Matthieu 25:35 - NYANMIƐN NDƐ'N 1998

³⁵ Afin kɛ awe kunnin min'n, an mannin min like, kɛ nzue we kunnin min'n, an mannin min nzue, kɛ n ti aofuɛ'n, an sikeli min,

Nyanmien nde Ufle

³⁵ Afin ke awé kuun min'n, an maan min liké, nzué wé kuun min, an maan min nzué, ke n ti aôfue'n an sikéé min,

Matthieu 25:35 ပူးပေါင်းရင်းမြစ်များ

1 Famiɛn Mun 17:11

Kɛ bla'n kpɛli i wun b'ɔ kɔ nzue'n i salɛ'n, yɛ Eli flɛli i ekun-ɔn, i waan: «Fa kpaun kan tra nun blɛ min.»

Zɔb I Nyrɛnnɛn Wunlɛ 31:32

N yaci-man aofuɛ'n lɛ ɔ la-man gua su. N sike lika kɔfuɛ mun.

Nyanndra Mun 14:21

Sran ng'ɔ yo i wiengu finfin'n, wuun ɔ'a yo sa tɛ, sran ng'ɔ wun nyrɛnnɛnfuɛ'm be aunnvuɛ'n, i liɛ su ti ye!

Nyanndra Mun 14:31

Sran ng'ɔ mian-mian yalɛfuɛ mun'n, wuun ɔ su kpɛ Nyanmiɛn b'ɔ yili be'n i nzowa. Sran ng'ɔ si yalɛfuɛ'n i aunnvuɛ'n, ɔ bu Nyanmiɛn sran .

Nyanndra Mun 19:17

Like nga sran kun fa cɛ yalɛfuɛ'n, ɔ ti kɛ Anannganman yɛ ɔ'a fa mɛn i sa . Ɔ man Anannganman ɔ ´yo i mo.

Nyanndra Mun 22:9

Sran nga bɔ i klun ti ufue'n, bɔ kɛ ɔ ´di like-ɔ ɔ man yalɛfuɛ wie'n, ɔ ´nyan muae.

Nyanndra Mun 25:21

Sɛ awe kun ɔ kpɔfuɛ'n, mɛn i like man ɔ di, sɛ nzue we kun i'n, mɛn i nzue man ɔ nɔn.

Ezekiɛl 18:16

sɛ ɔ bo-man sran akpo'n, sɛ ɔ wua-man sran'n, sɛ sran ɔ wa fa sika i sa nun'n nan ɔ se-man sran sɔ'n kɛ ɔ wla aowa'n, sran ng'ɔ nyan-man like di-man'n, sɛ ɔ mɛn i wie'n, sran ng'ɔ lɛ-man tralɛ'n, sɛ ɔ mɛn i wie'n,

Ezekiɛl 18:7

Ɔ bo-man sran akpo, yɛ ɔ wua-man sran fi. Sran nga i kalɛ o i su sɛ ɔ wlali nun aowa'n, ɔ yi i aowa sɔ'n mɛn i. Sran ng'ɔ nyan-man like di-man'n, ɔ mɛn i wie, ng'ɔ lɛ-man tralɛ'n, ɔ mɛn i wie.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Mise 6:8

Atin ng'ɔ ti atin kpa'n, bɔ Anannganman waan amun fa su'n, like nga i waan amun yo'n, be dun mmua kan kleli amun. Like nga i waan amun yo'n yɛlɛ kɛ i waan nán an bu amun wiengu lufle, klun-ufue su like'n yɛ amun `yo-ɔ, yɛ atin nga amun Nyanmiɛn'n kle amun'n, amun `fa su nin amun wun ase kanlɛ .

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 26:11

Afin amun nin yalɛfuɛ mun yɛ amun ´ka titi-ɔ, sanngɛ n liɛ'n, min nin amun su tran-man wa titi .

