Matthieu 22:16 - NYANMIƐN NDƐ'N 1998

¹⁶ Be sunmannin be sɔnnzɔnfuɛ mun nin Erɔdfuɛ mun Jésus wun lɔ, be wa seli i kɛ: «Nja, e si kɛ a di nanwlɛ yɛ a kle sran mun Nyanmiɛn atin'n nanwlɛ nun, yɛ e si kɛ a sro-man sran fi, afin a nian-man sran nyrun yɛ a yo sa-a.

Nyanmien nde Ufle

¹⁶ Bé sunmaan bé sonnzonfue nin Hérodefue mun Jésus wun lo, bé wa sé i ke: Ndya, é si ke a di nanwle, a klé swran mun Nyanmien atin'n nanwle nun. A srô'a swran fi, afin a nia'an swran nyrun.

Matthieu 22:16 ပူးပေါင်းရင်းမြစ်များ

1 Famiɛn Mun 22:14

Mise tɛli i su kɛ: «N kan Anannganman! Ndɛ ng'ɔ fa wla mín nuan'n yɛ n ´kan-an.»

Jue Mun 12:2

Anannganman, de ye! Ɔ sufuɛ nanwlɛfuɛ'm be su nunnun. Be bɔ be lafi be su-ɔ ɔ yo ye'n, be wun-man be wie fi kun.

Jue Mun 5:9

Anannganman! A ti Nyanmiɛn bɔ a ti nanwlɛfuɛ, kle min atin'n. Min kpɔfuɛ'm be ti, siesie atin nga a klo kɛ n fa su'n man min.

Jue Mun 55:21

Nian, gblɛfuɛ'n, ɔ nin i janvuɛ mun b'a nyɛn i. Nda ng'ɔ tali'n, ɔ'a di-man su kun.

Nyanndra Mun 29:5

Sran ng'ɔ lɛkɛ i wiengu'n, ɔ sua i bɔbɔ wun aya.

Malasi 2:6

Like nga be kle sran mun'n, i kwlaa'n ti i su, b'a fɔn-man. Be nin min trannin fɛfɛ, b'a lakalaka-man min. Be fanngan nun man sran sunman be yacili sa tɛ yolɛ'n.

Malasi 2:9

N kusu n wa yo man Izraɛlfuɛ'm be ´yo amun finfin, be ´gua amún nyin ase, afin amu'an fa-man min atin'n su, amu'an jran-man ndɛ sin, sran sin yɛ amun jran be di ndɛ mun-ɔn.»

Matthieu 22:24

«Nja, Moiz waan: ‹Yasua kun b'ɔ nin i yi b'a wu-man ba'n, sɛ ɔ wu'n, man i niaan'n jɛ i angboti'n nan ɔ nin i be wu ba kɛ ɔ yo nan i niaan'n i osu'n ɔ'a nunnun-man'n ti .›

Matthieu 22:26

Be nnyɔn su'n, ɔ jɛli i kpɛkuun ɔ wa wuli. Be nsan su'n ɔ jɛli i kpɛkuun ɔ wa wuli ekun, ɔ yo sɔ lele fa juli be nso su'n.

Matthieu 26:18

Ɔ seli be kɛ: «An wɔ klɔ lɔ sran kun awlo nan an `se i kɛ: ‹Nja waan, e `se wɔ kɛ i blɛ'n ɔ'a mantan nan ɔ lika wa yɛ ɔ nin i sɔnnzɔnfuɛ'm be ´di Delɛ-cɛn nin-ɔn.› »

Matthieu 26:49

Kpɛkuun ɔ wunngeli i wun lɛ nan ɔ'a se i kɛ: «Baba, anun o,» yɛ ɔ toli i sa yili i kɔmin-ɔn.

Marc 10:17

Kɛ Jésus fali atin'n su b'ɔ ´kɔ'n, sran kun wanndi wa kotoli i bo, ɔ usali Jésus kɛ: «?Nja, ɔ bɔ a ti like klefuɛ kpa'n, nguɛ yɛ n `yo nan man nyan anannganman nguan nin-ɔn?»

Marc 12:13

Be sunmannin Farizifuɛ mun nin Erɔdfuɛ wie mun Jésus wun lɔ kɛ be ko tie i nuan bo ndɛ nan be jran su fa trɛ i.

Marc 12:14

Be wa seli i kɛ: «Nja, e si kɛ a di nanwlɛ. Yɛ e si ekun kɛ a sro-man sran fi, afin a nian-man sran nyrun yɛ a yo sa-a, yɛ a kle sran mun Nyanmiɛn atin'n nanwlɛ nun. ?E `su lapo man Sezar? E su, annzɛ nán man e su?»

Marc 3:6

Kpɛkuun Farizifuɛ'm be fiteli, nan be nin Erɔd i minniɛn mun b'a ko cici kɛ be ´kunndɛ like nga be ´yo be fa kun Jésus'n.

Marc 8:15

Jésus wlali bé su nun kɛ be sasa bé wun kpa Farizifuɛ mun nin Erɔd be kpaun ayre'n i lika.

