Matthieu 19:6 - NYANMIƐN NDƐ'N 1998

⁶ Kɛ ɔ ko yo sɔ'n, be ti-man sran nnyɔn kun, sanngɛ be ti sran wunmuan. Ɔ man like nga Nyanmiɛn kan be bo nun'n, nán man sran fi ti be nun.»

Nyanmien nde Ufle

⁶ Ke o kô yô so'n, bé ti'a swran nnyon kun, sannge bé ti swran wunmuan. O man liké nga Nyanmien kan bé bô nun'n, nanh man swran fi ti bé nun.

Matthieu 19:6 ပူးပေါင်းရင်းမြစ်များ

Nyanndra Mun 2:17

I sɔ bla liɛ'n, bɔ i talua nun bian'n ɔ'a yrɛ i'n, bɔ i wla ɔ'a fi fualɛ ng'ɔ fali Nyanmiɛn dunman'n fuali'n,

Malasi 2:14

Kpɛkuun amun usa kɛ: «?Nan nguɛ sa-a?» Sa ti b'ɔ yo sɔ'n, yɛlɛ amun gbanflɛn nun bla'n i jalɛ nun. I jalɛ nun'n amun tali nda Anannganman nyrun kɛ amun kunndɛ-man bla uflɛ, nan i yɛ ɔ ti amun ukafuɛ-ɔ, nan i yɛ amun wunnin i-ɔ, kpɛkuun amu'an buɛ-mɛn i ndɛ nun kun.

Malasi 2:16

«N klo-man bla yralɛ'n, ɔ nin sran ng'ɔ fa tɛ yolɛ'n fa cici i ti'n. Sran ng'ɔ fa kpɔlɛ fa yrɛ i yi'n, wuun ɔ ti sa sakasaka yofuɛ. M bɔbɔ min Anannganman, Izraɛl Nyanmiɛn bɔ n sie mɛn wunmuan'n yɛ n kan kle amun-ɔn. Amun `nian amun wun kpa, nán amun kunndɛ bla amún yi'm be bo.»

Matthieu 19:7

Yɛ be usɛli i kɛ: «?Sɛ ɔ ti sɔ'n, wuun nguɛ ti yɛ Moiz klɛli i kɛ: ‹Sɛ sran kun waan ɔ ´yrɛ i yi'n, ɔ `mɛn fluwa b'ɔ kle kɛ ɔ'a yrɛ nin-ɔn ?› »

Marc 10:9

Ɔ man like nga Nyanmiɛn kan bé bo nun'n, nán man sran fi ti be nun.

Rɔmfuɛ Mun 7:2

I kunngba'n, bla nga ɔ'a ja bian'n, kɛ i wun'n i nyin tɛ o su'n, ɔ di aja'n i nun mmla'n su, sanngɛ sɛ yasua'n wu'n, ɔ di-man mmla'n b'ɔ o ɔ nin i wun be afiɛn'n su kun.

Efɛzfuɛ Mun 5:28

I sɔ'n ti'n, yasua mun, an `klo amún yi mun kɛ an fa klo amun bɔbɔ amun wun'n sa. Sran ng'ɔ klo i yi'n, wuun ɔ klo i bɔbɔ wun.

Hébreu 13:4

Man sran'm be kwlaa be bu aja'n i like dan, yɛ be bɔ b'a ja bé wun'n, nán man be yo sa sukusuku. Afin be nga be kunndɛ bla annzɛ bian'n, ɔ nin be nga be kunndɛ bla bé yi bo annzɛ bian bé wun bo'n mun'n, Nyanmiɛn nin be lɛ i.