Matthieu 25:20 - NYANMIƐN NDƐ'N 1998

²⁰ Nga b'ɔ mɛnnin i talan nnun'n, ɔ fa nnun ekun bali yɛ ɔ seli kɛ: ‹Baba, a mannin min talan nnun, nian, m'an nyan nnun ekun.›

Nyanmien nde Ufle

²⁰ Nga b'o meen i talent nnun'n, o fa nnun ékun bali, o sé ke: Baba, a maan min talent nnun, nian, man nyan nnun ékun.

Matthieu 25:20 ပူးပေါင်းရင်းမြစ်များ

Matthieu 18:24

Kɛ ɔ boli i bo'n, be fa bian kun bɔ i talan akpi blu (10.000) o i su'n blɛli i.

JÉSUS-CHRIST I DYASIN FE'N BO LUC KLELI'N 19:13

Kɛ ɔ wa kɔ'n, ɔ flɛli i sran'm be nun blu, ɔ mannin be mini blu, ɔ seli be kɛ: ‹An `fa ko kacikaci amún sa lele man n to su.

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

1 Korɛntfuɛ Mun 15:10

Sanngɛ sran nga m'an yo i yɛ'n, ye bɔ Nyanmiɛn yoli min'n ti yɛ man m'an yo sɔ-ɔ. Ye sɔ'n b'ɔ yoli min'n ɔ'a yo-man ngbɛn, afin n dili junman dan trali be ngba, nán kɛ m bɔbɔ min yɛ n dili junman sɔ nin-ɔn, sanngɛ Nyanmiɛn yɛ ɔ jrannin ń sin yɛ man n dili junman sɔ nin-ɔn.

Kolɔsfuɛ Mun 1:29

Wunmiɛn ng'ɔ mannin min'n, i ti n lɛ fanngan yɛ m mian mín nyin fa di junman kpa.

Jacques 2:18

Wienun-ɔn sran wie wa se n kɛ: «Ɔ liɛ'n, a lafi Nyanmiɛn su, yɛ n kusu'n, n yo sa kpakpa.» Yɛ n kusu n ´se i kɛ: «Man n nian ɔ Nyanmiɛn su bɔ a lafi bɔ a yo-man sa kpa'n, yɛ n kusu'n, sa kpakpa nga n yo be'n, m ma fa kle wɔ kɛ n lafi Nyanmiɛn su.»