Matthieu 16:18 - NYANMIƐN NDƐ'N 1998

¹⁸ N kusu, n ´kan kle wɔ kɛ, be flɛ ɔ Piɛr (bɔ i bo'n yɛlɛ yɛbuɛ'n). Yɛbuɛ tanda'n su yɛ m ma kplan min asɔnun nin-ɔn, yɛ wie'n su kwla saci-mɛn.

Nyanmien nde Ufle

¹⁸ N kusu, nh kanh klé o ke, bé fle o Pierre (bo i bô yele yebue). Yebue tanda'n su ye m ma kplan min asonun nion, ye wié'n su kwla satyimen.

Matthieu 16:18 ပူးပေါင်းရင်းမြစ်များ

Bo Bolɛ 22:17

i ti n ´yo man ɔ osu'n ɔ ´trɛ. I nunfuɛ'm be ´sɔn kɛ nyanmiɛn su nzraama mun sa annzɛ kɛ jenvie nuan aunnyan'n sa. Wɔ anunman'm be ´fa be kpɔfuɛ'm be klɔ mun .

2 Samiɛl 18:4

Yɛ famiɛn'n waan: «Yoo, nga amun waan n yo'n n ´yo.» Famiɛn'n jrannin klɔ'n i anuan'n wun koko lɛ. Yɛ sonja'm be fiteli akpasua-akpasua, wie'm be ti ya, wie'm be ti akpi.

Zɔb I Nyrɛnnɛn Wunlɛ 38:17

?B'a tike wie'n i anuan b'a kle wɔ le? ?W'a wun blɔlɔ lɔ anuan'n le?

Jue Mun 107:18

Like nga be di i sa'n, be konvi tuli su. Be tɔli wie'n i nuan nun wieli.

Jue Mun 127:5

Sran nga cua sɔ'm be yi i koniɛn pata'n, i liɛ su ti ye! Sɛ ɔ nin i kpɔfuɛ'm be nyan ndɛ klɔ'n i anuan nun lɔ'n, ɔ kwla wun-man nyannzuɛn.

Jue Mun 129:2

«Kɛ ɔ fin min kaan nun lele'n, blɛ sunman be kleli min yalɛ» sanngɛ b'a kwla-man min.

Jue Mun 69:12

N waan man n wla bajɛ tralɛ, sanngɛ ɔ nin i sɔ ngba'n be ´fa min kpɛ flɛn.

Jue Mun 9:13

Ɔ nin be bɔ be gua mmoja ase'n be lɛ i, i wla fi-man be nga be kun be'n be kpanlɛ'n.

Nyanndra Mun 24:7

Ngwlɛlɛ'n tra sinnglinfuɛ'n i kpɛn. I sɔ'n ti, kɛ be ´kan nzra nun ndɛ'n, ɔ fata-man kɛ ɔ uke i nuan.

Ezai 28:16

I sɔ'n ti, ndɛ nga Anannganman Nyanmiɛn kan'n yɛ. I waan: «Min, n fali yɛbuɛ kun b'ɔ ti sua'n i bo ase wlalɛ liɛ'n n fa n sieli Siɔn lɔ. Ɔ ti yɛbuɛ kekleke kpa, i yɛ ɔ tra sua'n i cɔnjɔ'n i ase-ɔ, i gua'n ti-man blɛblɛ, ɔ ti takawa kpa. Sran ng'ɔ kisa su'n, ɔ ´yo cinnjinnjin sɔ wie .

Ezai 28:6

I yɛ ɔ ´kle be nga be di jɔlɛ'n be sa nuan su yolɛ-ɔ. Be nga be ´fuan be kpɔfuɛ'm be lele ´ju be klɔ i nuan lɔ'n, i yɛ ɔ ´man be fanngan-an.

Ezai 38:10

«N seli min wun kɛ: Min afuɛ nga n ko di'n, m'an di i bue, n wa kɔ blɔlɔ lɔ, n ko di min afuɛ'n i onga'n lɔ.

Ezai 54:17

Alɛ ninnge kwlaa nga be yi i kɛ be ´fa kun amun'n, ɔ ´yo ngbɛn. Sɛ sran wie fa amun kɔ jɔlɛ difuɛ wie ja su'n, amun ndɛ'n ´tɔ i su, be ´bu i fɔ. Sa nga n ´yo man be nga be ti min sufuɛ mun'n, yɛ ɔ o lɛ-ɔ. Like ng'ɔ ti be liɛ b'ɔ ti i nuan su'n, bɔ n ´yo man be'n, yɛ ɔ o lɛ-ɔ.» Anannganman i ndɛ b'ɔ kan'n, yɛ ɔ o lɛ-ɔ.

Zonas 2:6

Nzue'n ju min kɔmin nun, jenvie'n kata min su kplu! Nyanman nga be o jenvie'n bo lɔ'n be blabla mín ti'n wun.

