Matthieu 6:16 - NYANMIƐN NDƐ'N 1998

¹⁶ «Sɛ amun ´kpɛ srɛ nun kɛ amun nin Nyanmiɛn amun ´koko yalɛ'n, nán an mlan amun nyrun kɛ dunman klofuɛ'm be yo'n sa, be yo bé wun fiɛn be fa kle sran mun kɛ be su kpɛ srɛ nun. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ .

Nyanmien nde Ufle

¹⁶ Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:16 ပူးပေါင်းရင်းမြစ်များ

2 Samiɛl 12:16

David srɛli Nyanmiɛn mannin bakan'n. Ɔ cili nglɛmun. Kɔnguɛ kɛ ɔ ju i sua lɔ'n, ɔ la asiɛ wun.

2 Samiɛl 12:21

I mantanfuɛ'm be usɛli i kɛ: «?Sa nga a yo i yɛ'n, i bo ti sɛ? Kɛ ba'n i nyin o su'n, a cili nglɛmun, a sunnin. Ɔ wuli siɛn'n, kpɛkuun a jaso asiɛ wun, a di like.»

1 Famiɛn Mun 21:27

Kɛ Akab tili i sɔ ndɛ'n, ɔ titili i wun tralɛ'm be nun. Ɔ wlali bajɛ tralɛ, kpɛkuun ɔ kpɛli srɛ nun. Ɔ fa bajɛ'n yɛ ɔ la-a. Ɔ nanti sa blɛblɛblɛ.

Neemi 1:4

Kɛ n tili ndɛ sɔ'n, n trannin ase, n sunnin, n trannin awlaboɛ sɔ'n nun n dili le nnyɔn kun. N kpɛli srɛ nun, n srɛli Nyanmiɛn b'ɔ o nglo lɔ'n.

Ɛstɛr 4:16

«Yiayia Zuif nga be o Siz wa'n, amun `kpɛ srɛ nun man min. Nán amun di like, nán amun nɔn nzue cɛn ba klonglo nsan. E nin min afanniɛn bla mun e ´kpɛ é srɛ nun liɛ, kpɛkuun n ´ko to famiɛn'n, kannzɛ be klɛli mmla i nun kɛ nán be yo i sɔ bɔbɔ o. N ´ko wun i wun. Sɛ ɔ fata kɛ n wu'n, n ´wu.»

Jue Mun 109:24

Mín ja'm b'a glɔglɔ mín bo, n lɛ-man wunnɛn kplo kun nglɛmun cilɛ dunman nun.

Jue Mun 35:13

Sanngɛ kɛ be tɔli tukpacɛ'n, n wlali bajɛ tralɛ, n di-man like, min akunndan'n sanngannin, m'an yaci-man srɛlɛ le.

Jue Mun 69:10

Ɔ sua'n i klolɛ'n ɔ'a kun n kpo. Nzowa nga be ko kpɛ wɔ'n, min yɛ be fa kpɛ min-ɔn .

Daniɛl 9:3

N kpɛli mín nyin Anannganman Nyanmiɛn'n i wun lɔ, n srɛli i tantrantan kpa, yɛ n fɛfɛli i wun. N cili nglɛmun, n wlali bajɛ tralɛ, yɛ n fali nzuɛn guali mín ti'n su.

Malasi 3:14

Kusu wuun amun ijɔ be se kɛ: ‹?Nyanmiɛn sulɛ'n ti afɛ ngbɛn. ?Kɛ e fali Anannganman i mmla'n su bɔ e trannin awlaboɛ nun'n nguɛ yɛ e nyɛnnin i nun-ɔn?

Matthieu 6:1

«An `nian amún wun nán an yo amún sa kpa bɔ Nyanmiɛn sulɛ'n ti yɛ an yo'n, sran'm be ti. Sɛ an yo sɔ'n, an su nyan-man like fi amun Si b'ɔ o nyanmiɛn su lɔ'n i sa nun.

