Marc 8:35 - NYANMIƐN NDƐ'N 1998

³⁵ Afin sran nga i waan ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin min nin jasin fɛ'n ti'n, wuun sran sɔ'n ɔ sɛsɛ i nguan'n sakpa.

Nyanmien nde Ufle

³⁵ Afin swran nga i waan oh seseh i wun'n, oh kpeh i nguan'n sin, sannge swran ng'o kpe i nguan'n sin min nin dyasin fe'n ti'n, swran so'n o sese i nguan'n sakpa.

Marc 8:35 ပူးပေါင်းရင်းမြစ်များ

Akunndanfuɛ'n 3:6

Ɔ lɛ blɛ kun bɔ be fa kunndɛ like-ɔ, yɛ ɔ lɛ blɛ kun bɔ be fa saci like bɔ be nyɛnnin nin-ɔn. Ɔ lɛ blɛ kun bɔ be fa yia like su-ɔ, yɛ ɔ lɛ blɛ kun bɔ be fa yi like blo-ɔ.

Matthieu 10:22

Sran'm be kwlaa be wa kpɔ amun min ti, sanngɛ sran ng'ɔ trɛ i anwlɛn lele ju i awieliɛ'n, ɔ ´fite nun.

Matthieu 10:39

Sran ng'ɔ sɛsɛ i nguan'n, ɔ ´kpɛ i sin, yɛ sran ng'ɔ kpɛ i sin min dunman nun'n ɔ ´nyɛn i ekun.»

Matthieu 16:25

Afin sran ng'ɔ klo kɛ ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin min ti'n, ɔ ´nyɛn i ekun.

Matthieu 19:29

Yɛ sran kwlaa nga min ti ɔ yaci sɛ i awlo o, sɛ i niaan bian o, sɛ i niaan bla o, sɛ i si o, sɛ i nin o, sɛ i wa o, sɛ i asiɛ o, ɔ ´nyan be wunsu kpɛ ya, yɛ ɔ ´nyan anannganman nguan.

Marc 8:36

?Sɛ sran kun nyan mɛn'n nun ninnge'n kwlaa nan sɛ i nguan'n kpɛ sin'n, nguɛ yɛ ɔ yo ye mɛn i-ɔ?

JÉSUS-CHRIST I DYASIN FE'N BO LUC KLELI'N 17:33

Sran nga i waan ɔ ´sɛsɛ i nguan'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin'n, ɔ ´nyɛn i ekun.

JÉSUS-CHRIST I DYASIN FE'N BO LUC KLELI'N 9:24

Afin sran nga i waan ɔ ´sɛsɛ i wun'n, ɔ ´kpɛ i nguan'n sin, sanngɛ sran ng'ɔ kpɛ i nguan'n sin min ti'n, sran sɔ'n ɔ sɛsɛ i nguan'n sakpa.

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 21:13

Yɛ Pɔl seli be kɛ: «?Nguɛ ti yɛ an sun man min wun yo nin nyɛiin sɔ-ɔ? N si sɔ, nán kɛ cilɛ ngunmin yɛ be ´ci min-ɔn, sanngɛ sɛ be kun min bɔbɔ e Min Jésus ti Zerizalɛm lɔ'n, ɔ ti-man sa.»

Sa nga bé yôli'n 9:16

yɛ m ma fa nyrɛnnɛn ng'ɔ wa wun i n dunman nun'n i kwlaa n kle i.

1 Korɛntfuɛ Mun 9:23

N yo i kwlaa sɔ'n jasin fɛ'n ti nan like kwlaa nga be nyɛn i jasin fɛ'n ti'n, n liɛ a tran nun wie.

2 Korɛntfuɛ Mun 12:10

I sɔ'n ti'n, sɛ n lɛ-man wunmiɛn o, sɛ be ´kpɛ min nzowa o, sɛ ń sa ´mian o, sɛ be ´kle n yalɛ o, sɛ n ´wun nyrɛnnɛn o, Krist ti n klun jɔ afin kɛ m bu i kɛ n lɛ-man wunmiɛn'n, i li bɔ yɛ n nyan wunmiɛn nin-ɔn.

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

Hébreu 11:35

Bla wie'm be sran nga be wuli'n be cɛnnin, be wunnin be ekun. Be kleli wie'm be nyrɛnnɛn lele be kunnin be, b'a klo-man kɛ be de be, afin be klo kɛ be ´cɛn nan be ´nyan nguan kpa .

Sa nglô yile 12:11

Bua Gbanflɛn'n i mmoja'n nin ndɛ nanwlɛ bɔ e niaan sɔ'm be kan'n ti be kwlɛli i, yɛ b'a bu-man be bɔbɔ bé wun like fi, i ti b'a sro-man wie'n.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .

Sa nglô yile 7:14

N se i kɛ: «Nannan, wɔ yɛ a si be-ɔ.» Yɛ ɔ seli n kɛ: «Be nga be fin afɛ dan'n nun mun-ɔn. Be kpuli be tralɛ mun Bua Gbanflɛn'n i mmoja'n nun yɛ be fieli-ɔ .