Marc 7:31 - NYANMIƐN NDƐ'N 1998

³¹ Jésus tuli i bo Tir asa'n su kɛ ɔ ´kɔ Galile fɛtɛ'n nuan lɔ. Kɛ ɔ ´kɔ'n, ɔ sinnin Sidɔn nan ɔ'a kpɛ Klɔ Blu asa'n.

Nyanmien nde Ufle

³¹ Jésus tuu i bô Tyr asa'n su ke oh koh Galilée fete'n nuan lo. Ke oh koh'n o siin Sidon nan wa kpe Klo Blu asa'n.

Marc 7:31 ပူးပေါင်းရင်းမြစ်များ

Matthieu 11:21

Ɔ seli kɛ: «Kɔrazɛnfuɛ mun, an yako, Bɛtsaidafuɛ mun, an yako, afin sɛ ɔ ti kɛ sa kekleekle bɔ be yoli be amun klɔ'n su'n yɛ be yoli be Tir nin Sidɔn'n, wuun lɔfuɛ'm be wasa bé wun nzuɛn'n, wuun be wla bajɛ tralɛ'n, wuun be kacili be nzuɛn'n ɔ'a cɛ .

Matthieu 4:18

Kɛ ɔ ´sin Galile fɛtɛ'n nuan lɛ'n, ɔ wunnin Simɔn bɔ be flɛ i kɛ Piɛr'n nin Andre. Be sran nnyɔn'n be ti niaan, kɛ ɔ ´wun be'n, wuun be su gua lala fɛtɛ'n nun, afin be ti jue trafuɛ.

Matthieu 4:25

Sran kpanngban kpa be fin Galile nin Klɔ Blu asa'n su, nin Zerizalɛm, nin Zide akpasua'n su, ɔ nin Zurdɛn'n i sin lɔ'n be su i su.

Marc 5:20

Ɔ ɔli, kpɛkuun ɔ ko boli sa nga Jésus yo mɛnnin i'n i kwlaa ndolo Klɔ Blu asa'n su lɔ. Sran'm be kwlaa bé nuan boli bé wun kpa.

Marc 7:24

Jésus tuli i bo lɛ ɔli Tir asa'n su. Ɔ wluli awlo kun nun, ɔ klo-man kɛ sran fi si kɛ ɔ o lɛ, sanngɛ ɔ kwla fia-man.

Marc 7:30

Kɛ ɔ sɛli i sin i awlo lɔ'n, ɔ wunnin bakan'n ɔ la bɛ'n su lɛ asiɛ usu'n ɔ'a jao i su.