Matthieu 27:22 - NYANMIƐN NDƐ'N 1998

²² Pilat usali be kɛ: «?Yɛ n ´yo Jésus bɔ be flɛ i Krist'n i sɛ?» Be kwlaa be waan: «Man be bobo i waka'n su!»

Nyanmien nde Ufle

²² Pilate usa bé ke: ?Ye n yô Jésus bo bé flee Christ'n i se? Bé kwlaa bé waan: Man bé bôbôé waka'n su!

Matthieu 27:22 ပူးပေါင်းရင်းမြစ်များ

Zɔb I Nyrɛnnɛn Wunlɛ 31:31

Be nga e nin be tran'n be si kɛ sran nga ɔ'a di-man nnɛn nga n fa man'n i wie'n, ɔ nun-man lɛ.

Ezai 49:7

Anannganman b'ɔ kpɔ i nvle'n nunfuɛ'm bé ti'n, b'ɔ ti Izraɛl Nyanmiɛn'n, ɔ kan ndɛ kle amun bɔ be yo amun finfin'n, bɔ be kpɔ amun'n, bɔ be nga be sie sran mun kekle su'n be fa amun yo be kanga'n. I waan: «Min Anannganman bɔ n ti nanwlɛfuɛ'n, bɔ n ti Izraɛl Nyanmiɛn'n, min bɔ n kpali amun'n, min dunman nun ti sɛ famiɛn'm be wun amun'n, be ´jaso be famiɛn bia'm be su, sɛ famiɛn i awlo lɔ sran dandan'm be wun amun'n, be ´koto amun bo.»

Zakari 11:8

Anglo kunngba cenje yɛ n fa fuannin bua kankanfuɛ nsan mun-ɔn. Kɛ n fuannin be sɔ'n, bua'm be wun flannin min, kpɛkuun min kusu min wun yoli be tɛ .

Matthieu 1:16

Zakɔb wuli Zozɛf b'ɔ ti Mari wun'n. Mari sɔ'n yɛ ɔ wuli Jésus bɔ be flɛ i Krist nin-ɔn.

Matthieu 27:17

Kɛ be yiali'n, Pilat usali be kɛ: «?Barabas nin Jésus bɔ be flɛ i Krist'n, be nun onin yɛ an klo kɛ n yaci i nun man amun-ɔn?»

Matthieu 27:21

Kpɛnngbɛn'n usali be ekun kɛ: «?Be nnyɔn'n be nun onin yɛ an klo kɛ n yaci i nun man amun-ɔn?» Yɛ be waan: «Barabas-ɔ.»

Matthieu 27:23

Yɛ ɔ usali be ekun kɛ: «?Sa tɛ onin bɔ cɛ yɛ ɔ yoli-ɔ?» Yɛ be kpannin kekle kpa ekun kɛ: «Man be bobo i waka'n su!»

Marc 14:55

Nyanmiɛn nyrun jranfuɛ dandan mun nin jɔlɛ difuɛ'm be kwlaa be kunndɛ ndɛ kun bɔ be kwla jran su be ´fa kun i-ɔ, sanngɛ b'a nyɛn-mɛn i le.

Jean 4:25

Bla'n seli i kɛ: «N si kɛ Mɛsi bɔ be flɛ i Krist'n ɔ ´ba. Sɛ ɔ ba'n, ɔ ´kan ndɛ'n kwlaa kle ye.»

Sa nga bé yôli'n 13:28

B'a wun-man ndɛ fi bɔ be ´jran su be kun i-ɔ, sanngɛ be srɛli Pilat kɛ ɔ kun i.

Sa nga bé yôli'n 13:38

I sɔ'n ti, nja mun, man an si kɛ i dunman nun yɛ be kan é wun sa nga Nyanmiɛn yaci cɛ ye'n i ndɛ kleli amun-ɔn.