Matthieu 10:15 - NYANMIƐN NDƐ'N 1998

¹⁵ Nanwlɛ, jɔlɛ dilɛ cɛn'n nun'n, Sodɔmfuɛ mun nin Gomɔrfuɛ'm be nyrɛnnɛn liɛ'n ɔ ´yo sɔsɔ tra klɔ sɔ'm be liɛ'n.»

Nyanmien nde Ufle

¹⁵ Nanwle, dyole dile tyen'n nun Sodome nin Gomorrhefue'm bé nyrennen lie'n oh yôh soso tra klo so'm bé lie'n.

Matthieu 10:15 ပူးပေါင်းရင်းမြစ်များ

Matthieu 12:36

N ´kan kle amun kɛ, jɔlɛ dilɛ cɛn nun'n, ndɛ ngbɛn kwlaa bɔ sran'm be kannin'n, be bɔbɔ yɛ be ´kan bé su ndɛ-ɔ.

Matthieu 5:18

Afin nanwlɛ, n kan kle amun kɛ be su nunnun-man mmla'n i nun fluwa mma kaan kun annzɛ i nun ndɛ kaan kun lele san kɛ nglo'n nin asiɛ'n be nun-man lɛ kun'n. San i kwlaa sɔ'n ɔ ´kpɛn su.

Matthieu 7:22

Jɔlɛ dilɛ cɛn nun'n, sran kpanngban kpa be wa usa n kɛ: ‹?Nannan, Nannan, ɔ dunman nun y'a kan-man Nyanmiɛn ndɛ? ?Ɔ dunman nun y'a fuan-man asiɛ usu? ?Yɛ ɔ dunman nun y'a yo-man sa kekleekle mun?›

Marc 6:11

Sɛ an ju lika wie nan b'a sike-man amun'n, bɔ be tie-man amun ndɛ'n, kɛ amun ´tu an bo klɔ sɔ'n su'n, an `kpukpu amún ja wun ndutre'n guɛ i lɛ, ɔ ´yo amun lalofuɛ .»

Jean 12:48

Sran ng'ɔ sɔ-man min nun b'ɔ fa-man min ndɛ'n su'n, sran ng'ɔ nin i be ´di jɔlɛ'n wo lɛ. Ndɛ nga n kannin'n su yɛ be wa jran bu i fɔ mɛn'n i awieliɛ-ɔ.

Jean 6:39

An `nian, sran ng'ɔ sunmannin min'n, i like nga i waan n yo'n yɛ: sran ng'ɔ fa be mannin min'n be kwlaa'n, i waan nán m mlin be nun kun sa, sanngɛ n cɛn be mɛn'n i awieliɛ.

Jean 6:40

An `nian, like nga n Si waan sran'm be nyɛn i'n yɛ: i waan sran kwlaa ng'ɔ wun i Wa'n b'ɔ lafi i su'n, ɔ ´nyan Anannganman nguan. Yɛ n ´cɛn i mɛn'n i awieliɛ.»

Sa nga bé yôli'n 17:31

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

1 Korɛntfuɛ Mun 3:13

like nga sran kun yoli'n be wa wun i. Afin jɔlɛ dilɛ cɛn'n nun'n, sin'n man ɔ ´fite nglo, yɛ like nga sran kun yoli'n be ´fa sin gua su nian.

1 Tɛsalonikfuɛ Mun 5:4

Sanngɛ amun liɛ'n, aniaan mun, an ti-man kɛ sran b'ɔ o aosin nun'n sa, i sɔ'n ti, nán man cɛn sɔ'n fu amun nun kɛ awiefuɛ'n fu sran nun'n sa.

Hébreu 10:25

Nán man e yaci yialɛ'n kɛ sran wie'm be yo'n sa. Sanngɛ man e yia e tu é wun fɔ. Siɛn'n bɔ an wun kɛ e Min'n i cɛn'n su mantan'n, an `yo i sɔ tra su.

2 Piɛr 2:6

Ɔ seli kɛ ɔ ´nunnun Sodɔm klɔ'n nin Gomɔr klɔ'n mlɔnmlɔn, yɛ ɔ fa sin guali bé su nunnunnin be. Ɔ yo i sɔ fa kleli be nga be sro-mɛn i'n kɛ kɛ be liɛ'n ɔ wa yo sɔ-ɔ .

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 3:7

Nyanmiɛn kunngba'n yɛ ɔ seli ekun kɛ man be sie nyanmiɛn su lɔ'n nin asiɛ nga be o lɛ ndɛ'n, be lɛ man sin di be. Be ´sie be lɛ lele ´fa ju cɛn nga be ´bu sran nga be sro-man Nyanmiɛn'n be fɔ bɔ be ´saci be'n.

1 Jean 4:17

Kɛ e klolɛ nga e fa klo Nyanmiɛn'n i nyin fiteli weiin'n, ɔ man e si kɛ jɔlɛ dilɛ cɛn'n nun é wla'n ´gua ase. Afin kɛ ɔ fa ti'n, kɛ e kusu e ti sɔ mɛn'n nun-ɔn.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.

Jude 1:7

I kunngba nin-ɔn, Sodɔm, nin Gomɔr, ɔ nin klɔklɔ nga be mantan-mantan be lɛ'n be nunfuɛ'm be ti kɛ anz sɔ'm be sa. Be fa bé wun wlali tekle bolɛ'n nun, yɛ yasua'm be kunndɛ be wiengu yasua. I nuan like nga be nyɛnnin i'n yɛlɛ nyrɛnnɛn nga be wunnin i sin b'ɔ nuan-man mlɔnmlɔn'n nun'n. Nyanmiɛn yoli i sɔ nan sran'm be kwlaa be `fa tu bé wun fɔ .