Matthieu 6:13 - NYANMIƐN NDƐ'N 1998

¹³ Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Nyanmien nde Ufle

¹³ Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

Matthieu 6:13 ပူးပေါင်းရင်းမြစ်များ

Bo Bolɛ 22:1

Kɛ ɔ yoli sɔ'n, Nyanmiɛn sali Abraam niannin. Ɔ flɛli Abraam. Abraam tɛli i su kɛ: «M'an sro!»

1 Famiɛn Mun 1:36

Bɛnaza seli famiɛn'n kɛ: «Man ɔ yo sɔ! Anannganman ɔ Nyanmiɛn'n i bɔbɔ yɛ ɔ fali ndɛ nga a kɛnnin i lɛ'n wlali ɔ nuan-an.

1 Be Nyoliɛ 16:36

Amun `la Anannganman b'ɔ ti Izraɛl Nyanmiɛn'n i ase titi! Sran'm be kwlaa be tɛli su kɛ: «Man ɔ yo sɔ! E manman Anannganman!»

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

1 Be Nyoliɛ 4:10

Zaɛbɛz kpan flɛli Izraɛl Nyanmiɛn'n, ɔ seli i kɛ: «N ´srɛ wɔ kpa ti-ɔ, man min muae, yo man min asiɛ'n cɛn, sasa min. Nán sa tɔ min su, nán man n wun nyrɛnnɛn!» Kpɛkuun Nyanmiɛn tɛli i srɛlɛ'n su klanman.

Jue Mun 10:16

Anannganman ti famiɛn tititi. Nvle-nvlefuɛ nga be su-mɛn i'n, ɔ nunnun be i asiɛ liɛ'n su.

Jue Mun 106:48

Amun `la Anannganman b'ɔ ti Izraɛl Nyanmiɛn'n i ase tititi! Yɛ man sran'm be kwlaa be se kɛ: «Man ɔ yo sɔ!» An `manman Anannganman!

Jue Mun 22:28

Be kwlaa nga be tran asiɛ wunmuan'n su, kannzɛ be o mmua o, man be bu Anannganman i akunndan, yɛ be blɛ i sin. Awlobo-awlobo nga be o nvle-nvle'm be nun'n, man be nunfuɛ'm be kwlaa be koto i bo!

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

Jue Mun 47:2

Nvle nunfuɛ'm be kwlaa, amun `bo ndɛ, amun klun b'ɔ ti jɔwa'n ti'n, amun `bo sro nan amun `manman Nyanmiɛn.

Jue Mun 47:7

Amun `to jue bo flɛ Nyanmiɛn, amun `to jue bo flɛ i. Amun `to jue bo flɛ e famiɛn'n, amun `to jue bo flɛ i.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Jue Mun 89:52

Anannganman, nán ɔ wla fi nzowa nga ɔ kpɔfuɛ'm be kpɛ sran nga a kpali i fa sieli famiɛn'n. Be kpɛli i lelele.

Ezipt Lɔ Tulɛ'n 15:18

Anannganman, ɔ liɛ'n, a ti famiɛn titi.»

Nyanndra Mun 30:8

Be yɛ: nán man n kpɛ gblɛ yɛ nán man m bua ato le. Nán man n di yalɛ kusu nán man n nyan mín wun. Mín nuan nun aliɛ b'ɔ ju min'n yɛ ´man min-ɔn.

Zeremi 15:21

«N ´de wɔ sran tɛtɛfuɛ'm bé sa nun. N ´de wɔ sran mian-mianfuɛ'm bé sa nun.»

Zeremi 28:6

«Fiaa! Man ɔ yo sɔ. Man Anannganman'n yo i sɔ. Man Anannganman'n nian ndɛ nga a ´kɛn i lɛ'n su yo, man Anannganman fɛ i sua'n i nun ninnge nga be fa ɔli Babilɔni'n bla.

Daniɛl 4:25

Sa nga be boli be su kleli Nɛbikadnɛzar, be kwlaa bé nuan yiali kpan.

Daniɛl 7:18

I sin Nyanmiɛn bɔ like fi nun-mɛn i sin'n i nvle'n nunfuɛ'm be wa fa famiɛn diwlɛ'n man be. Ɔ ´ka bé sa nun tititi .›

Kalɛ 5:22

Man nzue yɛ'n b'ɔ man wunnzue'n, ɔ wlu ɔ wunnɛn'n wunmuan nun, nan ɔ `wla ɔ ku'n, yɛ man ɔ klun yo kpan.› Kpɛkuun man bla'n ɔ tɛ su kɛ: ‹Ɛɛn, man ɔ yo sɔ. Ɛɛn, man ɔ yo sɔ.› »

Matthieu 26:41

Man amún nyin tran su, yɛ amun `srɛ Nyanmiɛn nan Lakafuɛ'n ɔ'a laka-man amun. Amun anwlɛn'n wo su kɛ amun `yo, sanngɛ an lɛ-mɛn i wun fanngan.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 5:37

Sɛ an se kɛ ɛɛn, man ɔ ka su, yɛ sɛ an se kɛ cɛcɛ'n, man ɔ ka su, afin ndɛ nga be kan gua su'n ɔ fin Klunwifuɛ'n .»

Matthieu 6:10

man ɔ sielɛ blɛ'n ju, man e bɔ e wo asiɛ'n su wa'n e yo ɔ klun sa kɛ be bɔ be o nyanmiɛn su lɔ'n be yo'n sa.

