Matthieu 13:44 - NYANMIƐN NDƐ'N 1998

⁴⁴ «Nyanmiɛn sielɛ'n ɔ fa like kpa kun bɔ be fa fiali fie kun su. Sran kun wunnin i nan ɔ'a fa fia ekun. I fɛ b'ɔ yo i'n ti'n, ɔ ko yo i sa nun ninnge'n kwlaa atɛ ɔ fa toli fie sɔ'n.»

Nyanmien nde Ufle

⁴⁴ Nyanmien siéle'n o fa liké kpa kun bo bé fa fiaa fié kun su. Swran kun wunniin nan wa fa fia ékun. I fe b'o yôé'n ti'n o kô yô i sa nun ninngé'n kwlaa ate o fa tô fié so'n.

Matthieu 13:44 ပူးပေါင်းရင်းမြစ်များ

Zɔb I Nyrɛnnɛn Wunlɛ 28:13

Sran si-mɛn i gua. Be kunndɛ i be nga bé nyin o su'n be afiɛn be wun-mɛn.

Nyanndra Mun 16:16

Sɛ be kpɛ akunndan'n i wun atin nan be nyɛn i'n, ɔ ti kpa tra sika ɔkwlɛ. Sɛ be kpɛ ngwlɛlɛ'n i wun atin nan be nyɛn i'n, ɔ ti kpa tra jɛtɛ ufue.

Nyanndra Mun 17:16

?Sinnglinfuɛ'n i sa nun sika'n, ɔ fa yo nguɛ ye? ?Ɔ fa to ngwlɛlɛ-ɔ ɔ yo ye? Kannzɛ be to bɔbɔ-ɔ, i sinnzin'n ti ɔ kwla to-man.

Nyanndra Mun 18:1

Sran nga bɔ i bɔbɔ i wun akunndan yɛ ɔ bu'n, ɔ fɛ-mɛn i wun mantan-man sran. Sɛ be se kɛ be ´ukɛ i nan ɔ yo like wie'n, ɔ yo-mɛn i fɛ.

Nyanndra Mun 23:23

Sɔnnzɔn nanwlɛ dilɛ'n, sɔnnzɔn akunndan bulɛ'n, kunndɛ sa silɛ'n, yo sa cɛcɛ yofuɛ, i sɔ ninnge kpakpa liɛ mun'n, kɛ bé ti ko sin ko yia wɔ'n, nán ɔ́ nyin kpa wie fi su.

Ezai 55:1

Amun kwlaa nga nzue we kun amun'n, amun `bla, nzue o wa! Kannzɛ bɔ sika nun-man amún sa nun o, amun bla be wa fa like be di, be yi-man nun dein. Amun bla be wa fa nzan nin nɔnnɔn, sika fite-man nun, be to-man .

Matthieu 13:24

Ɔ bu nyanndra uflɛ ekun kleli be, ɔ seli kɛ: «Nyanmiɛn sielɛ'n ɔ fa sran kun b'ɔ fa awie guɛli i fie'n su.

Matthieu 13:46

Kɛ ɔ wunnin i kpakpafuɛ'n kun'n, ɔ ko yoli i sa nun ninnge'n kwlaa atɛ fa toli nɛnnglɛnman sɔ'n.»

Matthieu 13:47

«Nyanmiɛn sielɛ'n ɔ fa lala ekun. Be gua lala sɔ'n i jenvie nun, ɔ fa jue wafa-wafa'n kwlaa'n ekun.

Matthieu 19:21

Yɛ Jésus waan: «Sɛ a klo kɛ a ´wie i ngba su fa weiin'n, ko yo ɔ ninnge'm be atɛ, fɛ i sika'n man yalɛfuɛ mun, yɛ a ´nyan ninnge kpakpa nyanmiɛn su lɔ. Nan bla wa su min su.»

Matthieu 19:27

Yɛ Piɛr waan: «Nian, y'a yaci e ninnge'n kwlaa y'a su ɔ su. ?Nguɛ yɛ e ´nyɛn i-ɔ?»

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Matthieu 6:21

Afin lika nga wɔ anwlɛn su ninnge'n wo lɛ'n, lɛ yɛ wɔ akunndan'n wo-ɔ.»

JÉSUS-CHRIST I DYASIN FE'N BO LUC KLELI'N 14:33

I sɔ'n ti, amun nun sran kwlaa nga ɔ'a yaci-mɛn i ninnge'n kwlaa'n, ɔ su kwla yo-man n sɔnnzɔnfuɛ.»

Jean 6:35

Jésus seli be kɛ: «M bɔbɔ n ti kpaun b'ɔ man nguan. Sran ng'ɔ ba ń sin'n, awe su kun-mɛn i le, yɛ sran ng'ɔ lafi n su'n, nzue we su kun-mɛn i kun.

Rɔmfuɛ Mun 15:4

Ndɛ nga be klɛli be laa'n, be klɛli i kwlaa sɔ'n kɛ be ´fa kle e ngwlɛlɛ nan Nyanmiɛn fɛ i ndɛ sɔ'n wla e fanngan, nan e tra ye anwlɛn e fa é wla'n guɛ i su.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Hébreu 10:34

Afin an wun bisuafuɛ'm be aunnvuɛ. Kɛ sran'm be ´de amun ninnge mun amún sa nun'n, amun nin be a kpli-man, sanngɛ amun klun jɔli su, afin an si kɛ an lɛ ninnge wie bɔ be ti kpa tra nga lɛ'n, bɔ be ´ka lɛ tititi.

Sa nglô yile 3:18

I sɔ'n ti, n ´kan kle amun kɛ sika ɔkwlɛ bɔ b'a klo i'n wo ń sa nun, an `to nan an yo anyanbeunfuɛ. Yɛ an `to tralɛ ufue fa wla amun wun nan b'a wun-man kɛ amún wun ti kplɛn nan amún nyin a gua-man ase. An `to ayre fa kpɛ amún nyin su nan an wun ase.