Matthieu 10:2

An nian sran blu-nin-nnyɔn'n bɔ Jésus sunmannin be'n be dunman'm be yɛ: klikli'n yɛlɛ Simɔn, i dunman ng'ɔ nannan su'n yɛlɛ Piɛr, yɛ i niaan Andre, yɛ Zebede wa Zak nin i niaan Zan,

Matthieu 11:23

?Kapɛrnaɔmfuɛ mun amun kusu, amun tu amún wun lele fa ju nyanmiɛn su lɔ? Be wa gua amún nyin ase lele ju blɔlɔ lɔ, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Sodɔm'n, wuun lele ndɛ ɔ tɛ o lɛ.

Matthieu 18:17

Sɛ ɔ fa-man be ndɛ'n su'n, kɛn i asɔnunfuɛ'm be nyrun, sɛ ɔ fa-man'n, bu i kɛ sran b'ɔ nun-man amun nun sa, bu i kɛ gua bo sika defuɛ sa.»

Matthieu 4:18

Kɛ ɔ ´sin Galile fɛtɛ'n nuan lɛ'n, ɔ wunnin Simɔn bɔ be flɛ i kɛ Piɛr'n nin Andre. Be sran nnyɔn'n be ti niaan, kɛ ɔ ´wun be'n, wuun be su gua lala fɛtɛ'n nun, afin be ti jue trafuɛ.

Matthieu 7:24

«I sɔ'n ti, sran kwlaa ng'ɔ tie ndɛ nga n ´kɛn i yɛ'n nan ɔ fa su'n, ɔ ti kɛ ngwlɛlɛfuɛ b'ɔ kplɛnnin i sua yɛbuɛ su'n sa.

Jean 1:42

Ɔ fɛ i ɔli Jésus wun lɔ. Kɛ Jésus wunnin i'n, ɔ seli kɛ: «Be flɛ wɔ kɛ Simɔn, a ti Zan wa, kɛ ɔ fin ndɛ'n, be ´flɛ wɔ kɛ Sefas bɔ i bo yɛlɛ Piɛr.»

Sa nga bé yôli'n 2:47

Be manman Nyanmiɛn, bé wun yo sran be fɛ, yɛ cɛn kwlaa e Min Nyanmiɛn'n fa be bɔ be fite nun'n uka be su.

Sa nga bé yôli'n 20:28

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Sa nga bé yôli'n 8:1

Le kunngba sɔ'n yɛ be boli asɔnunfuɛ'm bɔ be o Zerizalɛm lɔ'n be yalɛ klelɛ dan'n i bo-ɔ. Be kwlaa be sanndi ɔli Zide nin Samari mɛn'n nun, san be bɔ Jésus sunmannin be'n, be cɛ yɛ be kali lɛ-ɔ.

1 Korɛntfuɛ Mun 15:55

?Wie, like nga b'ɔ man a kwla'n ɔ o nin? ?Wie, ɔ je'n wo nin ?»

Galasifuɛ Mun 2:9

Kɛ Zak, nin Sefas, ɔ nin Zan bɔ be tra Asɔnun nun'n be wunnin kɛ Nyanmiɛn bu n sran ɔ fa min sieli junman sɔ'n su'n, be sunmannin min nin Barnabas e nun, ɔ man e wunnin kɛ e nɛn sɛli su kɛ e wɔ be nga be ti-man Zuif'n bé sin nan be kusu be ´kɔ be nga be wla klɛn'n bé sin.

Efɛzfuɛ Mun 3:10

Ɔ man kɛ ɔ fin ndɛ'n, nyanmiɛn su lɔ mmusu nin ngbɛn-ngbɛn'm be `wun Nyanmiɛn i ngwlɛlɛ'n ninnge ng'ɔ yo be Asɔnun'n nun'n be kwlaa, be nun.

Efɛzfuɛ Mun 5:32

Nanwlɛ, ndɛ sɔ'n bɔ ɔ'a tɛ nglo wa yɛ'n ɔ ti nanndoliɛ. Kɛ n kɛn i sɔ'n, n fa ndɛ sɔ'n sunnzun Krist nin Asɔnun'n,

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

1 Timote 3:15

Sanngɛ sɛ m'an kwla ɔ-man icra'n, fluwa nga nun ndɛ'n ɔ ´yo man a ´si sa nga a ´yo i Nyanmiɛn i awlo'n nun'n. Awlo sɔ'n yɛlɛ Nyanmiɛn b'ɔ lafi-man'n i Asɔnun'n. Sɛ nanwlɛ'n ti sua'n, wuun Asɔnun'n ti i kuatrɛn nin i kofiaja.

1 Timote 3:5

?Afin sɛ sran kun si-mɛn i bɔbɔ i awlo'n su nian'n, ɔ ´yo sɛ yɛ ɔ ´kwla nian Nyanmiɛn i asɔnun'n su-ɔ .

Hébreu 12:28

I sɔ'n ti, man e yo Nyanmiɛn mo, afin e ´nyan mɛn b'ɔ keje-man'n. Man e su Nyanmiɛn i wafa ng'ɔ jɔ i klun'n srolɛ bɔ e sro i'n nin sran bɔ e bu i'n ti,

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 21:14

I wun nga be sili'n, be wlɛli i bo ase nin yɛbuɛ blu-nin-nnyɔn. Be klɛli sran blu-nin-nnyɔn bɔ Bua Gbanflɛn'n sunmannin be'n be dunman su.