Matthieu 26:74 - NYANMIƐN NDƐ'N 1998

⁷⁴ Yɛ ɔ ´fa Nyanmiɛn wɛwɛ i wun-ɔn, i sin ɔ seli kɛ: «Sɛ m bua ato'n, man Nyanmiɛn wun min. N si-man bian sɔ'n.» Kɛ ɔ yoli sɔ'n yɛ akɔ nyinman'n boli-ɔ.

Nyanmien nde Ufle

⁷⁴ Ye o fa Nyanmien Kpli wuewue i wuon, o sé ke: Se m bua atô'n, man Nyanmien Kpli wun min. N si'a bian so'n. Ke o yôô so'n ye ako nyinman'n bôlio.

Matthieu 26:74 ပူးပေါင်းရင်းမြစ်များ

Matthieu 10:28

Nán an sro be nga be kun sran bɔ be kwla kun-man like ng'ɔ man be flɛ sran i sran'n, sanngɛ an `sro Nyanmiɛn b'ɔ kwla saci be nnyɔn'n mlɔnmlɔn nyrɛnnɛn lika'n nun.

Matthieu 26:34

Jésus seli i kɛ: «Nanwlɛ, ndɛ kɔnguɛ nga bɔbɔ, a wa se kɛ a si-man min sɔ kpɛ nsan nan akɔ nyinman'n ɔ'a bo.»

Matthieu 26:73

Kɛ ɔ cɛli kan'n, be nga be o lɛ'n be wunngeli Piɛr wun lɛ nan b'a se i kɛ: «Nanwlɛ, wɔ, a o minniɛn nga'm be nun wie, afin wɔ aniɛn'n kle sɔ.»

Matthieu 26:75

Yɛ Piɛr wla kpɛnnin ndɛ nga Jésus kan kleli i i su-ɔ. Ɔ kɛnnin i kɛ ɔ wa se kɛ ɔ si-mɛn i sɔ kpɛ nsan nan akɔ nyinman'n ɔ'a bo. Ɔ fiteli gua su lɔ nan ɔ'a sun dan kpa.

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

Marc 14:30

Yɛ Jésus seli i kɛ: «Nanwlɛ, ndɛ kɔnguɛ nga bɔbɔ, a wa se kɛ a si-man min sɔ kpɛ nsan nan akɔ nyinman'n ɔ'a bo kpɛ nnyɔn.»

Marc 14:68

Ɔ seli kɛ: «Sran nga a kɛn i ndɛ'n, n si-mɛn i, ndɛ kpa nga a kan'n, n wun-mɛn i wlɛ.» I sin ɔ fite ɔli ala'n bo lɔ.

JÉSUS-CHRIST I DYASIN FE'N BO LUC KLELI'N 22:60

Yɛ Piɛr seli i kɛ: «Ɔ liɛ'n, ndɛ kpa nga a kan'n, n wun-mɛn i wlɛ.» I nuan nian tɔ-man kpɛkuun akɔ nyinman'n ɔ'a bo.

Jean 18:27

Piɛr seli ekun kɛ ɔ si-mɛn i. Kpɛkuun yɛ akɔ nyinman'n boli-ɔ.

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

1 Korɛntfuɛ Mun 16:22

Sɛ sran kun klo-man e Min'n, man Nyanmiɛn bo i sannzan. Maranata! (E Min'n ´ba!)

Sa nglô yile 3:19

Be kwlaa nga n klo bé sa'n, n ijɔ be, yɛ n tu be fɔ. I sɔ'n ti, an `yaci amun nyrun kouun yolɛ'n, yɛ an kaci amun nzuɛn'n .

Jɔlɛ Difuɛ Mun 17:2

Ɔ seli i nin kɛ: «Ɔ jɛtɛ ufue mma akpi kun jɛtɛ ufue mma ya (1.100) nga be wuali'n bɔ a wuali su amuɛn m bɔbɔ min nyrun'n, sika sɔ'n yɛ. Min yɛ n fali-ɔ.» I nin tɛli i su kɛ: «Min wa, man Anannganman yo ɔ wun sa ye.»

Jɔlɛ Difuɛ Mun 21:18

Yɛ sanngɛ e kwla fa-man e mma bla mun e man-man be, afin e tali nda kɛ: ‹Nán Izraɛlfuɛ fi fa bla man Bɛnzamɛnfuɛ kun, nan sran ng'ɔ yo sɔ'n, nán man ɔ wun ye le.»›