Matthieu 12:39 - NYANMIƐN NDƐ'N 1998

³⁹ Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.

Nyanmien nde Ufle

³⁹ Ye o sé bé ke: Adyulisufue tete bo bé ti ke bla b'o kunnde bian i wun bô sa Nyanmien nyrun'n, bé klô ke bé yi atre klé bé. Bé su yi'a atre fi klé'a bé, san Nyanmien nuan idyofue Jonas i lie'n tye.

Matthieu 12:39 ပူးပေါင်းရင်းမြစ်များ

2 Famiɛn Mun 14:25

Izraɛl nvle'n nun lika nga be kpɔfuɛ'm be fali'n, b'ɔ fɛ i Amat wun lɛ lele fa ju jenvie b'ɔ ti njin nzue klakla'n i nuan'n, Zeroboam deli i ngba. Ɔ man ndɛ nga Anannganman b'ɔ ti Izraɛl Nyanmiɛn'n fa wlali Zonas b'ɔ ti i sufuɛ'n i nuan kɛ ɔ kan'n, ndɛ sɔ'n kpɛnnin su. Zonas fin Gat-Efɛr, i si yɛlɛ Amitai.

Ezai 57:3

Amun bɔ amun ti bla'n b'ɔ yi wunnzue'n i mma mun'n, amun bɔ amun kunndɛ bla nin bian amún yi nin amún wun'm be bo'n, amun bɔ amun bo tekle'n, amun `wunnge wa.

Zonas 1:1

Cɛn kun Anannganman kannin ndɛ yɛ'n kleli Amitai i wa Zonas. Ɔ seli i kɛ:

Matthieu 16:4

Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.

Marc 8:12

Jésus deli wunmiɛn kaklaka kun, nan ɔ'a se kɛ: «?Nguɛ ti yɛ ajulisufuɛ nga'm be kunndɛ atrɛ-ɔ? Nanwlɛ, be su yi-man atrɛ fi kle-man be.»

Marc 8:38

Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.