I kasiɛn su'n, kɛ i sɔnnzɔnfuɛ blu-nin-kun'm be wo aliɛ'n sin'n, ɔ fɛli i wun kleli be nan ɔ'a ijɔ be i su bɔ be lafi-man'n, nin ketelɛ bɔ b'a kete bɔ b'a fa-man be nga be wunnin i kɛ ɔ cɛnnin'n be ndɛ'n su'n ti.
Sanngɛ i sɔnnzɔnfuɛ'm b'a wun-man ndɛ sɔ'n i wlɛ, afin ɔ ti-man weiin be nyrun. Ɔ kɛn i sɔ nan nán be wun i wlɛ. Srɛ kun be ti b'a kwla usa-man ndɛ sɔ'n nun.
Kɛ ɔ ´yo sɔ'n, i sɔnnzɔnfuɛ'm be wun-man sa sɔ'n i wlɛ, sanngɛ kɛ Nyanmiɛn yili Jésus i sran wafa ng'ɔ ti'n i nglo'n, ɔ kpɛnnin be klun kɛ be klɛli i wun ndɛ'n nun kɛ be ´yo i sɔ, ɔ man kɛ be yoli i sɔ'n, ɔ kpɛnnin su.
Jésus wunnin i wlɛ kɛ be klo kɛ be ´usɛ i nun i ti ɔ usali be kɛ: «?Kɛ n se amun kɛ ɔ cɛ kan-an an su wun-man min kun, sanngɛ sɛ i sin cuɛn nun kan'n amun ´wun min ekun'n, i yɛ an usa-usa amún wun-ɔn?
Kɛ ɔ ´yo sɔ'n yɛ i sɔnnzɔnfuɛ'm be juli lɛ-ɔ. Kɛ be wunnin kɛ ɔ nin bla kun su ijɔ'n, ɔ boli bé nuan. Sanngɛ be nun kun sa ɔ'a usɛ-mɛn i kɛ: «?Nguɛ yɛ a kunndɛ i bla'n sa nun-ɔn?» Annzɛ: «?Nguɛ ndɛ yɛ a nin i be kan-an? »