Marc 9:24 - NYANMIƐN NDƐ'N 1998

²⁴ Kpɛkuun ba'n i si'n kpannin kɛ: «N lafi i su! Uka min i su bɔ n lafi-man kpa'n ti.»

Nyanmien nde Ufle

²⁴ Kpekuun ba'n i si'n kpaan ke: N lafi i su! Uka min i su bo n lafi'a kpa'n ti.

Marc 9:24 ပူးပေါင်းရင်းမြစ်များ

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

2 Famiɛn Mun 20:5

«Sa ɔ́ sin ko se Ezekias b'ɔ ti min nvle'n i su kpɛn'n kɛ: ‹Anannganman b'ɔ ti ɔ nannan David i Nyanmiɛn'n waan: N tili ɔ srɛwa'n, n wunnin ɔ nyinmuɛn'n, ɔ man i ti n wa yo wɔ juejue. Ainman sin'n a wa kɔ min sua'n nun lɔ.

Jue Mun 126:5

Be bɔ be ´lua like'n, wuun be sun'n, kɛ be ´kpɛ like bɔ be luali'n, be ´bo be sro aklunjuɛ'n ti.

Jue Mun 39:12

Sɛ sran yo sa tɛ'n, a mɛn i i nuan like a fa tu i fɔ. A saci ninnge ng'ɔ klo i'n kwlakwla kɛ kakaa'n ɔ saci waka mma'n sa. Sran'n ti kɛ aunngban sa.

Zeremi 14:17

«Se be kɛ yoo: ‹Mín nyinmuɛn'n bu kɔnguɛ nin wia nun. Nán ɔ yaci bulɛ le. Afin nyrɛnnɛn dan kpa ɔ'a tɔ min nvle'n bɔ sɛ ɔ ti bla-a, wuun n ´se kɛ ɔ nian si-man bian le'n su. Kannin ng'ɔ ɔ'a tu i'n ti-man blɛblɛ.

Marc 9:23

Yɛ Jésus seli i kɛ: «A se n kɛ, sɛ a kwla yo'n…nian, sran ng'ɔ lafi Nyanmiɛn su'n ɔ kwla sa'n kwla yo.»

Marc 9:25

Kɛ Jésus wunnin sran'm bɔ be wanndi ba'n, ɔ ijɔli asiɛ usu'n, ɔ seli i kɛ: «Asiɛ usu bɔ a yo man sran yo bobofuɛ nin sutrefuɛ'n, jao ba nga su, nán tɔ i su kun.»

JÉSUS-CHRIST I DYASIN FE'N BO LUC KLELI'N 17:5

Le kun be bɔ e Min'n sunmannin be'n be seli i kɛ: «Man e anwlɛn man e lafi Nyanmiɛn su kpa.»

JÉSUS-CHRIST I DYASIN FE'N BO LUC KLELI'N 7:38

Bla sɔ'n fa parfɛn albatri sɛ kun bali, ɔ jrannin Jésus i ja wun lɛ, ɔ sunnin, i nyinmuɛn'n guali Jésus i ja'n su, ɔ fɛ i ti ndrɛ'n nunnunnin, ɔ koto trɛli i ja'n yɛ ɔ fa parfɛn sɔ'n guɛli i ja wun.

JÉSUS-CHRIST I DYASIN FE'N BO LUC KLELI'N 7:44

I sin ɔ kpɛli i nyin bla'n wun lɔ nan ɔ'a se Simɔn kɛ: «?A wun bla nga? Kɛ n wluli wɔ awlo wa'n, w'a man-man min nzue kɛ n fa wunnzin n ja, sanngɛ bla nga ɔ fɛ i nyinmuɛn'n guali n ja'n su, yɛ ɔ fɛ i ti ndrɛ'n nunnunnin.

Sa nga bé yôli'n 10:19

Kɛ Piɛr su bu aolia nun like sɔ'n i akunndan'n, Nyanmiɛn Wawɛ'n seli i kɛ:

Sa nga bé yôli'n 10:31

Ɔ seli n kɛ: ‹Kɔrnɛyi, ɔ like bɔ a srɛ Nyanmiɛn'n, ɔ tili, yɛ ye bɔ a yo yalɛfuɛ mun'n, i wla o su.

2 Korɛntfuɛ Mun 2:4

Kɛ n ´klɛ amun fluwa sɔ'n, ń wla ti bowa dan kpa, min anwlɛn'n kpɛ n klun, yɛ min nyinmuɛn gua. Nán amún wla bolɛ ti yɛ n klɛli-ɔ, sanngɛ n yo i sɔ nan an si klolɛ dan nga n fa klo amun'n.

Efɛzfuɛ Mun 2:8

Afin Nyanmiɛn i ye b'ɔ yoli amun'n ti ɔ man amu'an nyan amún ti i su bɔ an lafi'n ti. Amún ti nyanlɛ sɔ'n, ɔ fin-man amun bɔbɔ, Nyanmiɛn yɛ man an nyannin amún ti-ɔ.

Filipfuɛ Mun 1:29

afin nán Krist sulafilɛ ngunmin yɛ Nyanmiɛn man amun lafi-ɔ, sanngɛ ɔ man amun wun nyrɛnnɛn i dunman nun ekun.

2 Tɛsalonikfuɛ Mun 1:11

I sɔ'n ti, e srɛ e Nyanmiɛn'n titi kɛ ɔ jran amun sin nan kɛ ɔ wun amun'n, ɔ wun kɛ flɛlɛ ng'ɔ flɛli amun'n ɔ ti kpa. Man Nyanmiɛn man sa kpa nga an klo kɛ amun ´yo'n, nin sa nga an lafi su kɛ ɔ ´yo'n, ɔ yo ye.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

2 Timote 1:4

afin kɛ m ´bu ɔ nyinmuɛn b'ɔ guali'n i akunndan'n, min wla lo wɔ kpa, sɛ n wun wɔ-ɔ ɔ ´yo n fɛ.

Hébreu 12:17

An si kɛ kɛ ɔ yoli sɔ'n, i sin i waan i si yrɛ i nguan, sanngɛ ɔ'a kplin-man su. Ɔ sunnin bɔ lele, sanngɛ ɔ'a wun-mɛn i wafa nga ɔ ´yo nan ɔ'a kaci ndɛ ng'ɔ kannin nin-ɔn .

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 5:7

Kɛ Krist sɔ'n wo asiɛ'n su wa'n, ɔ kpannin, i nyinmuɛn guali nan ɔ'a srɛ Nyanmiɛn b'ɔ kwla de i wie'n nun'n kɛ ɔ niɛn i su, ɔ jrannin su kpa. I nyin b'ɔ yi Nyanmiɛn'n ti ɔ tili.