Matthieu 24:22 - NYANMIƐN NDƐ'N 1998

²² Sɛ Nyanmiɛn a kpɛ-man cɛn sɔ'n su'n, sran fi su fite-man nun, sanngɛ be b'ɔ fali be'n be ti, ɔ ´kpɛ cɛn sɔ'n su.

Nyanmien nde Ufle

²² Se Nyanmien a kpe'a tyen so'n su'n, swran fi su fité'a nun, sannge bé b'o faa bé'n bé ti, oh kpeh tyen so'n su.

Matthieu 24:22 ပူးပေါင်းရင်းမြစ်များ

Ezai 6:13

Sɛ sran kanngan ka lɛ'n, sin ´di be. Kɛ be bu waka dandan mun bɔ bé bo'm be ka lɛ'n, i kunngba nin-ɔn, sran wie'm be wa jaso su sran sɔ'm be osu'n nun, be ´yo Anannganman i sran.

Zakari 13:8

Anannganman seli ekun kɛ yoo: «Be bu mɛn'n nun sran'm be nun nsan, bue nnyɔn be ´wu, bue kunngba yɛ ɔ ´ka lɛ-ɔ .

Zakari 14:2

N ´yiayia nvle-nvle'm be nunfuɛ mun be nin Zerizalɛmfuɛ mun be ´kun. Be ´fa klɔ'n, be ´fa sua'm be nun ninnge kpakpa mun, be nin amún yi mun be ´la kekle nun. Be ´tra klɔ'n sufuɛ'm be bue ´kɔ, sanngɛ be nga'm be ´ka klɔ'n su lɛ.

Matthieu 22:14

Yɛ Jésus seli kɛ: «Be flɛli sran kpanngban, sanngɛ be nun kaan sa yɛ be fali be-ɔ.»

Matthieu 24:24

Afin be bɔ be tɔn bé wun suɛn kɛ be ti Krist'n, ɔ nin be bɔ be tɔn bé wun suɛn kɛ be ti Nyanmiɛn nuan ijɔfuɛ'n, be wa jao yɛ be ´yi atrɛ, yɛ be ´yo abonuan sa mun lele kɛ be nga Nyanmiɛn fali be'n sɛ be laka be-ɔ ɔ yo ye'n, be waan wuun be ´laka be.

Matthieu 24:31

Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Marc 13:20

Sɛ e Min Nyanmiɛn'n ɔ'a kpɛ-man cɛn sɔ'n su ɔ'a yo-mɛn i tika'n, sran fi su fite-man nun, sanngɛ ɔ ´yo i tika be b'ɔ fali be'n be ti.

JÉSUS-CHRIST I DYASIN FE'N BO LUC KLELI'N 18:7

?Yɛ be nga Nyanmiɛn kpali be bɔ be sun flɛ i kɔnguɛ nin wia nun'n, ɔ su jran-man bé sin di-man be ndɛ'n? ?Ɔ ´sisi i bo nan ɔ'a di be jɔlɛ'n?

Rɔmfuɛ Mun 9:11

Kɛ be nian wu-man ba sɔ mun bɔ be nian si-man like nga be flɛ i kpa nin tɛ'n, Nyanmiɛn seli Rebeka kɛ: « Ba kpɛnngbɛnfuɛ'n ɔ ´su i sinma'n.» Ɔ yoli i sɔ nan be si kɛ ɔ fa sran nga i bɔbɔ klo'n, ɔ nian-man like nga sran'm be yo'n su yɛ ɔ fa fa be-ɔ, sanngɛ be nga ɔ flɛli be'n be yɛ ɔ fa be-ɔ .

2 Timote 2:10

I sɔ'n ti yɛ sa sɔ'n kwlaa nun be nga Nyanmiɛn kpali be'n be ti n tra min anwlɛn nin-ɔn. N tra min anwlɛn kɛ ɔ ´yo nan Krist-Jésus ti be kusu be nyan bé ti yɛ be nyan nyrun b'ɔ wie-man'n.

1 Piɛr 1:1

M Piɛr bɔ Jésus-Krist sunmannin min'n, n ´klɛ fluwa nga blɛ amun bɔ Nyanmiɛn fali amun bɔ an sanndili'n, bɔ an ti aofuɛ Pɔnt, nin Galasi, nin Kapadɔs, nin Azi, nin Bitini mɛn nun'n.