Matthieu 12:28 - NYANMIƐN NDƐ'N 1998

²⁸ Sanngɛ sɛ Nyanmiɛn Wawɛ'n i dunman nun yɛ n fuan asiɛ usu mun'n, wuun kannzu Nyanmiɛn i sielɛ'n ɔ'a to amun wa.

Nyanmien nde Ufle

²⁸ Sannge se Nyanmien Wawe'n i dunman nun ye n fuan asie usu mun'n, wuun Nyanmien siéle'n wa tô amun wa.

Matthieu 12:28 ပူးပေါင်းရင်းမြစ်များ

Daniɛl 2:44

Famiɛn sɔ'm be blɛ su'n, Nyanmiɛn b'ɔ o nglo lɔ'n ɔ ´sie famiɛn diwlɛ kun b'ɔ su saci-man le, yɛ mɛn uflɛ su sie-mɛn i le. Famiɛn diwlɛ sɔ'n ɔ ´nunnun famiɛn diwlɛ kun nga mun, kpɛkuun i bɔbɔ ɔ ´ka lɛ tititi .

Daniɛl 7:14

Be fali kwlalɛ'n be mɛnnin, be mɛnmɛnnin i, yɛ be fali famiɛn diwlɛ'n be wlɛli i sa nun. Nvle-nvle'n kwlaa nin mɛnmɛn'n kwlaa be nunfuɛ mun bɔ be kan aniɛn wafa-wafa'n kwlaa'n, be suli i. I kwlalɛ sɔ'n ɔ ´tran lɛ tititi, i blɛ'n su sin-man le, yɛ i sielɛ'n su nunnun-man le .»

Matthieu 12:18

«Amun nian, n sran bɔ n fɛli i kɛ ɔ su min'n yɛ. Ɔ ti min anwlɛn su sran, i su yɛ m'an fa ń wla'n kwlaa m'an gua-a. N ´yo man n Wawɛ'n ´bɛ i wun, yɛ ɔ ´bo jɔlɛ dilɛ'n su kle nvle-nvle mun.

Matthieu 12:29

?Yɛ kusu, sɛ sran kun dun-man mmua ci-man sran wunmiɛnfuɛ'n, ɔ ´yo sɛ yɛ ɔ ´kwla wlu i awlo'n nun fɛn i bo ninnge mun-ɔn? San ɔ ´ci sran sɔ'n, nan ɔ'a kwla fɛn i bo ninnge'n.

Matthieu 21:31

?Ba nnyɔn sɔ'n, onin yɛ ɔ yoli i si klun sa nin-ɔn?» Yɛ be waan: «Klikli nin-ɔn.» Yɛ Jésus seli be kɛ: «Nanwlɛ, gua bo sika defuɛ nin tekle mmla'm be ´dun mmua fa bé wun man Nyanmiɛn kɛ ɔ `sie be amun nyrun.

Matthieu 21:43

I sɔ'n ti, n ´kan kle amun kɛ, be wa de Nyanmiɛn famiɛn dilɛ'n amún sa nun, be ´fa man nvle uflɛ bɔ be wa yo sa kpa mɛn i'n. [

Matthieu 4:24

I dunman'n fuli Siri mɛn wunmuan'n nun. Be fali be kwlaa nga tukpacɛ fanunfanun o be wun'n bɔ be wunnɛn yo be ya'n, nin be bɔ asiɛ usu a saci be'n, nin ngbitiɛfuɛ mun, ɔ nin bubuwafuɛ mun blɛli i, nan ɔ'a yo be juejue.

Matthieu 6:33

An `dun mmua fa amún wun man Nyanmiɛn man ɔ sie amun, yɛ an `yo i klun sa'n, i sin ɔ wa fa ninnge sɔ'n kwlaa uka su man amun.

Marc 1:15

ɔ se kɛ: «Blɛ'n i nuan ɔ'a yia, yɛ Nyanmiɛn i sielɛ blɛ'n ɔ'a mantan. An `kaci amun nzuɛn'n yɛ an `lafi Nyanmiɛn i jasin fɛ'n su.»

Marc 11:10

Nyanmiɛn man famiɛn ng'ɔ ba e nannan David osu nun'n i famiɛn'n yo ye! Man Ozanna'n tɛ nyanmiɛn su lɔ!»

Marc 16:17

An `nian atrɛ nga be nga be lafi su'n be wa yi-ɔ: N dunman nun be ´fuan asiɛ usu mun, be ´ijɔ aniɛn uflɛ mun,

JÉSUS-CHRIST I DYASIN FE'N BO LUC KLELI'N 10:11

‹Amun bɔbɔ amun klɔ'n su ndutre b'ɔ wo é ja wun'n, e ´kpukpu guɛ i amún wun, sanngɛ man amun si kɛ Nyanmiɛn i sielɛ blɛ'n ɔ'a mantan.›

JÉSUS-CHRIST I DYASIN FE'N BO LUC KLELI'N 11:20

Sanngɛ sɛ Nyanmiɛn dunman nun yɛ n fuan asiɛ usu mun'n, wuun Nyanmiɛn sielɛ'n ɔ'a to amun wa.

JÉSUS-CHRIST I DYASIN FE'N BO LUC KLELI'N 16:16

Be dili Moiz mmla'n nin Nyanmiɛn nuan ijɔfuɛ'm be ndɛ'n su lele fa juli Zan blɛ su, i blɛ su yɛ be boli Nyanmiɛn sielɛ'n i jasin fɛ'n i kanlɛ bo-ɔ. Ɔ man sran'm be kwlaa be mian bé nyin kɛ be ´fa bé wun man Nyanmiɛn nan ɔ sie be.

JÉSUS-CHRIST I DYASIN FE'N BO LUC KLELI'N 9:2

Kɛ ɔ nin be wieli ngaliɛ sɔ'n di'n, ɔ seli be kɛ be ko kan Nyanmiɛn sielɛ'n i ndɛ nan be `jao tukpacɛfuɛ mun.

Sa nga bé yôli'n 10:38

Nyanmiɛn fɛli i Wawɛ'n mannin Jésus b'ɔ fin Nazarɛt'n, ɔ tinnin i, ɔ kɔ lika kwlaa ɔ yo sran'm be kpa, ɔ yo be kwlaa bɔ asiɛ usu'm bé si Satan'n kle be yalɛ'n be juejue, afin Nyanmiɛn jin i sin.

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

Hébreu 12:28

I sɔ'n ti, man e yo Nyanmiɛn mo, afin e ´nyan mɛn b'ɔ keje-man'n. Man e su Nyanmiɛn i wafa ng'ɔ jɔ i klun'n srolɛ bɔ e sro i'n nin sran bɔ e bu i'n ti,

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.