Matthieu 19:28 - NYANMIƐN NDƐ'N 1998

²⁸ Yɛ Jésus seli be kɛ: «Nanwlɛ, kɛ be wa bo mɛn'n i uflɛ ekun'n, bɔ m bɔ n kacili Sran'n n ´yi n famiɛn nglo bɔ n ´tran m bia'n su'n, amun bɔ an suli n su'n, amun kusu an wa tran bia blu-nin-nnyɔn su, amun ´di Izraɛl nvle blu-nin-nnyɔn'm be jɔlɛ.

Nyanmien nde Ufle

²⁸ Ye Jésus sé bé ke: Nanwle, ke bé wa bô men'n i ufle ékun'n, bo m bo n katyii Swran'n nh yih n famien nglô bo nh tranh m bia'n su'n, amun bo an suu n su'n, amun kusu an wa tran bia blu-nin-nnyon su, amunh dih Israël nvlé blu-nin-nnyon'n bé dyole.

Matthieu 19:28 ပူးပေါင်းရင်းမြစ်များ

1 Famiɛn Mun 18:31

Yɛ ɔ niannin Zakɔb i wa'm bé nuan'n su fali yɛbuɛ blu-nin-nnyɔn. Zakɔb yɛ Anannganman seli i kɛ: «Be wa flɛ wɔ Izraɛl» nin-ɔn .

2 Be Nyoliɛ 9:19

Yɛ be yoli asɔmɔli blu-nin-nnyɔn, be o asikalie'n su sɛsɛsɛ. Nsiɛn o bue kun, yɛ nsiɛn o bue kun. Be nian yo-mɛn i sɔ like mɛn uflɛ fi nun le.

Ɛsdras 6:17

Sua'n i nglo yilɛ sɔ nun'n, be kunnin nannin tola ya, bua nene ya nnyɔn'n, bua nga b'a kpɛ cro ya nnan. Yɛ kɛ Izraɛlfuɛ'm be akpasua i nuan'n fa ti'n, be niannin su be kunnin boli blu-nin-nnyɔn bé fa yili Izraɛlfuɛ'm be wunmuan be ti tɛ.

Ezipt Lɔ Tulɛ'n 15:27

Izraɛlfuɛ'm be juli Elim. Be wunnin nzue ti blu-nin-nnyɔn nin mme ableso lika sɔ'n nun. Be kpɛli be ngblaliɛ nzue'n i wun lɛ.

Ezipt Lɔ Tulɛ'n 24:4

Moiz klɛli ndɛ nga Anannganman kan kleli i'n i kwlaa. Kɛ aliɛ'n cɛnnin'n, ɔ jasoli nglɛmun ndɛ kpa, ɔ kplannin Nyanmiɛn i sɔwlɛ kun oka'n i bo wun lɛ. Yɛ ɔ siesieli yɛbuɛ blu-nin-nnyɔn, be ti Izraɛl akpasua blu-nin-nnyɔn'm be nzɔliɛ.

Ezipt Lɔ Tulɛ'n 28:21

Be `klɛ Zakɔb i mma blu-nin-nnyɔn'm be dunman yɛbuɛ sɔ'm bé su. Be `klɛ bé su kɛ be fa klɛ nzɔliɛ'm be su'n sa. Be `klɛ dunman kun yɛbuɛ kun su, be `klɛ kun yɛbuɛ kun su. Yɛbuɛ sɔ'm be wa yo Izraɛl akpasua blu-nin-nnyɔn'm be nzɔliɛ.

Ezai 65:17

Afin n wa yi nyanmiɛn ng'ɔ la nglo lɔ plaii'n, nin asiɛ'n be uflɛ. Kɛ ɔ ko yo sɔ'n, be su bo-man laa sa'm be su be di-man jɔlɛ kun. Be su bu-man be akunndan kun .

Ezai 66:22

«Nyanmiɛn ng'ɔ la nglo lɔ plaii'n, i uflɛ nga n ´yi'n, ɔ nin asiɛ uflɛ'n, be ´ka min nyrun lɛ tititi. I kunngba nin-ɔn, amun osu nunfuɛ mun nin amun dunman'n, be kusu be ´ka lɛ sɔ tititi .» Anannganman yɛ ɔ se sɔ-ɔ.

Saun Yolɛ 24:5

«Fa ble sanmlɛn mlɛnnɛnnɛn kpa `tɔn kpaun paplapa nga be gua-man nun kpaun ayre'n blu-nin-nnyɔn. I blu-nin-nnyɔn'n, fa kilo nsiɛn-nsiɛn yɛ fa tɔn be-ɔ.

