Matthieu 23:33 - NYANMIƐN NDƐ'N 1998

³³ ?Wuo mun, ɔnda mma mun, sɛ yɛ amun ´yo nan b'a bu-man amun fɔ nan b'a fa-man amun a ɔ-man nyrɛnnɛn lika'n nun-ɔn?

Nyanmien nde Ufle

³³ ?Wuô, onda mma mun, se ye amunh yôh nan ba bu'a amun fo ba fa'a amun a oman nyrennen lika'n nuon?

Matthieu 23:33 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Ezai 20:6

I blɛ sɔ nun'n, be nga be tran jenvie'n i bue nga su wa'n be ´se kɛ: «Be nga e fa é wla gua be su'n, bɔ e waan e ´fa é nyin e ´fia be sin nan be uka ye'n, nan be `de ye Asiri famiɛn'n i sa nun'n, be `nian sa bɔ ɔ'a ju be su-ɔ. ?Yɛ e ´yo i sɛ siɛn'n nan y'a fite nun?»

Matthieu 12:34

?Ɔnda mma mun, amun bɔ an ti sran tɛ'n, ɔ yo sɛ yɛ ndɛ kpa kwla fin amún nuan fite-ɔ? Afin ndɛ kwlaa ng'ɔ o sran anwlɛn'n nun'n yɛ ɔ fite i nuan-an.

Matthieu 23:32

Sɛ ɔ ti sɔ'n, like nga amún si'm be boli i bo'n, an `guɛguɛ i bo.

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

JÉSUS-CHRIST I DYASIN FE'N BO LUC KLELI'N 3:7

I sɔ'n ti, ɔ seli sran kpanngban bɔ be bɛli i wun lɛ kɛ ɔ ´yo be batɛm'n be kɛ: «?Ɔnda mma mun, wan yɛ ɔ seli amun kɛ Nyanmiɛn i ya'n ɔ wa jao nan an wanndi i nyrun-ɔn?

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

Hébreu 10:29

?Sɛ ɔ ti sɔ'n, be nga be yo Nyanmiɛn Wa'n i finfin'n, bɔ be bu-man aenguɛ nga Nyanmiɛn waan ɔ nin sran'm be ´tra i wa'n i mmoja b'ɔ man bé wun sa'n wie'n i like fi'n, bɔ be kpɛ Nyanmiɛn Wawɛ'n b'ɔ yo sran ye'n i nzowa'n, an bu be liɛ'n sɛ? Be liɛ'n ´yo tɛ tra su .

Hébreu 12:25

An `nian amún wun kpa, nán an kpalo ndɛ nga be kan kle amun'n. Be nga be kpaloli sran ng'ɔ kan ndɛ kleli be asiɛ'n su wa'n i ndɛ'n, b'a fite-man nun. Sɛ e kusu e kaci e sin si sran ng'ɔ o nyanmiɛn su lɔ b'ɔ kan ndɛ kle ye'n, e su fite-man nun mlɔnmlɔn.

Hébreu 2:3

wuun sɛ e kpa sa nga e yo-ɔ e ´nyan é ti'n su'n, e ´yo sɛ yɛ e ´fite nun-ɔn? E Min'n bɔbɔ dun mmua kannin é ti nyanlɛ sɔ'n i ndɛ, yɛ be ng'ɔ kannin bɔ be tili'n, be kan kleli ye weiin kɛ ɔ ti nanwlɛ.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .