹⁹ Nanh an sié amun awlen su ninngé'm bé wa, afin nvole nin annganblale bé satyi bé, ye awiéfue'm bé bu anuan'n bé wua asie'n su wa.

Matthieu 6:19 ပူးပေါင်းရင်းမြစ်များ

Zɔb I Nyrɛnnɛn Wunlɛ 24:16

Kɔnguɛ yɛ awiefuɛ'm be kpɛ sua'm be nun toklo nin-ɔn. Wia'n nun be nyin bé wun su anuan. Be si-man like nga be flɛ i lika weiin'n.

Zɔb I Nyrɛnnɛn Wunlɛ 31:24

?N fali mín wla'n n guɛli i sika ɔkwlɛ'n su? ?N seli sika ɔkwlɛ'n i kɛ: «Min sasafuɛ'n yɛlɛ wɔ?»

Jue Mun 39:6

Min nguan nyanman'n i tɛnndɛn'n ɔ ti kɛ bé sa klun'n i tɛtrɛ nun'n sa. Min nguan'n ti-man like fi ɔ nyrun. Man klɔ sran'n ɔ yo juejuejue sɛ, sanngɛ ɔ ti kɛ aunngban sa.

Jue Mun 62:10

Klɔ sran'm be lɛ-man nyrun, be ti kɛ aunngban sa. Sran kpakpa mun bɔbɔ be yo-man sa fi ye. Sɛ be sie be kwlakwla toe su'n, be nɔnnin'n ngba ti kɛ kpukpuwa sa.

Ezipt Lɔ Tulɛ'n 22:2

Sanngɛ sɛ wia'n ɔ'a jaso yɛ i sɔ sa'n ju'n, ɔ ti sran kunlɛ. Sɛ awiefuɛ kun wua like kun'n, ɔ `sie like sɔ'n i osu. Sɛ ɔ lɛ-man like fi'n, be `yo i atɛ kɛ kanga sa awie'n b'ɔ wuali'n ti.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Nyanndra Mun 16:16

Sɛ be kpɛ akunndan'n i wun atin nan be nyɛn i'n, ɔ ti kpa tra sika ɔkwlɛ. Sɛ be kpɛ ngwlɛlɛ'n i wun atin nan be nyɛn i'n, ɔ ti kpa tra jɛtɛ ufue.

Akunndanfuɛ'n 2:26

Afin Nyanmiɛn man sran nga i klun jɔ i wun'n i ngwlɛlɛ nin sa silɛ, ɔ nin aklunjuɛ. Ɔ yo man sran nga i klun jɔ-mɛn i wun'n, ɔ sua i bo ninnge mun fa man sran nga i klun jɔ i wun'n. N wunnin kɛ sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

Matthieu 19:21

Yɛ Jésus waan: «Sɛ a klo kɛ a ´wie i ngba su fa weiin'n, ko yo ɔ ninnge'm be atɛ, fɛ i sika'n man yalɛfuɛ mun, yɛ a ´nyan ninnge kpakpa nyanmiɛn su lɔ. Nan bla wa su min su.»

Matthieu 6:20

Sanngɛ an `sie amun anwlɛn su ninnge mun nyanmiɛn su lɔ, lɔ liɛ'n nvɔlɛ nin annganblalɛ be saci-man like, yɛ awiefuɛ'm be bu-man anuan'n be wua-man.

JÉSUS-CHRIST I DYASIN FE'N BO LUC KLELI'N 12:21

Sran ng'ɔ kunndɛ ninnge kɛ ɔ ´nyɛn i wun, b'ɔ lɛ-man Nyanmiɛn ninnge'm be wie fi'n, kɛ ɔ ti sɔ-ɔ.»

JÉSUS-CHRIST I DYASIN FE'N BO LUC KLELI'N 12:33

An `yo amun ninnge'm be atɛ, an `fɛ i sika'n cɛ yalɛfuɛ mun. An `kpɛ bɛtrɔ b'ɔ yo-man nvuɛn bɔ like wie-man nun'n, an `sie i Nyanmiɛn su lɔ, lɔ liɛ'n, awiefuɛ kɔ-man lɔ, nvɔlɛ di-man like lɔ.

JÉSUS-CHRIST I DYASIN FE'N BO LUC KLELI'N 12:39

Man amun wun i wlɛ kpa kɛ sɛ awlo bo kpɛn kun si dɔ nga awiefuɛ'n ba su'n, ɔ su yaci-mɛn i lɛ kɛ ɔ fiti i sua'n.

JÉSUS-CHRIST I DYASIN FE'N BO LUC KLELI'N 18:22

Kɛ Jésus tili i ndɛ sɔ'n, ɔ seli i kɛ: «Ɔ tɛ ka ɔ like kun yolɛ, yo ɔ́ bo ninnge'n kwlaa atɛ nan fɛ i sika'n man yalɛfuɛ mun, yɛ a wa nyan ninnge kpakpa nyanmiɛn su lɔ. Kɛ a ko yo i sɔ'n, bla wa su n su.»

JÉSUS-CHRIST I DYASIN FE'N BO LUC KLELI'N 18:24

Kɛ Jésus wunnin kɛ i wla'n ɔ'a bo'n, ɔ seli kɛ: «An `nian, be nga be ti anyanbeunfuɛ'n, kɛ be `fa bé wun man Nyanmiɛn nan ɔ sie be'n, ɔ ti kekle!

1 Timote 6:17

Kan kle blɛ nga e o nun yɛ'n i nun anyanbeunfuɛ'm be kɛ nán man be di tutre, yɛ nán man be fa bé wla gua be anyanbeun b'ɔ su ka-man lɛ'n su sanngɛ be `fa gua Nyanmiɛn b'ɔ man e like kwlaa b'ɔ man e klun jɔ'n i su.

Hébreu 13:5

Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»