Marc 8:38 - NYANMIƐN NDƐ'N 1998

³⁸ Nyanmiɛn nyrun'n, ajulisufuɛ tɛtɛ nga'm be ti kɛ bla b'ɔ kunndɛ bian i wun bo sa. Sran kwlaa nga be o be nun, nyannzuɛn kun be min nin min ndɛ'n ti. Kɛ m bɔ n kacili Sran'n min nin Nyanmiɛn i anz mun e ´ba n Si i dunman nun'n, bɔ be ´wun kɛ i nyrun ti nyannyan ɔ yo sro'n, nyannzuɛn wa kun min kusu be ti.

Nyanmien nde Ufle

³⁸ Adyulisufue tete nga'm bé ti ke bla b'o kunnde bian i wun bô sa Nyanmien nyrun. Wié ô bé nun nyannzuen kun bé min nin min nde'n ti. Ke m bo n katyii Swran'n min nin Nyanmien i ange mun éh bah n Si i dunman nun, bo béh wunh ke i nyrun ti nyannyan o yô srô'n, nyannzuen wa kun n kusu bé ti.

Marc 8:38 ပူးပေါင်းရင်းမြစ်များ

Daniɛl 7:10

Sin kun fin sran oke'n i nyrun lɛ, ɔ nyrɛn kɛ nzue ba dan wie sa, kpɛkuun ɔ sonji. Sran akpi sɔ lele akpi be su i. Yɛ sran akpingbin be jinjin i nyrun lɛ. Yɛ jɔlɛ difuɛ'm be trannin ase nan b'a tike fluwa'm be su .

Daniɛl 7:13

Aolia nun'n, n tɛ o lɛ n tɛ nian. Kpɛkuun n wunnin like kun b'ɔ fa klɔ sran. Ɔ fin nyanmiɛn ble'n nun su jra. Ɔ ɔli bian oke'n i wun lɔ, nan b'a fɛ i b'a wunnge lɔ.

Zakari 14:5

Kpɛkuun amun ´wanndi be ´sin oka bue nnyɔn sɔ'm be afiɛn kongo'n nun. Kongo sɔ'n fɛ i lele kpɛn Atzɛl. Amun ´wanndi kɛ Zida famiɛn Ozias blɛ su asiɛ b'ɔ kejeli bɔ amun nannan'm be fa wanndili'n sa. Kpɛkuun Anannganman min Nyanmiɛn'n ɔ ´ba, ɔ nin i anz'm be kwlaa yɛ be ´ba-a .

Matthieu 12:39

Yɛ ɔ seli be kɛ: «Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be klo kɛ be `yi atrɛ kle be. Be su yi-man atrɛ fi kle-man be san Nyanmiɛn nuan ijɔfuɛ Zonas liɛ'n cɛ.

Matthieu 13:41

M bɔ n kacili Sran'n, n ´sunman min anz mun kɛ be wa yi be kwlaa nga be saci sran'm be ti nun'n nin be bɔ be bo tete'n min mɛn'n nun

Matthieu 16:27

M bɔ n kacili Sran'n min nin n Si i anz mun e ´ba i dunman nun, be ´wun kɛ i nyrun ti nyannyan ɔ yo sro, yɛ kɛ sran kun i nyoliɛ'n ti ju'n, m ´mɛn i nuan like .

Matthieu 16:28

Nanwlɛ, be nga be o wa yɛ'n, nán be ngba yɛ wie'n ´kun be nan b'a wun kɛ m bɔ n kacili Sran'n n su ba m ma di n famiɛn nin-ɔn.

Matthieu 16:4

Ajulisufuɛ tɛtɛ bɔ be ti kɛ bla b'ɔ kunndɛ bian i wun bo sa Nyanmiɛn nyrun'n, be waan be yi atrɛ kle be. Be su yi-man atrɛ fi kle-man be, san Zonas liɛ'n cɛ yɛ be ´yi-ɔ .» I sin ɔ yaci be lɛ ɔli.

