Matthieu 4:14 - NYANMIƐN NDƐ'N 1998

¹⁴ nan Nyanmiɛn nuan ijɔfuɛ Ezai i ndɛ'n ɔ `kpɛn su, ɔ seli kɛ:

Nyanmien nde Ufle

¹⁴ nan Nyanmien nuan idyofue Ésaïe i nde'n o kpen su, o sé ke:

Matthieu 4:14 ပူးပေါင်းရင်းမြစ်များ

Matthieu 1:22

I kwlaa sɔ'n yoli sɔ nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su, ɔ seli kɛ:

Matthieu 2:15

Ɔ trannin lɔ lele san Erɔd wuli, kɛ ɔ yo nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su'n ti. Nyanmiɛn nuan ijɔfuɛ sɔ'n seli kɛ: «N flɛli n wa yasua'n kɛ ɔ jaso Ezipt lɔ bla .»

Matthieu 2:23

Nan ɔ'a tran klɔ kun bɔ be flɛ i kɛ Nazarɛt'n su nan ndɛ nga Nyanmiɛn nuan ijɔfuɛ'm be kannin'n ɔ'a kpɛn su. Be kɛnnin i kɛ: «Be wa flɛ i Nazarɛtfuɛ .»

Matthieu 26:54

?Sɛ ɔ'a yo-man sɔ'n, ɔ ´yo sɛ nan ndɛ nga be klɛli i kɛ be ´yo kɛ nga sa'n, ɔ'a kpɛn su?»

Matthieu 26:56

Sanngɛ be yoli i kwlaa sɔ'n nan ndɛ nga Nyanmiɛn nuan ijɔfuɛ'm be klɛli'n ɔ ´kpɛn su.» Yɛ i sɔnnzɔnfuɛ'm be kwlaa be yacili i lɛ be wanndili-ɔ.

Matthieu 4:13

Ɔ tuli Nazarɛt, ɔ wa trannin Kapɛrnaɔm b'ɔ o fɛtɛ'n nuan lɛ Zabilɔn mɛn'n nin Nɛftali mɛn'n be akpasua'n su

Matthieu 4:15

«Zabilɔn mɛn'n nin Nɛftali mɛn'n , be o Galile b'ɔ ti be nga be ti-man Zuif'n be mɛn'n nun. Be mantan fɛtɛ'n b'ɔ o Zurdɛn'n i sin lɔ'n.

Matthieu 8:17

I sɔ'n nun'n, ndɛ nga Nyanmiɛn nuan ijɔfuɛ Ezai kɛnnin i kɛ: «I bɔbɔ fali e wunnɛn ya'n, yɛ ɔ fa e tukpacɛ'n suali'n ,» ɔ kpɛnnin su.

JÉSUS-CHRIST I DYASIN FE'N BO LUC KLELI'N 22:37

Afin nanwlɛ, mín wun ndɛ nga be klɛli i kɛ: ‹Be kɛ i wlali sa tɛ yofuɛ'm be nun'n,› san ɔ ´kpɛn su. Yɛ mín wun ndɛ'n i kwlaa su wa wie su kpɛn .»

JÉSUS-CHRIST I DYASIN FE'N BO LUC KLELI'N 24:44

I sin ɔ seli be kɛ: «Ndɛ nga yɛ kɛ min nin amun tɛ o lɛ'n n kan kleli amun nin-ɔn, n kɛnnin i kɛ mín wun ndɛ nga be klɛli i Moiz mmla nun'n, nin Nyanmiɛn nuan ijɔfuɛ'm be ndɛ'n nun'n, ɔ nin Nyanmiɛn Jue fluwa be nun'n, san i kwlaa'n ´kpɛn su.»

Jean 15:25

Sanngɛ sa sɔ'n yo sɔ nan ndɛ nga be klɛli be mmla fluwa'n nun kɛ: ‹Kpɔlɛ nga be kpɔ min'n lɛ-man bo'n› ɔ `kpɛn su .

Jean 19:28

Kɛ ɔ yoli sɔ'n, Jésus sili kɛ ɔ'a wie like ng'ɔ bɛli i yolɛ'n i yo, sanngɛ kɛ ɔ yo nan Nyanmiɛn ndɛ nga be klɛli ɔ'a kpɛn su'n ti'n, ɔ seli kɛ: «Nzue we kun min .»