JÉSUS-CHRIST I DYASIN FE'N BO LUC KLELI'N 20:21

Sran sɔ'm be wa seli Jésus kɛ: «Nja, e si kɛ ndɛ nga a kan'n nin like nga a kle'n ɔ ti nanwlɛ, a nian-man sran nyrun yɛ a yo sa-a, yɛ a kpa-man sran nun, sanngɛ a kle sran mun Nyanmiɛn atin'n weiin.

JÉSUS-CHRIST I DYASIN FE'N BO LUC KLELI'N 7:40

Jésus sɔli su ɔ seli i kɛ: «Simɔn, n waan n ´kan ndɛ kun kle wɔ.» Ɔ seli i kɛ: «Kan.»

Jean 14:6

Jésus seli i kɛ: «Min yɛ n ti atin nin nanwlɛ nin nguan nin-ɔn. Sran nga ɔ'a sin-man min nun'n, ɔ ju-man e Si wun lɔ.

Jean 18:37

Ɔ man Pilat usɛli i kɛ: «?Ɔ man a ti famiɛn?» Jésus tɛli i su kɛ: «Yɛ ɔ́ nuan o su lɛ-ɔ, n ti famiɛn. Nian sa ti bɔ be wu min'n, sa ti bɔ m bali mɛn'n nun'n yɛ: m bali kɛ n ´kan ndɛ ng'ɔ ti nanwlɛ'n kle sran mun. Sran kwlaa ng'ɔ si nanwlɛ'n, ɔ ti ndɛ nga n kan'n. »

Jean 7:18

Sran ng'ɔ kpɛ i bɔbɔ klun kle like'n, ɔ kunndɛ i bɔbɔ dunman. Sanngɛ sran ng'ɔ kunndɛ kɛ sran ng'ɔ sunmɛnnin i'n nyan dunman'n, ɔ ti sran kpa, sa tɛ kaan sa bɔn-mɛn i wun.

2 Korɛntfuɛ Mun 2:17

E ti-man kɛ sran wie bɔ be yo Nyanmiɛn ndɛ'n kɛ be nga be yo ninnge sukusuku'm be atɛ'n be liɛ'n sa. Sanngɛ kɛ Nyanmiɛn sunmannin ye'n, bɔ i nyin ta ye'n, bɔ e nin Krist e ti sran wunmuan'n, ɔ man e kɛn i ndɛ'n nanwlɛ nun.

2 Korɛntfuɛ Mun 4:2

E wla like nga be yo nyannzuɛn ti be fiafia su'm be ase, e yo-man like gblɛgblɛ nun, yɛ e sanngan-man Nyanmiɛn ndɛ'n, sanngɛ kɛ e kan ndɛ weinwein Nyanmiɛn nyrun'n, ɔ man sran'm be kwlaa be wun e wafa nga e ti'n.

2 Korɛntfuɛ Mun 5:16

Ɔ man kɛ ɔ fin ndɛ'n, e bu-man sran'm be akunndan kɛ sran'n be fa bu akunndan'n sa kun. Sɛ laa e bu Krist sɔ bɔbɔ'n, siɛn'n e bu-mɛn i sɔ kun.

Galasifuɛ Mun 1:10

?Ndɛ nga n ´kɛn i yɛ'n, sran'm be nyrun annzɛ Nyanmiɛn nyrun dunman yɛ n kunndɛ-ɔ? ?N waan n ´yo sɔ nan sran'm be klo min sa? Sɛ n waan n ´yo sɔ nan sran'm be klo min sa'n, wuun n su yo-man Krist i sran.

Galasifuɛ Mun 2:6

Be nga be ti be nun kpakpa'n, sɛ be ti sɛ be ti sɛ laa o, nán min ndɛ-ɔ, afin Nyanmiɛn liɛ'n ɔ nian-man sran nyrun yɛ ɔ yo i sa liɛ nin-ɔn. Be kpakpa sɔ'm be liɛ'n, b'a se-man n kɛ n yo like uflɛ fi .

Mmla'n 33:9

Be si mun nin be nin mun, nin be niaan mun, ɔ nin be mma mun'n, be ndɛ ɔ'a yo-man be cinnjin kɛ ɔ sa. Kɛ bɔ a ti cinnjin bé sa nun'n ti be trali ɔ ndɛ'n nun kpa. Be niannin aenguɛ nga a nin be trali'n su be nantili.

1 Tɛsalonikfuɛ Mun 2:4

E kɛnnin i kɛ Nyanmiɛn kleli ye kɛ e kɛn i su'n sa, afin ɔ bu ye sran ɔ fɛ i jasin fɛ'n wlali é sa nun. Nán kɛ e waan e ´kɛn i sɔ nan sran'm be klun jɔ e wun-ɔn, sanngɛ e waan e ´kɛn i sɔ nan ɔ jɔ Nyanmiɛn b'ɔ si e anwlɛn nun'n i klun.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.