Matthieu 24:30

Yɛ nzɔliɛ ng'ɔ kle kɛ m bɔ n kacili Sran'n n su ba'n, ɔ ´fite nyanmiɛn su lɔ, nvle-nvle'n kwlaa be ´bo awuyomo, be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, kɛ ɔ ´yo sɔ'n, min nyrun o ´yo nyannyan yɛ ɔ ´yo sro .

Matthieu 25:31

«M bɔ n kacili Sran'n bɔ min nyrun ti nyannyan ɔ yo sro'n, kɛ min nin min anz'm be kwlaa e ba'n, n ´yi n famiɛn'n nglo n ´tran m bia'n su.

Matthieu 26:64

Yɛ Jésus seli i kɛ: «Yɛ ɔ́ nuan o su lɛ-ɔ. N ´kan kle amun ekun kɛ, kɛ ɔ fin ndɛ'n, amun wa wun m bɔ n kacili Sran'n kɛ n ti Nyanmiɛn i fama su yɛ n wo nyanmiɛn ble'n su n su ba .»

Matthieu 8:20

Jésus seli i kɛ: «Solongbi'm be lɛ kunman be la nun, yɛ anunman'm bɔ be tu sin'n be lɛ lawlɛ, sanngɛ m bɔ n kacili Sran'n, n lɛ-man lika bɔ n la nun n de wunmiɛn bɔ kan-an.»

Marc 13:26

I sin be ´wun m bɔ n kacili Sran'n kɛ n wo nyanmiɛn ble'n su n su ba. M ´ba yasua su, min nyrun nyannyan ɔ yo sro.

Marc 14:62

Yɛ Jésus seli i kɛ: «Ɛɛn, yɛlɛ min. Amun wa wun m bɔ n kacili Sran'n kɛ n ti Nyanmiɛn i fama su, yɛ amun ´wun min n wo nyanmiɛn ble'n su n su ba .»

Marc 8:37

?Nguɛ yɛ sran kun kwla fa to i nguan nin-ɔn?

JÉSUS-CHRIST I DYASIN FE'N BO LUC KLELI'N 19:26

Yɛ ɔ seli be kɛ: ‹Sran ng'ɔ lɛ like'n yɛ be ´mɛn i wie-ɔ, sanngɛ sran ng'ɔ lɛ-man like'n, kaan ng'ɔ o i sa nun'n, be ´de.

JÉSUS-CHRIST I DYASIN FE'N BO LUC KLELI'N 9:26

M bɔ n kacili Sran'n m ´ba, sran'm be ´wun kɛ min nin min Si nin min Si i anz mun e nyrun'n ti nyannyan ɔ yo sro. Sran nga bɔ min nin min ndɛ'n ti nyannzuɛn kun i'n, kɛ m ´ba sɔ'n, nyannzuɛn ɔ'a kun min sran sɔ'n ti.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:51

Nanwlɛ, an wa wun nyanmiɛn su lɔ kɛ ɔ ti tikewa, yɛ amun ´wun Nyanmiɛn i anz mun bɔ be fu be jra m bɔ n kacili Sran'n n su .»

Jean 12:34

Sran'm be usɛli i kɛ: «E kɛnngɛn i mmla'n nun kɛ Krist su wu-man mlɔnmlɔn. ?Sɛ ɔ ti sɔ'n, ɔ yo sɛ yɛ man a se kɛ san be ´man i b'ɔ kacili Sran'n i su nin-ɔn? ?Sran b'ɔ kacili sɔ'n yɛlɛ wan ?»

Jean 5:27

Yɛ ɔ fa jɔlɛ dilɛ'n wlɛli i Wa'n sa nun, afin i yɛ ɔ kacili Sran-an.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 1:16

Nyannzuɛn kun-man min Jasin fɛ'n bolɛ nun. Afin i yɛ ɔ ti fanngan nga Nyanmiɛn fa de sran nga be lafi i su'm be kwlaa-a, Zuif'm be yɛ be ti klikli-ɔ, i sin be nga mun.

Galasifuɛ Mun 6:14

N liɛ'n, n su fa-man like fi di-man min nuan mlɔnmlɔn san e Min Jésus-Krist i waka'n, i waka sɔ'n ti n ti kɛ sran bɔ ɔ'a wu b'ɔ nin mɛn'n ɔ'a bu'n sa, yɛ mɛn'n kusu ti kɛ sran bɔ ɔ'a wu b'ɔ nin min a bu'n sa.

