Matthieu 25:45 - NYANMIƐN NDƐ'N 1998

⁴⁵ Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

Nyanmien nde Ufle

⁴⁵ Ye nh séh bé ke: Nanwle, liké kwlaa nga amuan yô'a ma'an n niaan nga bé yale'n tra wié'm bé lie'n, bé nun kun'n, min ye amuan yô'a ma'an mion.

Matthieu 25:45 ပူးပေါင်းရင်းမြစ်များ

Bo Bolɛ 12:3

Sran ng'ɔ bu ɔ wun akunndan kpa'n, n ´yo i ye. Sran nga kusu b'ɔ bo wɔ sannzan'n, m ´bo i sannzan wie. Ɔ dunman nun yɛ n ´yo nvle-nvle'm be kwlaa be ye-ɔ .»

Jue Mun 105:15

Ɔ seli be kɛ: «Nán an kan min sran bɔ n kpali be mun. Nán an yo mín nuan ijɔfuɛ'm be tɛtɛ.»

Nyanndra Mun 14:31

Sran ng'ɔ mian-mian yalɛfuɛ mun'n, wuun ɔ su kpɛ Nyanmiɛn b'ɔ yili be'n i nzowa. Sran ng'ɔ si yalɛfuɛ'n i aunnvuɛ'n, ɔ bu Nyanmiɛn sran .

Nyanndra Mun 17:5

Sran ng'ɔ sri yalɛfuɛ mun'n, wuun ɔ'a lo Anannganman b'ɔ boli be'n i ngasi. Sran nga bɔ sɛ ndɛ nyɛn i wiengu-ɔ ɔ sri i'n, Anannganman su yaci cɛ-mɛn i .

Nyanndra Mun 21:13

Sran nga bɔ kɛ nyrɛnnɛnfuɛ'n ´kpan-an ɔ bu i sukpɔ nun waka'n, i sɔfuɛ'n, cɛn ng'ɔ ´kpan kɛ: «Be `de min o!» Ɔ su nyan-man sran tɛ-mɛn i su .

Zakari 2:8

Yɛ klikli'n seli kasiɛn'n kɛ: «Wanndi ko se gbanflɛn nga nyanman wo i sa nun'n kɛ: ‹Nán be sisi Zerizalɛm wun, afin sran nin nnɛn nga be wa tran lɔ'n, be sɔnnin dan.

Kalɛ 24:9

Be ti kɛ asɔmɔli mun sa, be koto, kpɛkuun b'a la. ?Wan yɛ ɔ kwla mian be kɛ be jaso-ɔ? Izraɛlfuɛ mun, man sran ng'ɔ yra amun nguan'n ɔ nyan muae klanman, yɛ sran ng'ɔ bo amun sannzan'n, man nyrɛnnɛn tɔ i su .› »

Matthieu 10:41

Sran ng'ɔ sɔ Nyanmiɛn nuan ijɔfuɛ kun nun yɛlɛ kɛ ɔ ti Nyanmiɛn nuan ijɔfuɛ'n, mo kunngba nga be fa yo Nyanmiɛn nuan ijɔfuɛ'n, be ´yo i wie.

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:44

Yɛ be kusu be ´usa n kɛ: ‹?Nannan, cɛn onin yɛ e wunnin wɔ bɔ awe kunnin wɔ, annzɛ nzue we kunnin wɔ, annzɛ a ti aofuɛ, annzɛ ɔ́ wun ti kplɛn, annzɛ a tɔli tukpacɛ, annzɛ be wlali ɔ bisua bɔ y'a nian-man ɔ lika-a?›

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Sa nga bé yôli'n 9:5

Yɛ ɔ usɛli i kɛ: «?Nannan, be flɛ wɔ sɛ?» Yɛ ɔ seli kɛ: «Min Jésus-ɔ, min yɛ a kle min yalɛ nin-ɔn.

1 Korɛntfuɛ Mun 8:12

Kɛ an yo amun niaan bɔ be wun-mɛn i wlɛ'n bé tɛ sɔ'n b'ɔ man be akunndan sanngan'n, Krist yɛ an yo i tɛ sɔ nin-ɔn.