Matthieu 26:41 - NYANMIƐN NDƐ'N 1998

⁴¹ Man amún nyin tran su, yɛ amun `srɛ Nyanmiɛn nan Lakafuɛ'n ɔ'a laka-man amun. Amun anwlɛn'n wo su kɛ amun `yo, sanngɛ an lɛ-mɛn i wun fanngan.»

Nyanmien nde Ufle

⁴¹ Man amun nyin tran su, ye amun nin Nyanmien anh kôkô yale nan Lakafue'n wa laka'a amun. Amun awlen'n wô su ke amunh yôh, sannge an le'e i wun fanngan.

Matthieu 26:41 ပူးပေါင်းရင်းမြစ်များ

Jue Mun 119:1

Be nga bɔ be nanti sein'n, bɔ Anannganman i mmla'n su yɛ be nian be nanti'n, be liɛ su ti ye!

Jue Mun 119:115

Klunwifuɛ mun, amun `jaso min nyrun lɛ, man n fa min Nyanmiɛn i mmla'm bé su.

Jue Mun 119:117

Suan mín bo kɛ ɔ ´yo nan m'an yo ɔ klun sa'n nan m'an nyan min ti'n ti.

Jue Mun 119:32

Atin nga ɔ mmla'n kle'n i su yɛ n nanti wawa-a, afin a yo man min wla'n ɔ gua ase.

Matthieu 24:42

I sɔ'n ti, an `tran minndɛ, yɛlɛ kɛ an si-man cɛn nga amun Min'n ɔ ´ba nun-ɔn.

Matthieu 25:13

Yɛ Jésus seli be kɛ: I ti'n, an `tran minndɛ, afin an si-man cɛn'n nin dɔ'n.»

Matthieu 26:38

yɛ ɔ seli be kɛ: «Awlaboɛ'n su kun min, an `ka wa, an `tran bé nyin su uka min.»

Matthieu 6:13

Nán yaci e lɛ man Lakafuɛ'n laka e, sanngɛ de ye i sa nun. [Afin a ti kpli, a sie like'n kwlaa, yɛ manmanlɛ'n ti ɔ liɛ tititi. Man ɔ yo sɔ!]

Marc 14:38

Man amún nyin tran su, yɛ amun nin Nyanmiɛn an `koko yalɛ nan lakafuɛ'n ɔ'a laka-man amun. Amun anwlɛn'n wo su kɛ amun ´yo, sanngɛ an lɛ-mɛn i wun fanngan.»

JÉSUS-CHRIST I DYASIN FE'N BO LUC KLELI'N 11:4

Yaci sa nga e yo wɔ'n cɛ ye, afin e kusu, sran nga be yo ye sa'n, e yaci cɛ be kwlaa. Nán yaci ye lɛ man be laka ye.»

JÉSUS-CHRIST I DYASIN FE'N BO LUC KLELI'N 21:36

I sɔ'n ti, an `tran minndɛ i cɛn kwlaa, an `srɛ Nyanmiɛn nan an kwla fite sa b'ɔ wa ba mɛn nun'n i kwlaa i nun nan amun `kwla jran m bɔ n kacili Sran'n min nyrun.

JÉSUS-CHRIST I DYASIN FE'N BO LUC KLELI'N 22:40

Kɛ be juli lika sɔ nun lɔ'n, ɔ seli be kɛ: «An `srɛ Nyanmiɛn kɛ nán man Lakafuɛ'n laka amun.»

JÉSUS-CHRIST I DYASIN FE'N BO LUC KLELI'N 22:46

«?Nguɛ ti yɛ an lafi-ɔ? An `jao srɛ Nyanmiɛn kɛ nán man Lakafuɛ'n laka amun»

JÉSUS-CHRIST I DYASIN FE'N BO LUC KLELI'N 8:13

Nga kusu b'ɔ tɔli akpuɛ'n su'n yɛlɛ be nga kɛ be ti Nyanmiɛn ndɛ'n, be klun jɔ su, be fa su kaan, sanngɛ be ti kɛ awie b'ɔ lɛ-man ndin'n sa, kɛ sa kaan tɔ be su'n, kpɛkuun b'a yaci i su falɛ.

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

1 Korɛntfuɛ Mun 10:13

Sa ng'ɔ tɔ amun su'n, nán amun ngunmin yɛ i kwlaa sɔ'n tɔ amun su-ɔ. E kwla fa é wla'n kwlaa guɛ i Nyanmiɛn su, afin ɔ kplin-man su kɛ sa ng'ɔ sɔn-man amun nun'n ɔ tɔ amun su. I sɔ'n ti'n, sɛ sa tɔ amun su'n, ɔ ´yo man ɔ sɔn amun nun yɛlɛ kɛ ɔ ´yo sa nga b'ɔ man an ´kwla fite nun'n.

1 Korɛntfuɛ Mun 16:13

An `nian amún wun kpa, an `lafi Krist su, an `jran kekle, an `yo man be wun kɛ an ti yasua bɔ amun anwlɛn sɔ .

1 Korɛntfuɛ Mun 9:27

Kɛ n ko yo nan b'a se-man m bɔ n kannin ndɛ kleli sran mun'n kɛ n nun-man be nun wie'n, i ti n nian min wun su kpa, yɛ n tra min anwlɛn lele ɔ si min wun.

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

1 Piɛr 4:7

Like'n kwlaa be awieliɛ'n ɔ'a mantan. I sɔ'n ti, an `bu akunndan, yɛ an `nian amún wun su nan amu'an kwla koko yalɛ a kle Nyanmiɛn.

1 Piɛr 5:8

An `sasa amun wun, an `nian-nian! Afin mmusu'm bé si Satan b'ɔ ti amun kpɔfuɛ'n, ɔ ti kɛ asɔmɔli b'ɔ wlan-wlan ɔ kpan kunndɛ nnɛn'n sa.

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

Sa nglô yile 16:15

E Min waan: «Nian, m ´ba kɛ awiefuɛ sa! Sran ng'ɔ tran minndɛ, b'ɔ niɛn i tralɛ'm bé su'n, b'ɔ man ɔ su fɛ-mɛn i wun kplɛn sin-man'n, b'ɔ man ɔ su wun-man nyannzuɛn'n, i liɛ su ti ye!»

Sa nglô yile 3:10

An fa ndɛ bɔ n kan kleli amun kɛ an tra amun anwlɛn'n su. Ɔ man kɛ sa kekle ´tɔ mɛn wunmuan'n su sran'm be kwlaa be sa nianlɛ'n ti'n, n kusu n ´sasa amun.