Mmla'n 33:2

«Anannganman fin Sinai oka'n su lɔ bali. Ɔ fin Seir lɔ jasoli kɛ wia'n sa. Kɛ ɔ o Paran oka'n su lɔ'n, ɔ kpaja weiin i sran'm be su. Kɛ ɔ ´fin lɔ ´ba'n, ɔ nin anz kpanngban yɛ be bali-ɔ. Mmla b'ɔ fa blɛ be'n ɔ jue kɛ sin sa, ɔ o i sa fama nun.

1 Tɛsalonikfuɛ Mun 2:19

?Sɛ e Min Jésus ´ba bɔ e ´jrɛn i nyrun'n, nzu su yɛ e ´fa é wla gua-a? ?Nguɛ yɛ man e klun ´jɔ-ɔ? ?Nzu yɛ ɔ kle kɛ e kwlali bɔ e ´fa di e nuan-an? ?Nán amun-ɔn?

1 Tɛsalonikfuɛ Mun 3:13

Kɛ ɔ ko yo sɔ'n, ɔ man amun ´nyan anwlɛn, yɛ kɛ e Min Jésus nin i sran'm be kwlaa be ´ba'n, e Si Nyanmiɛn ´wun kɛ an ti i liɛ klonglonglo bɔ be kwla saci-man amun wun kaan sa!

2 Timote 1:12

I sɔ'n ti yɛ n wun nyrɛnnɛn nga-a, sanngɛ ɔ nin i sɔ'n ngba'n, nyannzuɛn kun-man min, afin n si sran nga n fa ń wla'n guɛli i su'n. N si weiin kɛ like kwlaa nga ɔ fa wlali min sa nun'n, i bɔbɔ kwla nian su lele fa ju cɛn sɔ'n nun.

2 Timote 1:16

Man Nyanmiɛn si Onezifɔr nin i awlofuɛ'm be aunnvuɛ, afin ɔ guali min anwlɛn su nzue kpalɛ sunman. N osu nianlɛ bisua nun lɔ'n ɔ'a yo-mɛn i nyannzuɛn.

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

Hébreu 11:16

B'a yo-man sɔ, sanngɛ be kunndɛli nvle nga i kpa tra nvle sɔ'n, yɛlɛ nyanmiɛn su lɔ liɛ'n. I sɔ'n ti, kɛ be se kɛ ɔ ti be Nyanmiɛn'n, nyannzuɛn kun-mɛn i, afin ɔ'a yo klɔ kun a sie be .

Hébreu 11:26

Ɔ wunnin i kɛ finfin nga Krist ti be yo i'n ɔ ti kpa tra Ezipt lɔ like kpakpa'n kwlaa, afin like ng'ɔ wa nyɛn i cɛn wie'n, i nyin tɛ i mmua lɔ.

Hébreu 13:13

I sɔ'n ti, man e fite e wɔ i wun klɔ'n i tiwa lɔ nan be gua e nin i é nyin ase .

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

1 Jean 2:23

Sran ng'ɔ sɔ-man Nyanmiɛn Wa'n nun'n, wuun ɔ'a sɔ-mɛn i bɔbɔ nun. Sran ng'ɔ sɔ i nun'n, wuun ɔ'a sɔ i Si'n nun.

1 Jean 2:28

M mma mun, amun nin i `tran titi nan cɛn nga ɔ ´ba'n, bɔ ɔ ´yi i wun nglo'n é wla'n ɔ'a gua ase nan b'a kan-man e bo, yɛ y'a wun-man nyannzuɛn.

Sa nglô yile 14:10

ɔ ´nɔn Nyanmiɛn i nzan muɛn'n b'ɔ fa guɛ i ya klowa nun'n wie. Nzan sɔ'n yɛlɛ Nyanmiɛn i ya'n b'ɔ fa'n. Be kwlaa nga be yo sɔ'n, be ´kle be nyrɛnnɛn sin bɔ sufru o nun'n nun Nyanmiɛn i anz nin Bua Gbanflɛn'n be nyrun lɛ .