Matthieu 6:2

I sɔ'n ti, sɛ a ´cɛ yalɛfuɛ like'n, nán bo i ndolo kɛ dunman klofuɛ'm be yo i Nyanmiɛn ndɛ suanlɛ nin i srɛlɛ sua'm be nun nin atin'm be su, kɛ sran'm be wun be nan be yi be ayɛ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Matthieu 6:5

«Kɛ amun nin Nyanmiɛn amun ´koko yalɛ'n, nán an yo kɛ dunman klofuɛ'm bɔ be klo nglo jranlɛ Nyanmiɛn ndɛ suanlɛ nin i srɛlɛ sua'm be nun nin klɔ'n nun anngɔnda'm be su kɛ sran'm be wun be kɛ be nin Nyanmiɛn su ijɔ'n be liɛ'n sa. Nanwlɛ, mo nga Nyanmiɛn ko yo be'n, yɛ sran'm be yoli be lɛ-ɔ.

Marc 2:18

Le kun Zan i sɔnnzɔnfuɛ'm bɔ be nin Farizifuɛ'm be su kpɛ srɛ nun, be wa usali Jésus kɛ: «?Nguɛ ti yɛ Zan i sɔnnzɔnfuɛ'm be nin Farizifuɛ'm be liɛ'n be kpɛ srɛ nun, sanngɛ ɔ sɔnnzɔnfuɛ'm be kpɛ-man wie-ɔ?»

JÉSUS-CHRIST I DYASIN FE'N BO LUC KLELI'N 18:12

Le mɔcuɛ kwlaa n ci nglɛmun kpɛ nnyɔn, yɛ like kwlaa nga n nyɛn i'n, n yi i blusu.›

JÉSUS-CHRIST I DYASIN FE'N BO LUC KLELI'N 2:37

ɔ'a ja-man bian kun. Ɔ'a di afuɛ ablaɔcuɛ-nin-nnan, ɔ tu-mɛn i bo Nyanmiɛn i sua'n nun. Ɔ su Nyanmiɛn kɔnguɛ nin wia nun, ɔ kpɛ srɛ nun yɛ ɔ srɛ Nyanmiɛn.

Sa nga bé yôli'n 10:30

Yɛ Kɔrnɛyi seli i kɛ: «Le kun nnɔsua wia'n nun kɛ n wo ń sua lɔ bɔ n ´koko yalɛ kle Nyanmiɛn'n, n ´nian-an, bian kun bɔ i wun tralɛ ti nyɛnnyɛnnyɛn kpa'n yɛ, ɔ wa jrannin min nyrun lɛ. Kɛ ɔ yoli sɔ'n, i le nnan yɛ.

Sa nga bé yôli'n 14:23

Be siesieli kpɛnngbɛn mun be asɔnun'm be nun. Kɛ be kpɛli srɛ nun bɔ be seli Nyanmiɛn kɛ ɔ jran bé sin'n, be fa be wlali e Min'n bɔ be lafi i su'n, i sa nun.

1 Korɛntfuɛ Mun 7:5

Sɛ ɔ ti-man kɛ amun nnyɔn'n amún bo a yo kun kɛ amun ´fa blɛ kaan kɛ amun nin Nyanmiɛn amun ´koko yalɛ'n, nán an kpɛ amun wun ainngba. Sɛ blɛ sɔ'n ko sin'n, an `kan bo nun, sɛ ɔ'a yo-man sɔ-ɔ, ɔ cɛ-man nan amun anwlɛn bɔ an kwla tra-man'n ti, Satan a nyan amun .

2 Korɛntfuɛ Mun 11:27

N dili junman kekleekle mun, n fɛli, n ta-man lafi, awe nin nzue we'n kunnin min, n ta-man like di, ayrɛ'n kunnin min, m miannin tralɛ wun.

2 Korɛntfuɛ Mun 6:5

Be bo ye, be wla e bisua, be jao e wun, e di junman kekleekle, e lafi-man, e di-man like.