Matthieu 10:40 - NYANMIƐN NDƐ'N 1998

⁴⁰ «Sran ng'ɔ sɔ amun nun'n, wuun ɔ'a sɔ min nun, sran ng'ɔ sɔ min nun'n, wuun ɔ'a sɔ Nyanmiɛn b'ɔ sunmannin min'n i nun.

Nyanmien nde Ufle

⁴⁰ Swran ng'o so amun nun'n, wuun wa so min nun, swran ng'o so min nun'n, wuun wa so Nyanmien b'o sunmannin min'n i nun.

Matthieu 10:40 ပူးပေါင်းရင်းမြစ်များ

1 Famiɛn Mun 18:4

Blɛ nga famiɛn'n i yi Zezabɛl man be kunnin Anannganman i nuan ijɔfuɛ mun'n, Abdias fali be nun ya fiali. Ɔ fali ablenun fiali yɛbuɛ buɛ kun nun, yɛ ɔ fali ablenun fiali yɛbuɛ buɛ kun ekun nun. I bɔbɔ tali be, yɛ ɔ mannin be nzue nɔnwa.

Zeremi 39:17

Sanngɛ n ´de wɔ, be su tra-man wɔ wla-man be bɔ a sro be'n be sa nun. M bɔbɔ min Anannganman'n yɛ n kan sɔ-ɔ.

Matthieu 18:5

Yɛ sran ng'ɔ sɔ ba kaan kɛ nga sa nun n dunman nun'n, wuun min nun yɛ ɔ'a sɔ-ɔ.»

Matthieu 25:40

Yɛ m bɔ n ti famiɛn'n n ´se be kɛ: ‹Nanwlɛ, like kwlaa nga an yo mannin n niaan nga be yalɛ'n tra wie'm be liɛ'n be nun kun'n, wuun min yɛ an yo mannin min-ɔn .›

Matthieu 25:45

Yɛ n ´se be kɛ: ‹Nanwlɛ, sɛ amu'an yo-man like b'a man-man n niaan nga be yalɛ'n tra wie'm be liɛ'n be nun kun'n, wuun min yɛ amu'an yo-man a man-man min-ɔn.›

Marc 9:37

«Sran kwlaa ng'ɔ sɔ ba kaan kun kɛ nga sa nun n dunman nun'n, wuun ɔ'a sɔ m bɔbɔ min nun, yɛ sran kwlaa ng'ɔ sɔ min nun'n, nán min yɛ ɔ sɔ min nun-ɔn, sanngɛ sran ng'ɔ sunmannin min'n i nun yɛ ɔ'a sɔ-ɔ.»

JÉSUS-CHRIST I DYASIN FE'N BO LUC KLELI'N 10:16

Sran ng'ɔ fa amun ndɛ'n su'n, wuun min ndɛ'n su yɛ ɔ'a fa-a. Sanngɛ sran ng'ɔ sɔ-man amun nun'n, wuun ɔ'a sɔ-man min nun, yɛ sran ng'ɔ sɔ-man min nun'n, wuun ɔ'a sɔ-man sran ng'ɔ sunmannin min'n, i nun.»

JÉSUS-CHRIST I DYASIN FE'N BO LUC KLELI'N 9:48

«Sran ng'ɔ sɔ bakan nga nun n dunman nun'n, wuun m bɔbɔ min yɛ ɔ'a sɔ min nun-ɔn, yɛ sran ng'ɔ sɔ min nun'n, wuun sran b'ɔ sunmannin min'n i nun yɛ ɔ'a sɔ-ɔ. Afin sran ng'ɔ ti amun kwlaa amun nun kaan'n, i sɔfuɛ'n yɛ ɔ ti dan-an.»

Jean 13:20

Nanwlɛ, sran ng'ɔ ko sɔ sran nga n sunmɛnnin i nun'n, wuun ɔ'a sɔ min nun, yɛ sran ng'ɔ sɔ min nun'n, ɔ'a sɔ sran ng'ɔ sunmannin min'n i nun.

Jean 20:21

Yɛ ɔ seli be ekun kɛ: «Man amun wun jɔ amun fɔuun! Kɛ n Si fa sunmannin min'n, n kusu n ´fa sunman amun sɔ.»

Jean 5:23

nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

2 Korɛntfuɛ Mun 5:20

Ɔ man e ti Krist i ja nun jranfuɛ, ndɛ nga Nyanmiɛn klo kɛ ɔ ´kan kle amun'n, i bɔbɔ fa wla é nuan, ɔ man e ´srɛ amun Krist dunman nun, man Nyanmiɛn siesie amun nin i bɔbɔ amun afiɛn.

Galasifuɛ Mun 4:14

An fɛli dan min wunnɛn b'ɔ yoli n ya'n ti, sanngɛ m'an yo-man amun kain, amu'an yi-man min blo, an sɔli min nun kɛ Nyanmiɛn i anz sa annzɛ kɛ Krist-Jésus bɔbɔ sa.

1 Tɛsalonikfuɛ Mun 4:8

I sɔ'n ti, sran ng'ɔ fa-man ndɛ sɔ su'n, nán sran yɛ ɔ'a bu-mɛn i sran-an, Nyanmiɛn b'ɔ fɛli i Wawɛ'n mannin amun'n yɛ ɔ'a bu-mɛn i sran-an.

2 Jean 1:9

Sran nga ndɛ nga Krist kle'n ju-mɛn i'n, b'ɔ uka su'n, wuun ɔ si-man Nyanmiɛn, sanngɛ sran ng'ɔ fa like ng'ɔ kle su'n, ɔ si e Si'n nin i Wa'n.