Matthieu 23:8 - NYANMIƐN NDƐ'N 1998

⁸ Sanngɛ amun liɛ'n, nán an yo amún wun kɛ be `flɛ amun Nannan, afin amún su kpɛn b'ɔ ti amun like klefuɛ'n ti kunngba cɛ, yɛ amun kwlaa an ti niaan.

Nyanmien nde Ufle

⁸ Sannge amun lie'n, nanh an yô amun wun ke bé fle amun Nannan, afin amun sukpen b'o ti amun liké kléfue'n ti kunngba tye, ye amun kwlaa an ti niaan.

Matthieu 23:8 ပူးပေါင်းရင်းမြစ်များ

Matthieu 10:25

Sɛ sran b'ɔ suan like'n ɔ yo kɛ sran b'ɔ kle i like'n sa'n, i sɔ'n ti kpa, yɛ sɛ sran b'ɔ su sran'n ɔ yo kɛ i min'n sa'n, i sɔ'n ti kpa. Sɛ be flɛ i awlo kpɛn'n kɛ Beɛlzebil'n, be wa flɛ awlofuɛ'm be kusu sɔ kpɛ blu .»

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 23:10

Nán an yo amún wun kɛ be flɛ amun sran'm bé su kpɛn, afin amún su kpɛn'n ti kunngba cɛ, yɛlɛ Krist.

Matthieu 23:7

Be klo kɛ sran'm be ´yo be like nzra nun yɛ be ´flɛ be Nannan.

Matthieu 26:25

Zidas b'ɔ fɛ i mannin sran mun'n ɔ usɛli i kɛ: «?Baba, min-ɔn?» Jésus seli i kɛ: «Ɛɛn, yɛ ɔ́ nuan o su lɛ-ɔ.»

Matthieu 26:49

Kpɛkuun ɔ wunngeli i wun lɛ nan ɔ'a se i kɛ: «Baba, anun o,» yɛ ɔ toli i sa yili i kɔmin-ɔn.

Marc 10:51

Jésus usɛli i kɛ: «?Nguɛ yɛ ɔ waan n yo man wɔ-ɔ?» Anyansifuɛ'n seli i kɛ: «Baba, yo man n wun ase.»

Marc 11:21

Piɛr wla kpɛnnin sa nga Jésus yoli figie'n su, ɔ seli Jésus kɛ: «Baba, nian, figie'n bɔ a boli i sannzan'n ɔ'a wu.»

Marc 14:45

Kɛ ɔ juli lɔ cɛ'n, ɔ wunngeli Jésus wun lɛ, ɔ seli i kɛ: «Baba!»

Marc 9:5

Kpɛkuun Piɛr seli Jésus kɛ: «Baba, kɛ e o wa'n ɔ ti kpa, man e kplan kpata nsan, ɔ liɛ kun, Moiz liɛ kun, yɛ Eli liɛ kun.»

JÉSUS-CHRIST I DYASIN FE'N BO LUC KLELI'N 22:32

Sanngɛ n kan ɔ ndɛ n kleli Nyanmiɛn kɛ n su bɔ a lafi'n, nán man a kpɔnzɔ. Ɔ kusu sɛ a kaci'n, wla ɔ niaan'm be fanngan.»

Jean 1:38

Jésus ´kpɛ i nyin-ɔn, be su i su, yɛ ɔ usali be kɛ: «?Nguɛ yɛ an kunndɛ-ɔ?» Be usɛli i kɛ: «?Rabi, a tran nin?» (Rabi'n i bo yɛlɛ ninnge klefuɛ.)

Jean 1:49

Yɛ Natanaɛl seli i kɛ: «Baba, wɔ yɛ a ti Nyanmiɛn Wa nin-ɔn, yɛ a ti Izraɛlfuɛ'm be famiɛn.»

Jean 11:8

I sɔnnzɔnfuɛ'm be seli i kɛ: «Baba, kɛ Zuif'm be kunndɛ kɛ be ´fin wɔ yɛbuɛ be ´kun wɔ'n ɔ nian cɛ-man. ?Yɛ a ´kɔ lɔ ekun-ɔn?»

Jean 20:16

Jésus seli i kɛ: «Mari!» Ɔ kpɛli i nyin ɔ seli i ebre nun kɛ: «Rabuni.» Rabuni'n ti dunman bɔ mɛn sɔ'n nunfuɛ'm be fa flɛ be ninnge klefuɛ mun-ɔn.

