Matthieu 5:9 - NYANMIƐN NDƐ'N 1998

⁹ Be nga be ti ndɛ siesiefuɛ'n, be liɛ su ti ye, afin Nyanmiɛn wa flɛ be i mma mun!

Nyanmien nde Ufle

⁹ Bé nga bé ti nda siésiéfue'n, bé lie su ti yé, afin Nyanmien wa fle bé i mma mun!

Matthieu 5:9 ပူးပေါင်းရင်းမြစ်များ

1 Be Nyoliɛ 12:17

Le kun Bɛnzamɛnfuɛ mun nin Zidafuɛ'm be ɔli David sin kan ɔ fia lɔ'n.

Jue Mun 120:6

E nin be bɔ be klo-man fɔuun tranlɛ'n y'a tran y'a cɛ ngboko.

Jue Mun 34:12

Min mma mun, amun `bla man n kan ndɛ n kle amun. N ´kle amun kɛ bé nyin fa yi Anannganman'n.

Matthieu 5:45

I sɔ'n nun'n, amun wa yo amun Si b'ɔ o nyanmiɛn su lɔ'n i mma mun, afin ɔ bo wia'n man be bɔ be ti tɛ'n nin be bɔ be ti kpa'n, yɛ ɔ tɔ nzue'n man nanwlɛfuɛ nin be bɔ be ti-man nanwlɛfuɛ'n.

Matthieu 5:48

I sɔ'n ti, an `yo sran kpa kɛ amun Si b'ɔ o nyanmiɛn su lɔ'n ɔ ti kpa'n sa .»

JÉSUS-CHRIST I DYASIN FE'N BO LUC KLELI'N 20:36

Yɛ be su wu-man kun, yɛlɛ kɛ be ´kaci kɛ anz'm be sa, cɛnlɛ bɔ Nyanmiɛn cɛn be'n ti, be ´yo i mma mun.

JÉSUS-CHRIST I DYASIN FE'N BO LUC KLELI'N 6:35

Sanngɛ an `klo amun kpɔfuɛ mun, an `yo be ye, yɛ an `bo sran bosia, nán an fa amún nyin sie su kɛ be yi man amun. Sɛ an yo sɔ'n, be ´yo amun mo dan, yɛ amun ´kaci Nyanmiɛn bɔ like fi nun-mɛn i sin'n i mma mun, afin ɔ yo be nga be si-man ye'n ɔ nin klunwifuɛ'm be ye.

Sa nga bé yôli'n 7:26

Kɛ i aliɛ cɛnnin'n, ɔ ´fite be su-ɔ, be ngunmin-ngunmin be nun nnyɔn be su di utre, i waan ɔ ´kpata be. Ɔ seli be kɛ: ‹?An ti niaan, nguɛ ti yɛ an di utre-ɔ?›

Rɔmfuɛ Mun 12:18

Like kwlaa nga amun kwla yo bɔ amun nin sran su kan-man ndɛ'n, amun yo.

Rɔmfuɛ Mun 8:14

Be kwlaa nga be fa atin nga Nyanmiɛn Wawɛ'n kle be su'n, be ti Nyanmiɛn wa.

Rɔmfuɛ Mun 8:16

Nyanmiɛn Wawɛ'n kle ye weiin kpa e anwlɛn'n nun kɛ e ti Nyanmiɛn i wa sakpa.

Rɔmfuɛ Mun 8:19

Like nga Nyanmiɛn yili be'n, be kwlaa bé wun blibli be, yɛ be minndɛ cɛn nga Nyanmiɛn wa yi i mma'm be nglo'n.

1 Korɛntfuɛ Mun 6:6

Kristfuɛ kun sɛnmɛn i niaan be bɔ be lafi-man Krist su'm bé ja su!

2 Korɛntfuɛ Mun 13:11

Aniaan mun, min ndɛ'n i atabo'n yɛ: Nyanmiɛn man amun klun jɔ. An `kaci, an `yo sran kpa, an `fa min ndɛ'n su, man amún bo yo kun, yɛ an `di anuansɛ. Yɛ Nyanmiɛn b'ɔ klo sran'n b'ɔ man e di alaje'n, ɔ nin amun ´tran.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

Galasifuɛ Mun 5:22

Sanngɛ sa nga Nyanmiɛn Wawɛ'n man sran yo'n yɛ: ɔ man be klo Nyanmiɛn nin sran, be klun jɔ, bé wla gua ase, be tra be anwlɛn, be yo sran ye, be yo aklunye, be di nanwlɛ,

Efɛzfuɛ Mun 4:1

I sɔ'n ti'n, m bɔ e Min'n ti yɛ n ti bisuafuɛ'n, n srɛ i kpa kɛ an bu flɛlɛ nga Nyanmiɛn flɛli amun'n i akunndan nan an yo sa ng'ɔ ti i nuan su'n.

Filipfuɛ Mun 4:2

Evodi nin Sintis, n ´tu amun fɔ, yɛ n ´srɛ amun kɛ man amun akunndan'n yo kun, afin e Min'n ti an ti niaan.

Kolɔsfuɛ Mun 3:13

Sa nga amun wiengu yo bɔ an wun i'n, man ɔ sɔn amun nun, sɛ sran kun yo i wiengu sa'n, man ɔ yaci cɛ i. Krist yacili sa nga an yoli i'n cɛli amun, ɔ man amun kusu, sa nga be yo amun'n, an `yaci cɛ.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.