Matthieu 27:52 - NYANMIƐN NDƐ'N 1998

⁵² Ndia'm be buli, yɛ Nyanmiɛn i sran'm bɔ be wuli'n, be sunman be cɛnnin.

Nyanmien nde Ufle

⁵² Ndia'm bé buli, ye Nyanmien i swran'm bo bé wuli'n, bé sunman bé tyennin.

Matthieu 27:52 ပူးပေါင်းရင်းမြစ်များ

2 Famiɛn Mun 13:21

Le kun sran wie'm be ɔli fuɛn sielɛ. Be ´nian-an, Moabfuɛ wie mun yɛ be ´ba yɛ. Be toli fuɛn'n yili i Elize i asieliɛ'n nun, fuɛn'n ko kannin Elize i owie'n, kpɛkuun ɔ'a cɛn. Ɔ jaso jrannin.

Ezai 25:8

Ɔ ´nunnun wie'n mlɔnmlɔnmlɔn. Anannganman ɔ ´nunnun sran'm be kwlaa be nyinmuɛn'n. Nyannzuɛn nga i mɛn'n nunfuɛ'm be wunnin i'n, ɔ ´wie. Anannganman kannin sɔ .

Ezai 26:19

Amun fuɛ nga be wuli'n be ´sa bé sin wa ekun. Min sran nga be sinnin wie nun'n be ´cɛn. Amun nga amun o ndutre'n nun'n, amun `tinnge, man amun klun jɔ, yɛ amun `bo sro. Anannganman, ɔ bɔlɛ ufue'n ɔ ti kɛ like b'ɔ kpaja weiin'n sa, yɛ asiɛ'n ɔ man be nga be wuli'm be ´sa bé sin wa ekun.

Daniɛl 12:2

Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Ndɛ Nga Nyanmiɛn I Nuan Ijɔfuɛ Oze Kannin'n 13:14

N ´de be, ɔ man be su kɔ-man blɔlɔ. N ´to bé ti wie'n i sa nun. ?Nja wie, wɔ alɛ ninnge'm be o nin? ?Nja wie, ɔ duwlɛ'n wo nin? N si-man sran aunnvuɛ .

Jean 11:11

Kɛ i nuan tɔli'n, ɔ seli be kɛ: «E janvuɛ Lazar a lafi, sanngɛ n ´kɔ i tinngelɛ.»

Sa nga bé yôli'n 7:60

Kpɛkuun ɔ kotoli nan ɔ'a kpan kekle kpa kɛ: «Nannan, sa nga be yo min yɛ'n, nán fa sie ɔ klun.» Kɛ i nuan'n tɔli cɛ'n, yɛ ɔ kali nun-ɔn. Sɔl sa o Etiɛni kunlɛ'n nun wie.

1 Korɛntfuɛ Mun 11:30

I sɔ'n ti yɛ man tukpacɛfuɛ mun nin cɛcɛwafuɛ'm be sɔnnin amun nun bɔ amun nun lɔuun b'a wu nin-ɔn.

1 Korɛntfuɛ Mun 15:20

Ɔ ti-man sɔ mlɔnmlɔn, sanngɛ Nyanmiɛn cɛnnin Krist sakpa, ɔ man ɔ ti be nga be wu bɔ be ´cɛn'n be nun klikli.

1 Korɛntfuɛ Mun 15:51

An `nian, m ´bo sa kun bɔ sran'm be wun-mɛn i wlɛ'n su kle amun: e kwlaa e su wu-man, sanngɛ kɛ be ko bo awɛ kasiɛn liɛ'n, be nyinma bulɛ kunngba kplɛ kpɛkuun Nyanmiɛn a kaci ye. Kɛ awɛ sɔ'n ko tɛ'n, ɔ ´cɛn be bɔ be wuli'n ɔ nin wunnɛn b'ɔ kplɔ-man, yɛ e kusu, ɔ ´kaci ye .

1 Tɛsalonikfuɛ Mun 4:14

Afin e lafi su kɛ Jésus wuli yɛ ɔ cɛnnin, ɔ man e lafi su kɛ Nyanmiɛn man be nga be lafi i su bɔ be wuli'n, be nin Jésus be ´ba.

1 Tɛsalonikfuɛ Mun 5:10

E ti yɛ ɔ wuli-ɔ, ɔ man kɛ ɔ ´ba'n, sɛ é nyin o su o, sɛ y'a wu o, e nin i e ´nyan nguan.