Matthieu 27:63 - NYANMIƐN NDƐ'N 1998

⁶³ «Nannan, é wla kpɛn ndɛ kun bɔ kɛ bian gblɛfuɛ dan sɔ'n i nyin o su'n ɔ kannin'n su, i waan sɛ be kun i nan ɔ di le nsan'n, ɔ ´cɛn.

Nyanmien nde Ufle

⁶³ Nannan, é wla kpen nde kun bo ke bian gblefue dan so'n i nyin ô su'n o kannin'n su, i waan, se bé kuin nan o di lé nsan'n, oh tyenh.

Matthieu 27:63 ပူးပေါင်းရင်းမြစ်များ

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 17:23

Be man be ´kun min, yɛ i le nsan su n ´cɛn. I sɔ'n ti, bé wla boli dan kpa.

Matthieu 20:19

Be ´se kɛ m'an di fɔ nan be `kun min, be ´fa min wla be bɔ be ti-man Zuif'm bé sa nun kɛ be `yo n finfin, be ´bo min nin ngble, be ´bobo min waka'n su, yɛ i le nsan su n ´cɛn.»

Matthieu 26:61

I sin i suɛn tɔnfuɛ nnyɔn ekun be bali, be seli kɛ: «Bian nga waan ɔ kwla bubu Nyanmiɛn i sua'n yɛ ɔ ´kplɛn i uflɛ le nsan.»

Matthieu 27:64

I sɔ'n ti, se sonja mun man be ko nian ndia'n su lele ɔ di le nsan nan i sɔnnzɔnfuɛ'm b'a fɛ-mɛn i fuɛn'n b'a se-man sran'm be kɛ ɔ'a cɛn'n ti. Sɛ ɔ yo sɔ'n, gblɛ nga be wa to i kasiɛn'n, ɔ ´tra laa liɛ'n.»

Matthieu 28:6

Ɔ nun-man wa, ɔ'a cɛn kɛ ɔ kan kleli amun kɛ ɔ ´cɛn'n sa. An `bla be wa nian lika ng'ɔ lali nun'n

Marc 10:34

be ´yo n finfin, be ´gua min wun ngɔsrɛ, be ´bo min nin ngble, yɛ be ´kun min, kɛ n di le nsan'n, n ´cɛn.»

Marc 8:31

Yɛ ɔ boli be kan klelɛ'n bo kɛ ɔ fata kɛ i b'ɔ kacili Sran'n ɔ wun nyrɛnnɛn dan, nan kpɛnngbɛn mun, nin Nyanmiɛn nyrun jranfuɛ dandan mun, nin mmla klefuɛ mun be ´yi i blo yɛ be ´kun i, sanngɛ i le nsan su'n, ɔ ´cɛn.

Marc 9:31

afin kɛ ɔ ´kle i sɔnnzɔnfuɛ'm be like'n, ɔ seli be kɛ: «Be wa fa m bɔ n kacili Sran'n man sran mun, be ´kun min, kɛ n wu b'ɔ di le nsan'n, n ´cɛn.»

JÉSUS-CHRIST I DYASIN FE'N BO LUC KLELI'N 18:31

Jésus flɛli i sɔnnzɔnfuɛ blu-nin-nnyɔn'm be aamiɛn nan ɔ'a se be kɛ: «An `nian, e su kɔ Zerizalɛm, yɛ m bɔ n kacili Sran'n, min wun ndɛ nga Nyanmiɛn nuan ijɔfuɛ'm be klɛli'n, i kwlaa ɔ wa kpɛn su .

JÉSUS-CHRIST I DYASIN FE'N BO LUC KLELI'N 18:33

Be ´bo min, yɛ be ´kun min, sanngɛ i le nsan su n ´cɛn .»

JÉSUS-CHRIST I DYASIN FE'N BO LUC KLELI'N 23:2

Kɛ be juli lɔ'n yɛ be tɔli sa nga ti yɛ be sɛnmɛnnin i'n i kanlɛ su-ɔ, be seli kɛ: «E wun kɛ bian nga saci e nvle'n, i waan, nán man be su lapo man Sezar, yɛ i li waan ɔ ti Krist, i waan ɔ ti famiɛn.»

JÉSUS-CHRIST I DYASIN FE'N BO LUC KLELI'N 9:22

Yɛ ɔ seli be ekun kɛ: «Kannzɛ ɔ yo sɛ, san m bɔ n kacili Sran'n n ´wun nyrɛnnɛn dan, kpɛnngbɛn mun nin Nyanmiɛn nyrun jranfuɛ dandan mun nin mmla klefuɛ'm be su sɔ-man min nun, be ´kun min, yɛ i le nsan su n ´cɛn.»

Jean 2:19

Yɛ Jésus seli be kɛ: «Sɛ an saci Nyanmiɛn i sua nga'n, i le nsan su'n n ´kplɛn i ekun.»

Jean 7:12

Sran kpanngban be tuli i wun aswre, wie'm be waan Sran kpa-a. Wie'm be kusu be waan: «Nán sran kpa-a ɔ ti sran sacifuɛ.»

Jean 7:47

Farizifuɛ'm be usali be kɛ: «?Amun kusu, amun man ɔ'a laka amun wie?

2 Korɛntfuɛ Mun 6:8

Cɛn'n wie be bu e sran, cɛn'n wie be gua é nyin ase, cɛn'n wie be bo e dunman tɛ, yɛ cɛn'n wie be bo e dunman kpa. Be bu e gblɛfuɛ, sanngɛ e di nanwlɛ,