Matthieu 12:50 - NYANMIƐN NDƐ'N 1998

⁵⁰ Afin sran ng'ɔ yo n Si b'ɔ o nyanmiɛn su lɔ'n i klun sa'n, i yɛ ɔ ti min niaan bian, nin min niaan bla, ɔ nin min nin nin-ɔn.»

Nyanmien nde Ufle

⁵⁰ Afin swran ng'o yô n Si b'o ô nyanmien su lo'n i klun sa'n, i ye o ti min niaan bian, nin min niaan bla, nin min nin nion.

Matthieu 12:50 ပူးပေါင်းရင်းမြစ်များ

Jue Mun 22:22

De min asɔmɔli'n i nuan nun. De min, nán awɛ sɔ'm be fa be wɛ'n be yo min like.

Ngɔjue Fɛfɛ Kpa'n 4:12

Min niaan bla, min yi, a ti kɛ wunmiɛn delɛ lika kun bɔ i wun ti sisiwa'n sa. A ti kɛ nzue ti kun bɔ i wun ti sisiwa'n sa. Yɛ a ti kɛ nzue b'ɔ fin like nun fite, bɔ i anuan'n nun ti towa'n sa.

Matthieu 12:49

Kpɛkuun ɔ tinngɛli i sa i sɔnnzɔnfuɛ'm bé wun, yɛ ɔ seli kɛ: «Nian, min nin nin min niaan mun yɛ.

Matthieu 13:1

Le kunngba sɔ'n, Jésus fin awlo lɔ fiteli, ɔ wa trannin fɛtɛ'n nuan lɛ.

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:45

Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

Matthieu 28:10

Yɛ Jésus seli be kɛ: «Nán srɛ kun amun, an `wɔ ko se n niaan'm be kɛ be wɔ Galile lɔ, lɔ yɛ be ´wun min-ɔn.»

Marc 3:35

Sran ng'ɔ yo Nyanmiɛn klun sa'n, i yɛ ɔ ti min niaan bian, nin min niaan bla, nin min nin nin-ɔn.»

JÉSUS-CHRIST I DYASIN FE'N BO LUC KLELI'N 8:21

Ɔ seli be kɛ: «Min nin nin min niaan mun yɛlɛ be nga be ti Nyanmiɛn ndɛ'n bɔ be fa su'n.»

Jean 15:14

Sɛ an fa min ndɛ'n su'n, an ti n janvuɛ.

Jean 20:17

Yɛ Jésus seli i kɛ: «Nán kan min, afin n nian fu-man min Si wun lɔ ka. Sanngɛ kɔ min niaan'm be sin ko se be kɛ n ´fu kɔ min nin amun e Si'n b'ɔ ti min nin amun e Nyanmiɛn'n i wun lɔ.»

Jean 6:29

Jésus seli be kɛ: «Like nga Nyanmiɛn klo kɛ an yo'n yɛlɛ nga: i waan an `lafi sran b'ɔ sunmɛnnin i'n su.»

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Sa nga bé yôli'n 17:30

I nun bɔ sran'm be wun-man sa wlɛ'n, sa nga be yoli'n, Nyanmiɛn a fa sie-mɛn i klun, sanngɛ siɛn'n, ɔ kan kleli be kwlaa kɛ be kaci be nzuɛn'n.

Sa nga bé yôli'n 26:20

N dun mmua kan ndɛ kleli Damasfuɛ mun, i sin n kan wie n kleli Zerizalɛmfuɛ mun. N kannin wie Zide mɛn wunmuan'n nun yɛ n kan wie n kleli be nga be ti-man Zuif'n kɛ be `kaci be nzuɛn'n nan be `sa be sin Nyanmiɛn wun yɛ be `yo sa b'ɔ kle kɛ b'a kaci be nzuɛn'n.

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

1 Korɛntfuɛ Mun 9:5

?Sɛ e ja bla bɔ be ti Kristfuɛ'n nan e fa be kɔ kɛ be bɔ Jésus sunmannin be'n be nin e Min'n i niaan mun nin Sefas be liɛ'n sa'n, ɔ ti-mɛn i su?

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Galasifuɛ Mun 6:15

Sɛ be wla klɛn o, sɛ b'a wla-man klɛn o, nɛ́n i li yɛ be nian-an, nga be nian'n yɛlɛ uflɛ bɔ Nyanmiɛn bo ye'n.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.

1 Timote 5:2

bu bla kpɛnngbɛn mun ɔ nin, bu talua mun ɔ niaan sa'n kwlaa nun.

Hébreu 5:9

Kɛ ɔ yoli sran wafa nga Nyanmiɛn klo kɛ ɔ `yo'n, ɔ man be kwlaa nga bé nyin yi i'n, be ´nyan bé ti mlɔnmlɔn,

1 Piɛr 4:2

Afin Kristfuɛ ng'ɔ wun nyrɛnnɛn'n, wuun ɔ nin sa tɛ'n b'a bu. Ɔ man cɛn nga an tɛ di i asiɛ'n su wa'n, an `fa yo Nyanmiɛn klun sa, nán an yo klɔ sran klun sa kun.

1 Jean 2:17

Mɛn'n nin i nun ninnge kwlaa bɔ sran nyin blo su'n, be ´wie, sanngɛ sran ng'ɔ yo Nyanmiɛn klun sa'n, ɔ ´ka lɛ tititi.

Sa nglô yile 22:14

Be nga be kpuli be tralɛ'n, b'ɔ man be kwla di waka ng'ɔ man nguan'n i mma'n, bɔ be kwla sin klɔ'n i anuan nun'n, be liɛ su ti ye !