Jean 17:15

N srɛ-man wɔ kɛ a yi be mɛn'n nun, sanngɛ n ´srɛ wɔ kɛ Klunwifuɛ'n ti a `nian bé su.

1 Korɛntfuɛ Mun 10:13

Sa ng'ɔ tɔ amun su'n, nán amun ngunmin yɛ i kwlaa sɔ'n tɔ amun su-ɔ. E kwla fa é wla'n kwlaa guɛ i Nyanmiɛn su, afin ɔ kplin-man su kɛ sa ng'ɔ sɔn-man amun nun'n ɔ tɔ amun su. I sɔ'n ti'n, sɛ sa tɔ amun su'n, ɔ ´yo man ɔ sɔn amun nun yɛlɛ kɛ ɔ ´yo sa nga b'ɔ man an ´kwla fite nun'n.

1 Korɛntfuɛ Mun 14:16

?Sɛ ɔ'a yo-man sɔ'n, sɛ Nyanmiɛn Wawɛ'n man a yi i ayɛ aniɛn wie nun sɔ'n, ɔ ´yo sɛ yɛ sran b'ɔ wun-man sa sɔ'n i wlɛ'n ɔ ´sɔ ɔ Nyanmiɛn i asenna'n su kɛ: «Man ɔ yo sɔ-ɔ?» Afin ɔ ti-man ndɛ nga a kan'n.

2 Korɛntfuɛ Mun 1:20

Afin sa kwlaa nga Nyanmiɛn waan ɔ ´yo'n, Krist kplin su yɛ ɔ yiɛ i nuan. I sɔ'n ti, Jésus ti e kusu e yra é nuan se kɛ: «Man ɔ yo sɔ!» I sɔ'n nun Nyanmiɛn nyan nyrun.

Galasifuɛ Mun 1:4

Kɛ ɔ ko yo nan Krist ɔ'a de é mɛn tɛ kain nga nun'n ti, ɔ fɛ i bɔbɔ wun mannin é sa tɛ'n ti. I sɔ'n ti e Si Nyanmiɛn klun su.

Mmla'n 8:16

Mani bɔ amún si'm be si-mɛn i'n, ɔ fa tali amun. Amun Nyanmiɛn i waan ɔ ´gua amun nyin ase nan ɔ ´sa amun nian, yɛ i waan ɔ ´yo amun ye cɛn wie. Nán amún wla fi i su.

Mmla'n 8:2

Nán amún wla fi atin tɛnndɛn nga Anannganman amun Nyanmiɛn'n fali amun sinnin nun aawlɛ flɛnnɛn'n nun lɔ afuɛ ablanan'n. I waan ɔ ´gua amun nyin ase nan ɔ ´sa amun nian. I waan ɔ ´si amun klun lɔ akunndan mun. I waan ɔ ´nian sɛ amun ´fɛ i nuan ndɛ'n su o, annzɛ sɛ o.

1 Tɛsalonikfuɛ Mun 1:10

kɛ amun ´minndɛ i Wa b'ɔ cɛnnin i'n, b'ɔ ´fin nyanmiɛn su lɔ ba'n, yɛlɛ Jésus b'ɔ de e Nyanmiɛn i ya b'ɔ wa jao'n nun'n.

2 Tɛsalonikfuɛ Mun 3:3

Sanngɛ e kwla fa é wla gua e Min'n su. Ɔ ´wla amun fanngan yɛ ɔ ´nian amun su ɔ man Klunwifuɛ'n su nyan-man amun.

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

Hébreu 11:36

Be to wie'm be mma, be fa nyantiaan bo be, be fa jrɔkɔ ci wie mun, yɛ be wla be bisua.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 19:1

I sin n tili sran kpanngban kpa be nɛn nyanmiɛn su lɔ, be kpan kekle kpa, be seli kɛ: «An `manman Nyanmiɛn! E Nyanmiɛn'n de sran, ɔ ti nyannyannyan, yɛ ɔ kwla like'n kwlaa yo.

Sa nglô yile 19:4

Kpɛnngbɛn ablaɔn-nin-nnan'm be nin like nnan bɔ be ti kɛ nnɛn sa'n, be kotoli Nyanmiɛn b'ɔ ti bia'n su'n i bo, be mɛnmɛnnin i. Be seli kɛ: «Man ɔ yo sɔ! An `manman Nyanmiɛn!»

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

Sa nglô yile 21:4

Ɔ ´nunnun be nyinmuɛn'n kwlaa, wie'n su tran-man lɛ kun. Be su yo-man sɛ kun, be su sun-man kun, be su wun-man nyrɛnnɛn kun, afin laa ninnge sɔ'm be su tran-man lɛ kun .»

Sa nglô yile 3:10

An fa ndɛ bɔ n kan kleli amun kɛ an tra amun anwlɛn'n su. Ɔ man kɛ sa kekle ´tɔ mɛn wunmuan'n su sran'm be kwlaa be sa nianlɛ'n ti'n, n kusu n ´sasa amun.

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :

Sa nglô yile 5:13

Yɛ like bɔ Nyanmiɛn yili be'n, be nga be o nyanmiɛn su lɔ o, be nga be o asiɛ'n su wa o, be nga be o asiɛ'n bo lɔ o, be nga be o jenvie'n nun o, n tili be kwlaa be ngan, be se kɛ: «Man e manman sran ng'ɔ ti bia su'n nin Bua Gbanflɛn'n, e `yi be ayɛ, e `yɛyɛ be, yɛ e `se kɛ be ti kpli tititi .»