Matthieu 24:36 - NYANMIƐN NDƐ'N 1998

³⁶ «Cɛn sɔ'n nin i dɔ'n, sran fi si-mɛn i, san min Si kunngba cɛ yɛ ɔ si i-ɔ. M bɔ n ti i Wa'n bɔbɔ n si-mɛn i, yɛ nyanmiɛn su lɔ anz'm be kusu be si-mɛn i.

Nyanmien nde Ufle

³⁶ Tyen so'n nin i do'n swran fi simen, san min Si kunngba tye ye o si io. M bo n ti i Wa'n bobo n simen, ye nyanmien su lo ange'm bé kusu bé simen.

Matthieu 24:36 ပူးပေါင်းရင်းမြစ်များ

Zakari 14:7

I sɔ blɛ liɛ'n, Anannganman kunngba cɛ, yɛ ɔ si i-ɔ. Ɔ ´yo cɛn kun b'ɔ nin cɛn kun mun ti-man kun. Blɛ sɔ'n nun'n, kɛ aliɛ'n ko cɛn'n, wuun ɔ'a cɛn. Ɔ lɛ-man kɛ lika ɔ'a san. Nnɔsua nun'n, lika'n ɔ ´kpaja bɔ yɛiin.

Matthieu 24:42

I sɔ'n ti, an `tran minndɛ, yɛlɛ kɛ an si-man cɛn nga amun Min'n ɔ ´ba nun-ɔn.

Matthieu 24:44

I sɔ'n ti, amun kusu an `buabua amún wun sie, afin m bɔ n kacili Sran'n m ´ba dɔ nga an bu-man min akunndan'n su.»

Matthieu 25:13

Yɛ Jésus seli be kɛ: I ti'n, an `tran minndɛ, afin an si-man cɛn'n nin dɔ'n.»

Marc 13:32

«Sanngɛ cɛn sɔ'n nin dɔ sɔ'n sran fi si-mɛn, anz'm bɔ be o nyanmiɛn su lɔ'n nin m bɔ n ti i Wa'n bɔbɔ e si-mɛn, san n Si kunngba cɛ yɛ ɔ si i-ɔ.

Sa nga bé yôli'n 1:7

Ɔ seli be kɛ: «Cɛn sɔ'n nin blɛ sɔ'n bɔ e Si bɔbɔ sieli'n, ɔ ti-man amun ndɛ su.

1 Tɛsalonikfuɛ Mun 5:2

Afin amun bɔbɔ an si kpa kɛ e Min'n i balɛ cɛn'n ɔ ´fu ye nun kɛ awiefuɛ b'ɔ ba kɔnguɛ'n sa .

2 Piɛr 3:10

E Min'n i balɛ'n ɔ ´fu e nun kɛ awiefuɛ sa. Cɛn sɔ'n nun nyanmiɛn su lɔ'n ´kpla wuu, kpɛkuun be su wun-mɛn i kun. Yɛ nyanmiɛn su lɔ ninnge'm be ´yra, yɛ asiɛ'n nin i su ninnge'n kwlaa be ´nunnun .

Sa nglô yile 16:15

E Min waan: «Nian, m ´ba kɛ awiefuɛ sa! Sran ng'ɔ tran minndɛ, b'ɔ niɛn i tralɛ'm bé su'n, b'ɔ man ɔ su fɛ-mɛn i wun kplɛn sin-man'n, b'ɔ man ɔ su wun-man nyannzuɛn'n, i liɛ su ti ye!»

Sa nglô yile 3:3

I sɔ'n ti, ndɛ nga be kan kleli amun bɔ an fa su'n, an bu i akunndan, an `fa su, yɛ an `kaci amun nzuɛn'n. Sɛ amu'an tinnge-man'n, n wa fu amun nun kɛ awiefuɛ sa, an su si-man dɔ nga m ´ba'n .