Jean 3:26

Be ɔli Zan wun lɔ be ko seli i kɛ: «Baba, nian bian'n b'ɔ nin wɔ o Zurdɛn'n sin lɔ'n, bɔ a kɛnnin i ndɛ'n, ɔ su yo sran'm be batɛm, be kwlaa b'a wie i sin kɔ.»

Jean 4:31

Kɛ ɔ ´yo sɔ'n, wuun i sɔnnzɔnfuɛ'm be jin i wun kɛ: «Baba, di like'n.»

Jean 6:25

Be ko toli i fɛtɛ'n bue kun lɔ, be usɛli i kɛ: «Baba, cɛn onin yɛ a bali wa-a?»

Jean 9:2

I sɔnnzɔnfuɛ'm be usɛli i kɛ: «?Baba, bian nga, ɔ yo sɛ ti yɛ be wuli i anyansifuɛ-ɔ, i bɔbɔ yoli sa wie annzɛ i si nin i nin be yoli sa wie ti yɛ be wuli i sɔ-ɔ?»

2 Korɛntfuɛ Mun 1:24

Nán kɛ e waan e mian amun Nyanmiɛn atin'n su ti-ɔ, afin kɛ an lafi Krist su'n, an jran kekle, sanngɛ e klo kɛ e ´uka amun e ´di junman nan amun klun `jɔ.

2 Korɛntfuɛ Mun 4:5

E kan-man e bɔbɔ é wun ndɛ, Krist-Jésus b'ɔ ti e Min'n i ndɛ yɛ e kan-an, i ti e ti amun akua.

Efɛzfuɛ Mun 3:15

Nyanmiɛn su lɔ o, asiɛ'n su wa o, i dunman'n wo osu-osu'n kwlaa su.

Filemɔn 1:16

Afin siɛn'n, nán kɛ ɔ kanga kunngba yɛ ɔ ti-ɔ, sanngɛ i kpa tra kanga, ɔ ti e niaan bɔ e klo i kpa. Ɔ ti n sran kpa, yɛ ɔ liɛ'n, ɔ wa yo ɔ sran kpa tra min, afin ɔ ti ɔ sran, yɛ kusu amun Min'n ɔ'a yo kun.

Jacques 3:1

N niaan mun, nán amun nun kpanngban be ´kunndɛ kɛ be ´yo like klefuɛ, afin an si kɛ kɛ Nyanmiɛn ´di jɔlɛ'n, e bɔ e ti like klefuɛ'n, ɔ ´usa-usa e sa kpa tra be nga mun.

1 Piɛr 5:3

Nán an tin be nga be fa be mannin amun kɛ an nian bé su'n bé su, sanngɛ an `yo sa ng'ɔ ti kpa'n man be nian su.

Sa nglô yile 1:9

Min Zan bɔ n ti amun niaan'n, kɛ e nin Jésus e kacili sran wunmuan'n ti, ɔ man min nin amun e wun nyrɛnnɛn, ɔ sie ye, yɛ e tra ye anwlɛn. Nyanmiɛn ndɛ nin Jésus ndɛ bɔ n kan'n ti, be fa min ɔli lika bɔ be flɛ i Patmɔs'n, bɔ nzue sin yiɛ i'n nun.

Sa nglô yile 19:10

Yɛ n utuli mín nyin ase i bo lɛ kɛ m ´mɛnmɛn i, sanngɛ ɔ seli min kɛ: «Nán yo sɔ! Wɔ nin ɔ niaan nga be fa ndɛ nanwlɛ nga Jésus yili nglo'n i su'n, n ti amun wiengu junman difuɛ. Koto Nyanmiɛn bo mɛnmɛn i! Ndɛ nanwlɛ nga Jésus yili i nglo'n yɛ man Nyanmiɛn nuan ijɔfuɛ'm be kɛn i bɔbɔ Nyanmiɛn i nuan ndɛ nin-ɔn.»

Sa nglô yile 22:9

Sanngɛ ɔ seli min kɛ: «Nán yo sɔ! Wɔ nin ɔ niaan nga be ti Nyanmiɛn nuan ijɔfuɛ'n, ɔ nin be nga be fa fluwa nga nun ndɛ'n su'n, n ti amun wiengu junman difuɛ. Manman Nyanmiɛn!»