Matthieu 20:21 - NYANMIƐN NDƐ'N 1998

²¹ Jésus usali bla'n kɛ: «?Nguɛ yɛ a klo kɛ a ´srɛ-ɔ?» Bla'n seli i kɛ: «Cɛn nga a ´di ɔ famiɛn'n, yo man ń wa yasua nnyɔn'n bɔ be o yɛ'n be tran ɔ́ wun lɛ, kun `tran ɔ fama su yɛ kun tran ɔ bɛ su.»

Nyanmien nde Ufle

²¹ Jésus use i ke: ?Nzu ye a klô ke ah sreoh? Bla'n sé i ke: Tyen nga ah dih o famien'n, yô man n wa yasua nnyon'n bo bé ô ye'n bé tran o wun le, kun tran o fama su ye kun tran o be su.

Matthieu 20:21 ပူးပေါင်းရင်းမြစ်များ

1 Famiɛn Mun 2:19

Bat-Seba ɔli Salomɔn wun lɔ kɛ ɔ ko kan Adɔniza i ndɛ'n kle i. Salomɔn jasoli i famiɛn bia'n su, ɔ ɔli ko kotoli i nyrun, nan ɔ'a sɛ i sin ɔ'a ko tran ase. Ɔ man be fali famiɛn bia'n be blɛli i nin, be fa tɛkɛli i sa fama su.

1 Famiɛn Mun 3:5

Kɛ Salomɔn o Gabaɔn lɛ'n, kɔnguɛ Anannganman fɛli i wun kleli i laliɛ nun. Nyanmiɛn seli i kɛ: «Like nga a klo kɛ n fa m man wɔ'n, usa min.»

Ɛstɛr 5:3

Famiɛn'n usɛli kɛ: «?Nguɛ sa-a, Ɛstɛr, famiɛn bla? ?A klo kɛ a ´srɛ like wie? Sɛ kannzɛ bɔ ɔ waan m bu min siewlɛ'n nun nnyɔn nan n fɛ i bue kun m man wɔ'n, n ´fa man wɔ.»

Jue Mun 110:1

Jue nga ti David liɛ. I waan: Anannganman i nuan su ndɛ ng'ɔ kan kleli min Min'n yɛ. Ɔ seli i kɛ yo: «Tran ase mín fama su wa lele man n yi ɔ kpɔfuɛ'm be ase ɔ́ bo nan n `fa be yo ɔ́ ja siesiewlɛ .»

Jue Mun 45:9

Mir, nin aloɛs, ɔ nin kanɛl bɔ be bɔn fannin'n, be bɔn ɔ tralɛ'm bé nun. Famiɛn sua bɔ sui je o nun sɛsɛsɛ'n, sran'm be bo ngowa kanlɛ like mun i nun lɔ, ɔ klun jɔ.

Zeremi 45:5

I sɔ'n kpɛkuun pɔɔ yɛ a ´kunndɛ kɛ a ´tran nun-ɔn. Nán kunndɛ pɔɔ nun tranlɛ. Nyrɛnnɛn nga n ´fa yi i mɛn'n su'n, like kun ng'ɔ su nyɛn-mɛn i'n, ɔ nun-man lɛ. Ɔ liɛ nga a ´nyɛn i'n yɛlɛ ɔ nguan'n. Kan kwlaa nga ɔ waan a kɔ'n, ɔ́ wun fouun!»

Matthieu 18:1

I osu kunngba'n nun'n, Jésus i sɔnnzɔnfuɛ'm be bɛli i wun lɛ nan b'a usɛ i kɛ: «?Be bɔ Nyanmiɛn sie be'n, be nun onin yɛ ɔ ti dan tra be kwlaa-a?»

Matthieu 19:28

Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Matthieu 20:22

Yɛ Jésus waan: «An si-man like nga an srɛ'n. ?Klowa nga m ma nɔn nun'n, an kwla nɔn nun wie?» Be waan: «Ɛɛn, e kwla nɔn nun wie.»

Matthieu 20:32

Jésus jrannin nan ɔ'a flɛ be ɔ'a usa be kɛ: «?Nguɛ yɛ an klo kɛ n yo man amun-ɔn?»

Marc 10:51

Jésus usɛli i kɛ: «?Nguɛ yɛ ɔ waan n yo man wɔ-ɔ?» Anyansifuɛ'n seli i kɛ: «Baba, yo man n wun ase.»

Marc 16:19

Kɛ e Min'n kannin ndɛ sɔ'n kleli be'n, Nyanmiɛn mɛnnin i su ɔli nyanmiɛn su lɔ, ɔ trannin ase i fama su .

Marc 6:22

Kɛ Erɔdias i wa talua'n wluli lɔ b'ɔ ´si able'n, Erɔd nin be b'ɔ yiali be kɛ be wa di like'n be klun jɔli i wun kpa. Yɛ famiɛn'n seli talua'n kɛ like ng'ɔ klo'n ɔ `kan kle i ɔ ´fa mɛn i.

JÉSUS-CHRIST I DYASIN FE'N BO LUC KLELI'N 18:41

Yɛ i waan: «Nannan, n waan a tike mín nyin!»

JÉSUS-CHRIST I DYASIN FE'N BO LUC KLELI'N 19:11

Kɛ be ´tie i ndɛ sɔ'n, Jésus buli be nyanndra kun yɛlɛ kɛ be su wa ju Zerizalɛm, yɛ be bu i kɛ ɔ cɛ kaan Nyanmiɛn wa yi i famiɛn'n nglo.

JÉSUS-CHRIST I DYASIN FE'N BO LUC KLELI'N 22:24

Akplowa kun kusu tɔli be afiɛn kɛ be ´wun be nun sran nga be bu i sran tra be kwlaa'n.

Jean 15:7

Sɛ amun nin min yo sran wunmuan bɔ e tran titi'n, bɔ an fa min ndɛ'n su'n, like nga an klo i'n, an `se Nyanmiɛn, ɔ ´fa man amun.

Sa nga bé yôli'n 1:6

Kɛ bé ti yiali lɛ'n, be usali i kɛ: «?Nannan, blɛ nga nun yɛ a wa siesie Izraɛl famiɛn diwlɛ'n ekun-ɔn?»

Rɔmfuɛ Mun 12:10

An `klo amun wun kpa kɛ sran nin i niaan sa, an `bu amun wiengu sran.

Rɔmfuɛ Mun 8:34

?Wan yɛ ɔ kwla se kɛ b'a di fɔ-ɔ? Krist-Jésus yɛ ɔ wuli-ɔ, kusu ɔ cɛnnin, ɔ o Nyanmiɛn i fama su, ɔ kpɛtɛ i man ye.

Kolɔsfuɛ Mun 3:1

I sɔ'n ti'n, sɛ amun nin Krist yɛ an cɛnnin'n, an `kunndɛ nyanmiɛn su lɔ ninnge mun, Krist ti Nyanmiɛn i fama su lɔ .