Matthieu 5:20 - NYANMIƐN NDƐ'N 1998

²⁰ Afin n ´kan kle amun kɛ, sɛ amun nzuɛn'n ɔ'a yo-man kpa a tra-man mmla klefuɛ nin Farizifuɛ'm be liɛ'n, Nyanmiɛn su sie-man amun mlɔnmlɔn!

Nyanmien nde Ufle

²⁰ Afin nh kanh klé amun ke, se amun nzuen'n wa yô'a kpa a tra'a mmla kléfue nin Pharisifue'm (*f4*) bé lie'n, an su yô'a men nga Nyanmien sié'n i nunfue mlonmlon.

Matthieu 5:20 ပူးပေါင်းရင်းမြစ်များ

Matthieu 16:12

Yɛ be wunnin i wlɛ kɛ nán kpaun ayre'n i lika yɛ i waan be nian bé wun nin-ɔn, sanngɛ like nga Farizifuɛ mun nin Sadisefuɛ'm be kle'n i lika yɛ i waan be nian bé wun nin-ɔn.

Matthieu 18:5

Yɛ sran ng'ɔ sɔ ba kaan kɛ nga sa nun n dunman nun'n, wuun min nun yɛ ɔ'a sɔ-ɔ.»

Matthieu 3:10

Kpɛliɛ'n ɔ'a kan waka olui'n, ɔ man waka kwlaa nga i mma'n ti-man kpa'n, be ´kpɛ i gua sin'n nun.

Matthieu 7:21

«Nán sran'm be kwlaa bɔ be flɛ min be Min'n be ngba yɛ Nyanmiɛn ´sie be sakpa-a, san sran ng'ɔ yo min Si b'ɔ o nyanmiɛn su lɔ'n i klun sa'n, i yɛ ɔ ´sie be sakpa-a.

Marc 10:15

Nanwlɛ, sran ng'ɔ yo-mɛn i wun kɛ bakan sa, b'ɔ fɛ-mɛn i wun man-man Nyanmiɛn kɛ ɔ sie i'n, ɔ su yo-man mɛn nga Nyanmiɛn sie'n i nunfuɛ mlɔnmlɔn.»

Marc 10:25

Nyɔnngɔnmɛn i dɔlua buɛ nun sinlɛ'n ti pɔpɔ tra kɛ anyanbeunfuɛ kun fɛ i wun man Nyanmiɛn kɛ ɔ sie i'n.»

JÉSUS-CHRIST I DYASIN FE'N BO LUC KLELI'N 11:44

An yako! Yɛlɛ kɛ an ti kɛ ndia bɔ b'a sie-mɛn i nzɔliɛ'n sa, kɛ be si-man sɔ'n, be nanti su.

JÉSUS-CHRIST I DYASIN FE'N BO LUC KLELI'N 12:1

Kɛ ɔ yoli sɔ'n, sran akpi-akpi be yiali, ɔ man be fufu be wiengu su. Jésus i sɔnnzɔnfuɛ'm be yɛ ɔ dun mmua kannin ndɛ kleli be-ɔ, ɔ seli be kɛ: «An `nian amún wun kpa Farizifuɛ'm be kpaun ayre bɔ yɛlɛ dunman klolɛ'n i lika.

JÉSUS-CHRIST I DYASIN FE'N BO LUC KLELI'N 18:17

Nanwlɛ, sran ng'ɔ yo-mɛn i wun kɛ bakan sa'n, b'ɔ fɛ-mɛn i wun man-man Nyanmiɛn kɛ ɔ sie i'n, Nyanmiɛn su sie-mɛn i mlɔnmlɔn.»

2 Korɛntfuɛ Mun 3:9

Sɛ like nga be yo-ɔ ɔ man be bu sran fɔ'n ɔ lɛ nyrun dan sɔ'n, like nga kusu bɔ be yo-ɔ ɔ man Nyanmiɛn bu sran sran kpa'n, ɔ lɛ nyrun trɛ i fatifati.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

Hébreu 12:14

Man amun nin sran'm be kwlaa amún nuan sɛ amún wun, man amun nzuɛn'n fa Nyanmiɛn liɛ'n, afin sɛ ɔ ti-mɛn i ti-ɔ, sran fi su wun-man e Min'n.

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .