Matthieu 23:13 - NYANMIƐN NDƐ'N 1998

¹³ Amun mmla klefuɛ mun nin Farizifuɛ mun amun ti dunman klofuɛ mun'n, an yako! Yɛlɛ kɛ an man-man sran'm be atin kɛ be fa bé wun man Nyanmiɛn kɛ ɔ `sie be. Amun bɔbɔ an fa-man amún wun man-man Nyanmiɛn kɛ ɔ `sie amun, yɛ be nga be waan be ´yo'n, an kplin-man be su. [

Nyanmien nde Ufle

¹³ Amun mmla kléfue nin Pharisifue dunman klôfue mun, an yakô! Yele ke an ma'an swran'm bé atin ke bé fa bé wun man Nyanmien ke o sié bé. Amun bobo an fa'a amun wun ma'an Nyanmien ke o sié amun, ye bé nga bé waan béh yôh'n, an kpli'an bé su.

Matthieu 23:13 ပူးပေါင်းရင်းမြစ်များ

Ezai 33:14

Siɔn lɔ be nga be yo sa tɛ'n, srɛ kun be. Be nga be nyin yi-man Nyanmiɛn'n, be usu. Be usa kɛ: «Wan yɛ ɔ wo e nun b'ɔ kwla jran sin dan nga i nyrun-ɔn? ?Wan yɛ ɔ wo e nun b'ɔ kwla jran sin kpli ng'ɔ nuan-man mlɔnmlɔn yɛ'n i wun koko-ɔ?»

Zakari 11:17

Nnɛn kankanfuɛ luflefuɛ ng'ɔ yaci i nnɛn'm be lɛ tu kpɛn'n, i yako! Man alɛ'n saci i sa nin i nyin mma mun. Man i sa fama'n wu i wun yɛ nɛ́n i nyin mma fama'n wun ase kun .»

Matthieu 23:16

Amun anyansifuɛ'm bɔ an kle sran atin'n, an yako! Afin an se kɛ, sɛ sran wie di Nyanmiɛn i sua'n, ndɛ fi nun-man nun, sanngɛ sɛ sran wie di Nyanmiɛn i sua'n nun sika ɔkwlɛ'n, be `de i like.

Matthieu 23:23

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an yi mant'n, nin anɛt'n, ɔ nin kumɛn'n be blusu'n, sanngɛ an yaci mmla ng'ɔ ti cinnjin'n, nin nanwlɛ dilɛ'n, nin aunnvuɛ silɛ'n, ɔ nin sa kpa yolɛ b'ɔ man sran'm be fa bé wla gua amun su'n. Sa sɔ'm be yolɛ'n yɛ ɔ ti i su nin-ɔn, sanngɛ nán an yaci wie'm be yolɛ.

Matthieu 23:25

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an wunnzin klowa nin talie'm bé sin'n, sanngɛ like nga an nyɛnnin i wue kekle su amun konvi kpli'n ti'n yɛ ɔ o nun-ɔn.

Matthieu 23:27

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an ti kɛ ndia su sua bɔ b'a kɛn i ayre ufue'n sa, i talɛ'n yo klanman, sanngɛ i klun lɔ'n ti sran owie nin ninnge tɛtɛ wafa'n kwlaa.

Matthieu 23:29

Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an kplan Nyanmiɛn nuan ijɔfuɛ'm be ndia'm be su sua, yɛ an yo sran kpakpa'm be asieliɛ'm be klanman.

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

JÉSUS-CHRIST I DYASIN FE'N BO LUC KLELI'N 11:52

Amun mmla sifuɛ mun, an yako! Yɛlɛ kɛ sɛ ngwlɛlɛ'n wo sua kun nun'n, wuun be ´se kɛ i lakle'n wo amún sa nun, an klo-man kɛ an wlu lɔ, yɛ be nga be waan be ´wlu lɔ'n, an man-man be atin.»

Jean 9:22

Sa ti bɔ i si nin i nin be seli sɔ'n yɛlɛ kɛ srɛ kun be Zuif'm bé wun. Afin Zuif'm b'a dun mmua wun bé wun be nɛn a sɛ su kɛ sran kwlaa ng'ɔ se kɛ Jésus ti Krist'n, be ´kɛn i bo ɔ su wlu-man Nyanmiɛn ndɛ suanlɛ nin i srɛlɛ sua'n nun kun.

Jean 9:24

Farizifuɛ'm be flɛli anyansifuɛ'n ekun yɛ be seli i kɛ: «La Nyanmiɛn ase, e si kɛ bian sɔ'n ti sa tɛ yofuɛ.»

Jean 9:34

Be seli i kɛ: «?Ɔ bɔ kɛ be wuli wɔ'n, sa tɛtɛ'n yɛ ɔ ti ɔ junman'n, a wa kle ye like?» Yɛ be kɛnnin i bo-ɔ.

Sa nga bé yôli'n 13:8

Sanngɛ Elimas bɔ i dunman i bo yɛlɛ atrɛ yifuɛ'n, ɔ nin be sili akplowa , i waan ɔ ´saci Sɛrzis Polis sɔ'n i ti nun nan nán man ɔ fa Nyanmiɛn ndɛ'n su.

Sa nga bé yôli'n 5:28

«?Y'a wla-man amún su nun kpa kɛ nán man an kle like bian sɔ'n i dunman nun kun? Sanngɛ nian, amu'an fa amun ndɛ sɔ'n b'a tru Zerizalɛm klɔ'n nun, an klo kɛ amun ´fa bian sɔ'n i wie ndɛ'n gua e su!»

Sa nga bé yôli'n 5:40

nan b'a flɛ be bɔ Jésus sunmannin be'n. Kɛ be boli be nin nyantiaan'n, be wlali bé su nun kɛ nán man be kan ndɛ Jésus dunman nun kun, nan b'a yaci be nun.

Sa nga bé yôli'n 8:1

Le kunngba sɔ'n yɛ be boli asɔnunfuɛ'm bɔ be o Zerizalɛm lɔ'n be yalɛ klelɛ dan'n i bo-ɔ. Be kwlaa be sanndi ɔli Zide nin Samari mɛn'n nun, san be bɔ Jésus sunmannin be'n, be cɛ yɛ be kali lɛ-ɔ.

2 Timote 3:8

Sran sɔ'm be si ndɛ nanwlɛ bɔ e kan'n i akplowa kɛ Zannɛs nin Zambrɛs be nin Moiz be sili akplowa'n sa. Sran sɔ'm b'a saci, be akunndan'n ti-man kpa kun, kɛ a nian be wafa nga be fa lafi Nyanmiɛn su'n, a wun kɛ be lafi-mɛn i su kpa .

2 Timote 4:15

Ɔ kusu nian ɔ wun kpa i lika, afin ɔ sili ndɛ nga e kannin'n i akplowa tɛtɛ kpa.