Matthieu 28:20 - NYANMIƐN NDƐ'N 1998

²⁰ Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Nyanmien nde Ufle

²⁰ Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

Matthieu 28:20 ပူးပေါင်းရင်းမြစ်များ

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

1 Famiɛn Mun 1:36

Bɛnaza seli famiɛn'n kɛ: «Man ɔ yo sɔ! Anannganman ɔ Nyanmiɛn'n i bɔbɔ yɛ ɔ fali ndɛ nga a kɛnnin i lɛ'n wlali ɔ nuan-an.

1 Be Nyoliɛ 16:36

Amun `la Anannganman b'ɔ ti Izraɛl Nyanmiɛn'n i ase titi! Sran'm be kwlaa be tɛli su kɛ: «Man ɔ yo sɔ! E manman Anannganman!»

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 46:7

Nvle'm be nunfuɛ'm be kplin, famiɛn diwlɛ'm be su keje. Kɛ Nyanmiɛn'n kpan sa fiaan'n, kpɛkuun asiɛ'n su keje.

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 8:27

Anannganman yoli nga Moiz srɛli i kɛ ɔ yo'n. Ɔ fuannin ngɔnsiɛn sɔ mun be jasoli famiɛn'n nin i mantanfuɛ mun, ɔ nin be nvle'n nunfuɛ'm bé wun lɛ be ɔli mmua. Ngɔnsiɛn tɛtɛ sɔ'n, ba kun sa ɔ'a ka-man lɛ.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Zeremi 26:2

«Anannganman'n wan yoo: ‹Ko jran min sua'n i awlo klun'n nun nan kan ndɛ nga n ´fa wla ɔ́ nuan yɛ'n kwlaa kle sran nga be fin Zida klɔ klɔ'm be su ba min bo kotolɛ'n, kan ndɛ sɔ'n kwlaa kle be. Nán yaci wie lɛ.

Ezekiɛl 46:10

Wlengbi'n ɔ nin nvlefuɛ mun yɛ be `wlu-ɔ, yɛ ɔ nin be yɛ be `fite-ɔ.

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Matthieu 13:49

Kɛ mɛn'n i awieliɛ'n ɔ wa yo sɔ-ɔ: anz'm be ´ba, be wa yi sran klunwifuɛ mun nanwlɛfuɛ'm be nun,

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 24:3

Ɔ ko trannin ase Olivie Oka'n su. Yɛ i sɔnnzɔnfuɛ'm be bɛli i wun lɛ nan b'a usɛ i blɛlɛ kɛ: «?Blɛ onin yɛ sa sɔ'm be ´yo-ɔ, yɛ nguɛ yɛ ɔ ti ɔ balɛ'n nin mɛn'n i awieliɛ'n i nzɔliɛ nin-ɔn? Kle ye.»

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Marc 16:20

Yɛ be ko kannin ndɛ'n lika'n kwlaa nun. E Min Nyanmiɛn nin be dili junman, ɔ man be yili atrɛ b'ɔ kle kɛ be ndɛ'n ti nanwlɛ.]

Sa nga bé yôli'n 2:42

Be fa be su sie be bɔ Jésus sunmannin be'n be ndɛ'n su kpa, be tran aniaan tranlɛ, be di like likawlɛ, be nin Nyanmiɛn be koko yalɛ tititi.

Sa nga bé yôli'n 20:27

Afin n kannin Nyanmiɛn i klun sa'n kwlaa kleli amun, m'an fia-man wie fi su amún wun.

1 Korɛntfuɛ Mun 11:2

Amun mo, yɛlɛ kɛ amún wla o n su titi yɛ ndɛ nga be fa mannin min bɔ n kusu n fa mannin amun'n, an fa su kpa.

1 Korɛntfuɛ Mun 11:23

Afin sa nga e Min'n fa kleli min'n yɛ kusu n fa kle amun-ɔn. Nnɔsua kunngba nga be fa e Min Jésus mannin sran mun'n, ɔ fali kpaun,

1 Korɛntfuɛ Mun 14:37

Sran ng'ɔ se kɛ ɔ ti Nyanmiɛn nuan ijɔfuɛ'n annzɛ ɔ se kɛ Nyanmiɛn Wawɛ'n yɛ ɔ sie i'n, man ɔ wun i wlɛ kɛ ndɛ nga n klɛ blɛ amun yɛ'n, e Min'n i nuan ndɛ-ɔ.

Mmla'n 5:32

Moiz seli Izraɛlfuɛ'm be kɛ: «Amun `fa ndɛ nga Anannganman amun Nyanmiɛn'n fa mannin amun'n i su kpa. Nán amun yi i ase.

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

2 Timote 4:17

Sanngɛ e Min'n yɛ ɔ jran min sin, yɛ ɔ wlali n fanngan yɛ man n kwla kɛnnin i ndɛ'n kwlaa yɛ man be kwlaa nga be ti-man Zuif'n be tili-ɔ. Ɔ deli min asɔmɔli'n i nuan nun.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

2 Piɛr 3:2

An `bu ndɛ nga Nyanmiɛn nuan ijɔfuɛ'm be kan kleli amun laa'n, ɔ nin sa nga e Min b'ɔ ti e Defuɛ'n seli kɛ e `yo'n, bɔ be nga ɔ sunmannin be amún sin'n be kan kleli amun'n, i akunndan.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !