Marc 9:9 - NYANMIƐN NDƐ'N 1998

⁹ Kɛ be fin oka'n su lɔ be ´jra'n, Jésus wlali bé su nun kpa kɛ nán man be kan like nga be wunnin i'n kle sran fi lele san i b'ɔ kacili Sran'n ɔ'a wu ɔ'a cɛn.

Nyanmien nde Ufle

⁹ Ke bé fin ôka'n su lo béh dyrah'n, Jésus wlaa bé su nun kpa ke, nanh man bé kan liké nga bé wunniin'n klé swran fi, lélé san i b'o katyii Swran'n wa wu wa tyen.

Marc 9:9 ပူးပေါင်းရင်းမြစ်များ

Matthieu 12:19

Ɔ su si-man akplowa, ɔ su kpan-man. Yɛ sran fi su ti-mɛn i nɛn klɔ nun atin'm be nun.

Matthieu 12:40

Afin kɛ Zonas dili le nsan jue dan'n i klun'n i kunngba nin-ɔn, m bɔ n kacili Sran'n, n kusu n ´di le nsan asiɛ'n bo .

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 27:63

«Nannan, é wla kpɛn ndɛ kun bɔ kɛ bian gblɛfuɛ dan sɔ'n i nyin o su'n ɔ kannin'n su, i waan sɛ be kun i nan ɔ di le nsan'n, ɔ ´cɛn.

Matthieu 8:4

Yɛ Jésus seli i kɛ: «Man sa sɔ'n tran ɔ klun, nán kan kle sran fi, sanngɛ fa ɔ́ wun ko kle Nyanmiɛn nyrun jranfuɛ'n, nan fa ɔ́ wun aso bolɛ like nga Moiz kleli'n fa man, man be wun kɛ w'a yo juejue .»

Marc 5:43

Jésus wlali bé su nun kpa kɛ nán man sran fi ti sa sɔ'n, yɛ ɔ seli be kɛ be man talua'n i like man ɔ di.

Marc 7:36

Jésus wlali bé su nun kpa kɛ nán man be kan ndɛ sɔ'n kle sran fi, sanngɛ kɛ ɔ wlali bé su nun sɔ'n, i li bɔ yɛ ɔ kle be kɛ be kan-an.

Marc 9:10

Be fali sa sɔ'n su nan b'a usa bé wun kɛ: «?Cɛnlɛ sɔ'n i bo yɛlɛ onin?»

Marc 9:8

Kpɛkuun i sɔnnzɔnfuɛ'm be nian-niannin bé wun lɛ, b'a wun-man sran fi kun, san Jésus kunngba cɛ yɛ ɔ nin be o lɛ-ɔ.

JÉSUS-CHRIST I DYASIN FE'N BO LUC KLELI'N 24:46

Nan ɔ'a se be kɛ: «Ndɛ sɔ'n be klɛli i kɛ: Krist ´wun nyrɛnnɛn yɛ i le nsan su ɔ ´cɛn .

JÉSUS-CHRIST I DYASIN FE'N BO LUC KLELI'N 9:36

Kɛ be tili sran nɛn sɔ'n, be ´nian-an, Jésus kunngba cɛ yɛ ɔ o lɛ-ɔ. I sɔnnzɔnfuɛ'm b'a bo-man like nga be wunnin i'n i wie fi su a kle-man sran fi blɛ sɔ'n nun.