Marc 9:31 - NYANMIƐN NDƐ'N 1998

³¹ afin kɛ ɔ ´kle i sɔnnzɔnfuɛ'm be like'n, ɔ seli be kɛ: «Be wa fa m bɔ n kacili Sran'n man sran mun, be ´kun min, kɛ n wu b'ɔ di le nsan'n, n ´cɛn.»

Nyanmien nde Ufle

³¹ afin, ke oh kléh i sonnzonfue'm bé liké'n o séé bé ke: Bé wa fa m bo n katyii Swran'n man swran mun, béh kunh min, ke n wu b'o di lé nsan'n, nh tyenh.

Marc 9:31 ပူးပေါင်းရင်းမြစ်များ

Matthieu 16:21

Kɛ ɔ fin cɛn sɔ'n nun'n, Jésus boli i sɔnnzɔnfuɛ'm be kan klelɛ bo kɛ, san ɔ ´kɔ Zerizalɛm ɔ ´wun nyrɛnnɛn dan kpɛnngbɛn mun, nin Nyanmiɛn nyrun jranfuɛ dandan mun, ɔ nin mmla klefuɛ'm bé sa nun nan be ´kun i, yɛ i le nsan su, ɔ ´cɛn.

Matthieu 20:28

M bɔ n kacili Sran'n kɛ m balɛ'n ɔ ti sɔ-ɔ, afin m'an ba-man kɛ be su min, sanngɛ m bali kɛ n ´su sran, nan n ´fa min wun kpɔ sran sunman bé ti.»

Matthieu 26:2

«An si kɛ ɔ ka le nnyɔn Delɛ-cɛn'n i dilɛ'n ´ju, be wa fa m bɔ n kacili Sran'n man sran mun kɛ be `bobo min waka'n su.»

Matthieu 27:63

«Nannan, é wla kpɛn ndɛ kun bɔ kɛ bian gblɛfuɛ dan sɔ'n i nyin o su'n ɔ kannin'n su, i waan sɛ be kun i nan ɔ di le nsan'n, ɔ ´cɛn.

Marc 10:34

be ´yo n finfin, be ´gua min wun ngɔsrɛ, be ´bo min nin ngble, yɛ be ´kun min, kɛ n di le nsan'n, n ´cɛn.»

Marc 8:31

Yɛ ɔ boli be kan klelɛ'n bo kɛ ɔ fata kɛ i b'ɔ kacili Sran'n ɔ wun nyrɛnnɛn dan, nan kpɛnngbɛn mun, nin Nyanmiɛn nyrun jranfuɛ dandan mun, nin mmla klefuɛ mun be ´yi i blo yɛ be ´kun i, sanngɛ i le nsan su'n, ɔ ´cɛn.

Marc 9:12

Ɔ tɛli be su kɛ: «Eli ´dun mmua ɔ wa yo ninnge'n kwlaa be uflɛ ekun. ?Yɛ ɔ yo sɛ ti yɛ be klɛ m bɔ n kacili Sran'n mín wun ndɛ kɛ m wa wun nyrɛnnɛn dan kpa nan be ´yo n finfin nin-ɔn ?

JÉSUS-CHRIST I DYASIN FE'N BO LUC KLELI'N 24:26

?B'a se-man kɛ Krist ´wun nyrɛnnɛn nan ɔ'a trɛn i bia'n su?»

JÉSUS-CHRIST I DYASIN FE'N BO LUC KLELI'N 9:44

«Amun liɛ'n, ndɛ nga m ma kɛn i yɛ'n, an `fa sie amun klun kpa. Be wa fa m bɔ n kacili Sran'n man sran mun.»

Jean 10:18

Sran fi kwla kpɛ-man min nguan'n i sin, m bɔbɔ n klun su yɛ n fa min wun man-an. N kwla fa min wun man, yɛ n kwla nyan nguan ekun. Afin i sɔ yɛ n Si kan kleli n kɛ n yo-ɔ.

Jean 2:19

Yɛ Jésus seli be kɛ: «Sɛ an saci Nyanmiɛn i sua nga'n, i le nsan su'n n ´kplɛn i ekun.»

Jean 3:14

Kɛ Moiz sieli wuo kun nglo aawlɛ flɛnnɛn nun lɔ'n , i kunngba'n, san be ´man m bɔ n kacili Sran'n n su sɔ

2 Timote 2:12

Sɛ e jran kekle'n, e nin i yɛ e ´di famiɛn nin-ɔn. Sɛ e se kɛ e si-mɛn i'n, i kusu wa se kɛ ɔ si-man ye.