Matthieu 25:21 - NYANMIƐN NDƐ'N 1998

²¹ I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n kusu n ´fa wɔ sie like dan su. Bla man e si able.›

Nyanmien nde Ufle

²¹ I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

Matthieu 25:21 ပူးပေါင်းရင်းမြစ်များ

Nyanndra Mun 14:35

Famiɛn'n ɔ yi i mantanfuɛ bɔ be si ngwlɛlɛ'n be ayɛ, sanngɛ ɔ fa ya be nga be yo-man sa kpa'n bé wun.

Nyanndra Mun 28:20

Sran nga b'ɔ nian sa ng'ɔ ti i su'n su yo'n, san muae cɛ yɛ ɔ ´nyɛn i-ɔ. Sanngɛ sran nga bɔ i waan ɔ ´kpli nyɛn i wun'n, san ɔ ´tɔ nyrɛnnɛn nun.

Matthieu 24:45

«?Sran kpa nanwlɛfuɛ b'ɔ si ngwlɛlɛ'n bɔ i min'n fɛ sie i sran'm bé su kɛ ɔ man be aliɛ blɛ ng'ɔ ti i nuan su'n i su'n, yɛlɛ wan?

Matthieu 24:47

Nanwlɛ, ɔ wa fɛ i ninnge'n kwlaa wlɛ i sa nun.

Matthieu 25:23

I min'n seli i kɛ: ‹Ɔ ti kpa. A ti sran kpa, a ti nanwlɛfuɛ, like kaan nga n fa mannin wɔ'n, a yoli i kpa, i sɔ'n ti n ´fa wɔ sie like dan su. Bla man e si able.›

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

JÉSUS-CHRIST I DYASIN FE'N BO LUC KLELI'N 12:44

An `nian nga b'ɔ ´yo'n yɛ, ɔ ´fɛ i ninnge'n kwlaa wlɛ i sa nun.

JÉSUS-CHRIST I DYASIN FE'N BO LUC KLELI'N 16:10

Sran ng'ɔ di nanwlɛ ninnge kanngan'm bé su'n, ɔ di nanwlɛ ninnge dandan'm be su, sanngɛ sran ng'ɔ di-man nanwlɛ ninnge kanngan'm bé su'n, ɔ kwla di-man nanwlɛ ninnge dandan'm bé su.

Jean 12:26

Sran nga i waan ɔ ´su min'n, man ɔ su n su, yɛ lika nga n wo nun'n, n sran sɔ'n ɔ ´tran lɔ wie. N Si ´bu sran ng'ɔ su min'n i sran.»

Jean 14:3

Sɛ n kɔ nan n wie i siesie'n, m ´ba m ma fa amun nan lika nga n tran lɔ'n, an `tran lɔ wie.

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Rɔmfuɛ Mun 2:29

sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

1 Korɛntfuɛ Mun 4:5

I sɔ'n ti'n, nán an dun mmua di sran fi jɔlɛ nan blɛ nga be kleli ɔ'a ju. Amun minndɛ kɛ e Min bla'n ka. Afin sa ng'ɔ o nvialiɛ nun bɔ be wun-mɛn i'n, i yɛ man be ´wun i kwlaa-a. Yɛ akunndan ng'ɔ o sran klun'n, ɔ ´yi i kwlaa nglo. Kɛ ɔ ko yo sɔ'n, like nga sran kun yoli'n, i ti Nyanmiɛn ´yo i mo.

2 Korɛntfuɛ Mun 10:18

Afin nanwlɛ, sran ng'ɔ se i bɔbɔ wun kɛ ɔ ti kpa'n, nɛ́n i yɛ ɔ ti kpa nin-ɔn, san sran nga e Min'n bɔbɔ se kɛ ɔ ti kpa'n, i yɛ ɔ ti kpa-a.

2 Korɛntfuɛ Mun 5:9

Ɔ man sɛ e ´tran wa o, sɛ e ´kɔ o, e mian é nyin kɛ like nga e yo'n, i kwlaa ɔ yo e Min'n i fɛ.

Filipfuɛ Mun 1:23

N ti mianfuɛ i bue nnyɔn'n nun, sa ng'ɔ yo n fɛ kpa tra su'n yɛlɛ kɛ n ´kɔ nan min nin Krist e ´ko tran, i sɔ'n yɛ ɔ ti kpa-a.

1 Timote 3:13

Afin be nga be di be junman'n kpa'n, be ´nyan kɔmin, ɔ man be ´kwla kan Nyanmiɛn su bɔ e lafi nin sran wunmuan bɔ e nin Krist-Jésus y'a yo'n i ndɛ'n yakpa su.

2 Timote 2:12

Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

Sa nglô yile 21:7

Sran ng'ɔ kwla'n, sa nga n ´yo mɛn i'n yɛ: n ´yo i Nyanmiɛn yɛ i kusu ɔ ´yo mín wa .

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.

Sa nglô yile 7:17

Afin Bua Gbanflɛn'n b'ɔ o bia'n i afiɛn lɛ'n, ɔ ´ta be, ɔ ´fa be kɔ nzue ti mun bɔ be man nguan'n bé nuan, yɛ Nyanmiɛn ´nunnun be nyinmuɛn'n kwlaa .»