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 19:27

Yɛ Piɛr waan: «Nian, y'a yaci e ninnge'n kwlaa y'a su ɔ su. ?Nguɛ yɛ e ´nyɛn i-ɔ?»

Matthieu 20:21

Jésus usali bla'n kɛ: «?Nguɛ yɛ a klo kɛ a ´srɛ-ɔ?» Bla'n seli i kɛ: «Cɛn nga a ´di ɔ famiɛn'n, yo man ń wa yasua nnyɔn'n bɔ be o yɛ'n be tran ɔ́ wun lɛ, kun `tran ɔ fama su yɛ kun tran ɔ bɛ su.»

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Marc 10:37

Be seli i kɛ: «Kɛ a ´di ɔ famiɛn'n, yo man e nun kun tran ɔ fama su, yɛ man kun tran ɔ bɛ su.»

Sa nga bé yôli'n 3:21

Kɛ e o yɛ liɛ'n, ɔ fata kɛ ɔ tran nyanmiɛn su lɔ lele san ɔ ´ju blɛ nga Nyanmiɛn ´yo ninnge'n kwlaa be uflɛ ekun'n. Ɔ man i nuan ijɔfuɛ'm be dun mmua kɛnnin i sɔ laa.

2 Timote 2:12

Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.

Zozie 3:12

Amun `kpa amun nun sran blu-nin-nnyɔn, akpasua kun su sran kun akpasua kun su sran kun.

2 Piɛr 3:13

Nyanmiɛn seli kɛ ɔ ´man e nyanmiɛn su lɔ nin asiɛ uflɛ, lɔ yɛ be nga be yo sa kpa'n be ´tran-an. I yɛ e su minndɛ i-ɔ .

Sa nglô yile 11:16

Kpɛnngbɛn ablaɔn-nin-nnan bɔ be ti be bia'n su Nyanmiɛn nyrun lɛ'n, be utuli bé nyin ase be manmannin Nyanmiɛn, be seli kɛ:

Sa nglô yile 12:1

Abonuan sa dan kun fiteli nglo nyanmiɛn su lɔ: bla kun klali wia'n kɛ kondro sa. Yɛ i ja'n takataka anglo'n su. Nzraama blu-nin-nnyɔn be ti kɛ sika kle sa, kle sɔ'n ɔ o i ti.

Sa nglô yile 20:4

N wunnin bia mun, be nga be ti be su'n, be sieli be kɛ be di jɔlɛ. Be nga ndɛ nanwlɛ bɔ Jésus yili i nglo'n, nin Nyanmiɛn i ndɛ'n bɔ be kan ti be kunnin be'n, bɔ b'a koto-man nnɛn'n i wunsu bɔ be yoli'n i bo'n, bɔ nnɛn'n i nzɔliɛ'n nun-man be ngban su nin bé sa'n su'n, n wunnin be wawɛ'n. Be cɛnnin, yɛ be nin Krist be dili famiɛn afuɛ akpi .

Sa nglô yile 21:5

Sran ng'ɔ ti bia'n su'n seli kɛ: «Nian, m'an kaci like'n kwlaa uflɛ.» Yɛ ɔ seli ekun kɛ: «Klɛ ndɛ nga, afin min ndɛ'n ti nanwlɛ, be kwla fa su .»

Sa nglô yile 22:2

Ɔ la klɔ'n i gua'n i afiɛn. Waka b'ɔ man nguan'n be jinjin i bue nnyɔn'n su. Afuɛ kun nun be su kpɛ blu-nin-nnyɔn, anglo kwlaa be su. Be nnya'n yɛ man nvle-nvlefuɛ'm be yo juejue-ɔ .

Sa nglô yile 22:5

Lika'n su san-man kun. Be su kunndɛ-man kannin nin wia kun, afin e Min Nyanmiɛn'n yɛ ɔ ´kpaja klɔ'n nun-ɔn. Yɛ be ´di famiɛn tititi .

Sa nglô yile 3:21

Sran ng'ɔ kwla'n, min nin i e ´tran m bia'n su kɛ n kwlali bɔ min nin min Si e tran i bia'n su'n sa.

Sa nglô yile 4:4

Bia ablaɔn-nin-nnan ekun be sin yia bia kun sɔ'n, kpɛnngbɛn ablaɔn-nin-nnan be titi bia sɔ'm bé su tralɛ ufue o bé wun yɛ sika kle o bé ti.

Sa nglô yile 7:4

Be boli be nga be sieli be nzɔliɛ'n bé nuan kleli min. Be ti akpi-akpi ya sran akpi-akpi ablanan-nin-nnan (144.000), be fin Izraɛl i mma'm be osu-osu'n kwlaa nun.