Matthieu 23:37 - NYANMIƐN NDƐ'N 1998

³⁷ «Ɔo Zerizalɛmfuɛ mun! Zerizalɛmfuɛ'm bɔ an kun Nyanmiɛn nuan ijɔfuɛ mun'n, bɔ an fin be nga be sunman be amún sin'n be yɛbuɛ'n, blɛ sunman n klo kɛ n ´flɛ amun kɛ akɔ ta kun flɛ i mma mun b'ɔ utu be su'n sa, sanngɛ amu'an kplin-man su!

Nyanmien nde Ufle

³⁷ Oô Jérusalem! Jérusalemfue bo an kun Nyanmien nuan idyofue mun'n, bo an fin bé nga bé sunman bé amun sin'n bé yebue'n, ble sunman n klô ke nh fleh amun mma mun, ke ako ta kun fle i mma mun o utu bé su'n sa, sannge amuan kpli'an su!

Matthieu 23:37 ပူးပေါင်းရင်းမြစ်များ

Neemi 9:26

Sanngɛ be jasoli ɔ wun. Be kaci bé sin sili ɔ mmla'n. Be kunnin ɔ́ nuan ijɔfuɛ nga be se be kɛ be `sa bé sin be bla ɔ sin'n. Be yoli sa tɛ dan ɔ́ wun.

Jue Mun 17:8

Sasa min kɛ ɔ nyinma'n sa. Fa ɔ ndɛwa'n kata min su man n trɛn i fɔnvɔ'n bo.

Jue Mun 36:7

A di nanwlɛ, a kaci-man aniɛn. Sɛ a kan ndɛ'n, ɔ ka lɛ titi, ɔ ti kɛ oka sa. Sɛ a bu ndɛ'n, sran fi wun-mɛn i sin, afin i bo'n ti kploun kɛ jenvie dan'n sa. Anannganman, a sasa sran nin nnɛn mun.

Jue Mun 57:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Jue'n bɔ be to i kɛ «Nán yaci i lɛ man ɔ saci like'n,» i wafa kunngba'n su yɛ be `nian be fa to-ɔ. Ɔ kan David i wanndilɛ b'ɔ wanndili Sail nyrun'n, b'ɔ ko fiali yɛbuɛ buɛ nun'n i ndɛ . I waan:

Jue Mun 63:7

Kɛ n la min bɛ'n su'n, mín nyin kpɛn ɔ su. M bu wɔ akunndan kɔnguɛ dɔ kwlaa su.

Jue Mun 91:4

Ɔ ´sasa wɔ, a ´nyan fiawlɛ i sin kɛ akɔwa'n nyan fiawlɛ i nin'n i ndɛwa'n bo'n sa. I nanwlɛ'n b'ɔ di'n ti kɛ nyrɛn b'ɔ sasa sran'n sa, yɛ ɔ ti kɛ like kokloko bɔ be fa kata be wue'n su'n sa.

Ezai 5:4

?Like onin cɛ yɛ ɔ fata kɛ n yo i min vinyi fie sɔ'n su bɔ m'an yo-man-an? ?Yɛ ɔ yo sɛ ti yɛ n lafili su tankaan kɛ ɔ wa su mma kpa bɔ mma tɛ yɛ ɔ suli nin-ɔn?

Ezai 50:2

?Kɛ m bali'n, ɔ yo sɛ ti yɛ m'an to-man sran fi-ɔ? ?Kɛ n flɛli amun'n, nguɛ ti yɛ sran fi ɔ'a tɛ-man mín su-ɔ? ?N sa'n ti tika nan se kɛ n kwla fa de-man amun? ?N lɛ-man wunmiɛn n kwla yo-man nan amun fite-man nun? Kɛ n kan ndɛ kle jenvie'n, kpɛkuun i nun nzue'n ɔ'a wie nun. Sɛ n kan ndɛ kle nzue ba mun'n, be wu kee. Yɛ nzue b'ɔ nun-man lɛ'n ti'n, jue'm be wu, yɛ be kplɔ.

Zeremi 2:30

M boli amun lele ngbɛn. Amun bolɛ sɔ'n ɔ'a yo-man like fi ye. An trali min nuan ijɔfuɛ mun, an kunnin be kɛ asɔmɔli wlɛfuɛ wie yɛlɛ amun sa.»

Zeremi 26:23

Be ko trali Iri Ezipt lɔ be fa bali famiɛn Zozakim ja su nan ɔ'a yo man b'a kun i nin tokofi, nan b'a yi i fuɛn'n sran nga be lɛ-man nyrun'n be kunman'n nun.

Zeremi 32:31

Anannganman kɛnnin ekun kɛ: «Kɛ ɔ fin cɛn bɔ be kplannin klɔ'n yɛ be sɔtɔli min ya kunlɛ nin min anwlɛn fɔkɔlɛ lele yɛ ɔ'a fa ju ndɛ yɛ. I sɔ'n ti, man klɔ'n ɔ sin jaso lɛ nan n `wun ase .

Zeremi 35:15

N sunmannin min sufuɛ bɔ be ti min nuan ijɔfuɛ mun, nán andɛ yɛ m boli be sunmanlɛ bo-ɔ. N waan be `se amun kɛ: ‹Amun kwlaa an `yaci amun nzuɛn tɛ'n nan amun kaci ajalɛ'n. Nán an ko tu amuɛn, nán an sɔ be, i liɛ amun ´ka lika nga n fa mannin amun nin amun nannan mun'n i nun, sanngɛ n kleli mín nuan yalɛ ngbɛn, amu'an sie-man amún su nan se kɛ amun ´fa su.

