Matthieu 25:46 - NYANMIƐN NDƐ'N 1998

⁴⁶ Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Nyanmien nde Ufle

⁴⁶ Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

Matthieu 25:46 ပူးပေါင်းရင်းမြစ်များ

Daniɛl 12:2

Sran kpanngban bɔ be o ndia nun'n be ´jaso. Wie'm be ´nyan anannganman nguan, wie'm be kusu be ´wun nyannzuɛn b'ɔ lɛ-man awieliɛ'n.

Matthieu 13:43

Sanngɛ sran nanwlɛfuɛ'm be wa yo kɛ wia'n sa, be ´kpaja be Si i mɛn'n nun. Man sran ng'ɔ si ´fa sie'n, ɔ ´fa sie.»

Matthieu 19:16

Yɛ sran kun bali Jésus wun lɛ nan ɔ'a usa Jésus kɛ: «?Nja, nguɛ like kpa yɛ n ´yo nan m'an nyan anannganman nguan nin-ɔn ?»

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Matthieu 25:41

I sin n ´se be nga be gua m bɛ su'm be kɛ: ‹Amun bɔ n Si boli amun sannzan'n, an `jao min wun lɛ wɔ anannganman sin bɔ be trɔ mannin mmusu'm bé si Satan nin i anz mun'n nun.

Matthieu 25:45

Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

JÉSUS-CHRIST I DYASIN FE'N BO LUC KLELI'N 16:26

Yɛ kusu sa ng'ɔ ti sa sɔ'n i nun kekle'n, yɛlɛ kɛ be kpɛli kunman dan kpa e nin amun ye afiɛn nan sɛ sran nga i waan ɔ ´fin é wun wa kɔ amún wun lɔ'n, ɔ'a kwla ɔ-man, yɛ sran nga i waan ɔ ´fin amún wun lɔ ba é wun wa'n, ɔ'a kwla kpɛ-man'n ti.›

Jean 17:2

Afin a fali sran'm be kwlaa wlɛli i sa nun kɛ ɔ `sie be nan ɔ `man be kwlaa nga a fa be mɛnnin i'n be anannganman nguan.

Jean 3:36

Sran ng'ɔ lafi i Wa'n su'n, ɔ lɛ Anannganman nguan, sanngɛ sran nga i nyin yi-mɛn'n, ɔ nyan-man nguan le, sanngɛ i wun ya o Nyanmiɛn klun .

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Jean 5:29

yɛ be ´fin ndia'n nun fite. Be nga be yoli sa kpa'n, be ´cɛn be ´nyan nguan, be nga be yoli sa tɛ'n, be ´cɛn, yɛ be ´fa be kɔ jɔlɛ difuɛ'n i ja su .»

Jean 6:27

Nán an di junman aliɛ b'ɔ saci'n ti, sanngɛ an `di junman aliɛ ng'ɔ saci-man b'ɔ man sran nyan anannganman nguan'n ti. Aliɛ sɔ'n, m bɔ n kacili Sran'n min yɛ n ´fa man amun-ɔn, afin min yɛ n ti sran bɔ e Si Nyanmiɛn kleli weiin kɛ ɔ jin n sin nin-ɔn.»

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Sa nga bé yôli'n 13:46

Sanngɛ Pɔl nin Barnabas be trali be anwlɛn be kan kleli be weiin kɛ: «Amun yɛ be waan e `dun mmua kan Nyanmiɛn ndɛ'n e kle amun-ɔn, sanngɛ kɛ amu'an fa-man'n, bɔ an bu i kɛ anannganman nguan'n nin amun fata-man'n, i ti e ´kpɛ é nyin kɔ be bɔ be ti-man Zuif'n bé sin.

Sa nga bé yôli'n 13:48

Kɛ be bɔ be ti-man Zuif'n be tili i sɔ'n, be klun jɔli, be lali e Min Nyanmiɛn'n i ase i ndɛ'n ti, yɛ be kwlaa nga Nyanmiɛn fali be kɛ be nyan anannganman nguan'n, be fali su.

Sa nga bé yôli'n 24:15

N lafi Nyanmiɛn su kɛ sran kpa mun o, sran tɛ mun o, be ´cɛn, yɛ be kusu be lafi i sɔ'n su wie.

Rɔmfuɛ Mun 5:21

Ɔ man kɛ sa tɛtɛ'n yo sran'm be nzuɛn lele ɔ man be wu'n, i kunngba'n, Nyanmiɛn i aklunye'n ɔ man sa kpa'n kaci be nzuɛn lele be ´nyan anannganman nguan e Min Jésus-Krist fanngan nun.

Rɔmfuɛ Mun 6:23

Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Galasifuɛ Mun 6:8

Sɛ sran kun lua like nga i bɔbɔ klun klo'n, i mma nga b'ɔ ti'n yɛlɛ i bɔbɔ i klun sa bɔ i agualiɛ yɛlɛ wie'n. Sanngɛ sɛ ɔ lua like nga Nyanmiɛn Wawɛ'n klo i'n, i mma nga Wawɛ sɔ'n man ɔ ti'n yɛlɛ anannganman nguan'n.

2 Tɛsalonikfuɛ Mun 1:9

Fɔ ng'ɔ ´fa tu be'n yɛlɛ kɛ be awieliɛ'n ´wie be tɛ, be ´ka nun sɔ mlɔnmlɔn, be nin e Min'n ´bu, ɔ man be su wun-man i anyrunnyan dan bɔ lɛ i'n .

1 Jean 2:25

An `nian, like nga Krist waan ɔ ´fa man ye'n yɛlɛ anannganman nguan'n.

Jude 1:21

Kɛ amun ´minndɛ kɛ e Min Jésus-Krist si amun aunnvuɛ nan ɔ man amun anannganman nguan'n, an `yo sa nga an yo-ɔ an si kɛ Nyanmiɛn klo amun'n.

Sa nglô yile 20:10

Mmusu'm be si Satan b'ɔ lakalaka be'n, be to i yili sin dan nin sufru nun. Nnɛn dan'n nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n, be dun mmua to be yili be lɔ. Be ´wun be nyrun wia nun nin kɔnguɛ tititi.

Sa nglô yile 20:15

Sran kwlaa nga b'a klɛ-mɛn i dunman nguan fluwa nun'n, be fɛ i yili sin dan'n nun.

Sa nglô yile 21:8

Sanngɛ srɛfuɛ mun'n, nin be nga be lafi-man n su'n, nin be nga be yo tete sa'n, nin sran kunfuɛ mun'n, nin bian nin bla kunndɛfuɛ mun'n, nin baefuɛ mun'n, nin amuɛn sɔfuɛ mun'n, nin be kwlaa nga be bua ato'n, be lika liɛ'n yɛlɛ sin dan'n bɔ sufru b'ɔ jue o nun'n. I yɛ ɔ ti wie'n i nnyɔn su nin-ɔn .»