Marc 7:28 - NYANMIƐN NDƐ'N 1998

²⁸ Yɛ bla'n seli kɛ: «Nannan, ɔ ti sɔ, sanngɛ alua'm bɔ be o tabli'n bo'n, be di ba kanngan'm be aliɛ onga-onga'n.»

Nyanmien nde Ufle

²⁸ Ye bla'n sé ke: Nannan, o ti so, sannge alua'm bo bé ô table'n bô'n bé di ba kanngan'm bé alie ônga-ônga'n.

Marc 7:28 ပူးပေါင်းရင်းမြစ်များ

Jue Mun 145:16

A trɛ ɔ́ sa'n nun. A man ninnge nga nguan o be nun'n be kwlaa be like ng'ɔ ju be'n.

Ezai 45:22

Amun nga amun wo asiɛ'n i mmua lɔ'n, amun `kpɛ amún nyin mín wun wa, yɛ amun ´fite nun! Afin Nyanmiɛn'n yɛlɛ min, uflɛ fi nun-man lɛ kun.

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Matthieu 15:27

Bla'n waan: «Nannan, ɔ ti sɔ, sanngɛ kusu alua'm be di kpaun i munmun b'ɔ gua bé si tabli'n bo'n.»

Matthieu 5:45

I sɔ'n nun'n, amun wa yo amun Si b'ɔ o nyanmiɛn su lɔ'n i mma mun, afin ɔ bo wia'n man be bɔ be ti tɛ'n nin be bɔ be ti kpa'n, yɛ ɔ tɔ nzue'n man nanwlɛfuɛ nin be bɔ be ti-man nanwlɛfuɛ'n.

Marc 7:27

Jésus seli i kɛ: «Yaci man ba kanngan'm be ku yi ka, afin sɛ be fa ba kanngan'm be aliɛ'n gua alua'm be bo'n, ɔ ti-mɛn i nuan su.»

Marc 7:29

Yɛ Jésus seli i kɛ: «Ndɛ nga a kannin'n ti, kɔ, asiɛ usu'n ɔ'a jao ɔ́ wa'n su.»

Rɔmfuɛ Mun 10:12

Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n,

Rɔmfuɛ Mun 3:29

?Nyanmiɛn'n ti Zuif'm be ngunmin be liɛ? ?Ɔ ti-man be nga be ti-man Zuif'm be liɛ wie? Ɔ ti be liɛ wie,

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.