Zeremi 36:26

Famiɛn'n sunmannin Zɛrakmeɛl, nin Azriɛl i wa Sɛraza, nin Abdeɛl i wa Selemia kɛ be ko tra fluwa klɛfuɛ Barik, nin Nyanmiɛn nuan ijɔfuɛ Zeremi. Sanngɛ Anannganman'n fali be fiali.

Zeremi 4:14

«Zerizalɛm, sɛ a klo kɛ a ´fite nun'n, yo wɔ anwlɛn'n saun. ?Cɛn onin ko nan w'a yaci akunndan tɛtɛ bulɛ'n?

Zeremi 44:4

N sunmannin min sufuɛ'm be kwlaa bɔ be ti min nuan ijɔfuɛ mun bé wun. M'an yaci-man be sunmanlɛ le. N yoli man be seli be kɛ: tete sa'n ɔ ti min ciliɛ, nán amun yo be.

Zeremi 6:8

Zerizalɛm: ‹Nian ɔ́ wun. Ɔ'a yo-man sɔ-ɔ, e nin wɔ e ´bu. N ´fa wɔ n kaci aawlɛ flɛnnɛn, sran fi su tran-man wɔ su.› »

Ndɛ Nga Nyanmiɛn I Nuan Ijɔfuɛ Oze Kannin'n 11:2

Sanngɛ kɛ ɔ ´ju kɔ siɛn'n i yɛ'n, kɛ n flɛ i kpa'n, wuun blɛ li yɛ b'a se i kɛ ɔ ´wanndi min-ɔn. Ɔliɛ Baal mun yɛ be yi tɛ be man be-ɔ. Amuɛn mun yɛ be yra ansans be man be-ɔ.

Ndɛ Nga Nyanmiɛn I Nuan Ijɔfuɛ Oze Kannin'n 11:7

Gblɛ kpɛlɛ'n yɛ min sran'm be fa cici bé ti-ɔ, be flɛ be kɛ be jaso, sanngɛ ngbɛn-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 7:13

Efraimfuɛ'm be yako! Nian, be su wanndi min. Nyrɛnnɛn nga be wa wun i'n ti beblebe ngbɛn, afin bé nyin ɔ'a yi-man min. Blɛ nga min waan n ´de be'n, kpɛkuun be tɔnnin min suɛn.

Zakari 1:4

Nán an yo kɛ amun nannan'm be sa. Laa'n min nuan ijɔfuɛ'm be seli be kɛ m bɔ n sie mɛn wunmuan'n min waan be `gua be nzuɛn tɛ nin be aeliɛ tɛtɛ'm be ase. Sanngɛ b'a ti-man, b'a fa-man bé ti b'a de-man. Nán an yo kɛ be sa.

Matthieu 22:3

Ɔ sunmɛnnin i sran'm be kɛ be ko flɛ be b'ɔ yiali be atɔnvlɛ'n bo'n, sanngɛ be klo-man kɛ be ´ba.

Matthieu 22:6

Yɛ wie'm be trɛli i sran sɔ mun nan b'a yo be tɛtɛ i sin be kunnin be.

Matthieu 23:30

An se kɛ: ‹Sɛ ɔ ti kɛ é si'm be blɛ su e o lɛ'n, wuun e nin be é bo a yo-man kun y'a kun-man Nyanmiɛn nuan ijɔfuɛ mun.›

Matthieu 23:31

I sɔ'n nun amun bɔbɔ an kle kɛ an ti be nga be kunnin Nyanmiɛn nuan ijɔfuɛ'm bé wa.

Matthieu 5:12

yɛlɛ kɛ amun mo'n ɔ wa yo dan nyanmiɛn su lɔ. I sɔ'n ti, man amun klun jɔ, man amún wun blibli amun. Afin laa kɛ be kleli Nyanmiɛn nuan ijɔfuɛ'm be yalɛ sɔ-ɔ, i sin nan b'a wu amun .»

JÉSUS-CHRIST I DYASIN FE'N BO LUC KLELI'N 15:28

Yɛ ɔ fali ya-a, ɔ klo-man kɛ ɔ wlu awlo lɔ.

1 Tɛsalonikfuɛ Mun 2:15

Zuif sɔ mun yɛ be kunnin e Min Jésus nin Nyanmiɛn nuan ijɔfuɛ mun yɛ be kleli e yalɛ nin-ɔn. Nyanmiɛn klun jɔ-man bé wun, be kpɔ sran'm be kwlaa .

Sa nglô yile 17:6

N wunnin bla sɔ'n, Nyanmiɛn i sran mun nin be nga be lafi Jésus su bɔ i ti be kunnin be'n, be mmoja'n ɔ'a bo bla sɔ'n kɛ nzan sa. Kɛ n wunnin i'n, ɔ boli mín nuan dan kpa.

Rit I Wun Ndɛ 2:12

Man Anannganman b'ɔ ti Izraɛlfuɛ'm be Nyanmiɛn'n, bɔ i fanngan nun ti yɛ man a juli wa'n ɔ `yo ɔ liɛ ye. A kunndɛ-ɔ, man a nyɛn i.»