Marc 14:7

Afin amun nin yalɛfuɛ mun yɛ amun ´ka wa titi-ɔ, an kwla yo be kpa blɛ kwlaa nga an klo'n, sanngɛ n liɛ'n, min nin amun su tran-man wa titi .

JÉSUS-CHRIST I DYASIN FE'N BO LUC KLELI'N 11:41

Sɛ an fa amun klowa mun nin amun talie mun be nun ninnge cɛ yalɛfuɛ amun klun-ufue su'n, ɔ ti kpa, yɛ like fi su yo-man fiɛn amun nyrun kun.

Jean 13:29

Kɛ bɔ Zidas yɛ ɔ sie be bɔlɛ'n ti, be wie'm be bu i kɛ ɔ seli i kɛ ɔ ko to like nga be ´fa di cɛn'n annzɛ ɔ `cɛ yalɛfuɛ'm be like wie.

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

Sa nga bé yôli'n 11:29

Jésus sɔnnzɔnfuɛ'm be kwlaa be bo yoli kun kɛ sran'm be kwlakwla be fa like nga bé sa ju su'n be ko man aniaan nga be o Zide lɔ'n man be fa ti bé wun nyanman nun.

Sa nga bé yôli'n 16:15

Kɛ be yoli i nin i osufuɛ'm be batɛm'n, ɔ flɛli ye, yɛ ɔ seli kɛ: «Sɛ an bu min kɛ m'an lafi e Min'n su sakpa'n, an bla e ko sie like.» Ɔ jrannin su kpa.

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

Rɔmfuɛ Mun 12:13

An `ti amun niaan Kristfuɛ'm bé wun nyanman nun. An `yo aklunyefuɛ.

Rɔmfuɛ Mun 12:20

Be klɛli i ekun kɛ: «Sɛ awe kun ɔ kpɔfuɛ'n, mɛn i like man ɔ di. Sɛ nzue we kun i'n, mɛn i nzue man ɔ nɔn. Afin sɛ a yo sɔ'n, ɔ ti kɛ sɛnmlɛn nyannyannyan yɛ w'a tiɛn i nuan i ti su sa .»

Rɔmfuɛ Mun 16:23

N sikefuɛ Gaiis bɔ asɔnunfuɛ'm be kwlaa be yiɛ i awlo lɔ'n, ɔ ´yo amun like. Erast b'ɔ ti klɔ'n su sika sunianfuɛ'n, ɔ nin e niaan Kartis be ´yo amun like. [

Efɛzfuɛ Mun 4:28

Sran ng'ɔ wua'n, man ɔ yaci, ɔ di junman nan ɔ nyɛn i nuan nun aliɛ nan ɔ nyan wie ti sran wie'm bé wun nyanman nun.

1 Timote 5:10

Man be wun kɛ ɔ yo sran'm be ye, yɛ ɔ niɛn i mma'm be su kpa, man be wun kɛ ɔ ti aklunyefuɛ, yɛ ɔ wunnzin Nyanmiɛn sran'm bé ja, man be wun ekun kɛ ɔ uka yalɛfuɛ mun, yɛ ɔ yo sa kpakpa'n kwlaa.

Filemɔn 1:7

N niaan bian, klolɛ nga a fa klo be'n ti'n, ɔ man ń wla gua ase yɛ n klun jɔ dan, afin wɔ man Nyanmiɛn i sran'm be anwlɛn tɔ nzue nun.

Hébreu 13:16

Nán an yaci sa kpa nin sran ye yolɛ'n, afin i sɔ like'n yɛ be yo-ɔ ɔ jɔ Nyanmiɛn klun-ɔn.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

Jacques 1:27

Nyanmiɛn sulɛ b'ɔ ti kpa bɔ fiɛn fi nun-mɛn i wun e Si Nyanmiɛn nyrun'n, yɛlɛ aika mun nin angboti mmla'm bɔ be wun nyrɛnnɛn'n be lika nianlɛ, ɔ nin bé wun su nianlɛ mɛn nun sa tɛtɛ yolɛ'm be nun.