Marc 6:34 - NYANMIƐN NDƐ'N 1998

³⁴ Kɛ Jésus fin alie'n nun jrali'n, ɔ wunnin sran sɔ mun b'a bo nzra dan kpa, nan b'a yo i annvɔ, afin be ti kɛ bua'm bɔ be lɛ-man tafuɛ'n sa, yɛ ɔ boli be like klelɛ'n bo-ɔ, ɔ kleli be like kpanngban.

Nyanmien nde Ufle

³⁴ Ke Jésus fin alié'n nun dyrali'n, o wuun swran so mun ba bô nzra dan kpa, nan ba yô i annvo, afin bé ti ke bua'm bo bé le'a tafue sa, ye o bôô bé liké kléle'n bôo, o kléé bé liké kpanngban.

Marc 6:34 ပူးပေါင်းရင်းမြစ်များ

1 Famiɛn Mun 22:17

Mise waan: «N wunnin Izraɛl nvle'n kwlaa, b'a bo b'a sanndi oka'm bé su kɛ bua bɔ be lɛ-man sunianfuɛ sa. Yɛ Anannganman waan: ‹Sran nga'm be lɛ-man min kun'n, man be sa bé sin be awlo'm be nun aunjuɛ nun.› »

2 Be Nyoliɛ 18:16

Mise waan: «N wunnin Izraɛl nvle'n kwlaa, b'a bo b'a sanndi oka'm bé su kɛ bua bɔ be lɛ-man su nianfuɛ sa. Yɛ Anannganman waan: ‹Sran nga'm be lɛ-man min kun, man be sa bé sin be awlo'm be nun aunjuɛ nun.› »

Ezai 13:14

Kɛ ɔ ko yo sɔ'n, be ´sa bé sin be nvle'n nunfuɛ'm bé sin, be wanndi kɔ bé mɛn'n nun. Be ´yo kɛ wannzannin bɔ b'a wlanwlan be'n be sa. Be ´yo kɛ bua bɔ be lɛ-man sran nian-man be su'n sa.

Zeremi 50:6

Min nvle'n yoli kɛ bua fa kun bɔ b'a mlin'n sa. Be kankanfuɛ'm be mlinnin be. Ɔ man be wlan oka'm be su sa daan! Be fu oka nga su, be jra be ko fu kpɔlɛ nga su. Be si-man be osu atin'n kun .

Ezekiɛl 34:5

Be bo sanndili gbee, yɛlɛ kɛ be nyan-man sunianfuɛ. Nnɛn tɛtɛ mun yɛ be di be blo lɔ-ɔ. Be bo sanndili gbee.

Zakari 10:2

Ndɛ nga amuɛn'm be kan'n ti ato ndɛ. Gblɛ yɛlɛ wunnzue nga kɔmiɛnfuɛ'm be yi'n. Finfin ndɛ yɛ laliɛ cɛnfuɛ'm be kan-an, be lakalaka amun ngbɛn. I sɔ'n ti yɛ min sran'm b'a yo aunnvuɛfuɛ yɛ be wlan-wlan daan kɛ bua bɔ be lɛ-man kankanfuɛ bɔ b'a bo je'n sa nin-ɔn.

Kalɛ 27:17

Man ɔ yo sran'm bé su kpɛnngbɛn kun b'ɔ kwla ´sie bé sa kwlaa nun kɛ ɔ ´yo nan ɔ nvle'n ɔ'a yo-man kɛ nnɛn wie bɔ be lɛ-man sunianfuɛ sa'n ti.»

Matthieu 14:14

Kɛ ɔ fin alie'n nun fiteli'n, ɔ wunnin sran kpanngban, be yoli i annvɔ, nan ɔ'a yo tukpacɛfuɛ'm bɔ be o nun'n be juejue.

Matthieu 15:32

Jésus flɛli i sɔnnzɔnfuɛ mun nan ɔ'a se be kɛ: «Sran nga'm be yo min annvɔ, afin kɛ be o min wun wa'n, be le nsan yɛ, be lɛ-man like diwa kun. Sanngɛ n klo-man kɛ m man be atin man be fa be klun awe wɔ, sɛ n yo sɔ-ɔ, ɔ cɛ-man nan b'a glɔ atin'n nun.»

Matthieu 9:36

Kɛ Jésus wunnin sran mun'n, be yoli i annvɔ, afin be ti afɛfuɛ yɛlɛ kɛ b'a bo je kɛ bua bɔ be lɛ-man sunianfuɛ'n sa .

Marc 6:33

Sanngɛ kɛ sran sunman kpa be wunnin be kɛ be su kɔ'n, be wunnin be wlɛ, ɔ man sran wie'm be fin klɔ nga be mantan lɛ'n be kwlaa bé su be wanndi dunnin mmua Jésus nin i sɔnnzɔnfuɛ'm be nyrun lika nga be kɔ lɔ'n nun.

Marc 6:35

Kɛ aliɛ'n sannin'n, i sɔnnzɔnfuɛ'm be wunngeli i wun lɛ nan b'a se i kɛ: «Wa ti blo, yɛ kusu aliɛ'n ɔ'a san.

Marc 8:1

I blɛ sɔ'n nun'n, kɛ sran'm be yiali dan kpa ekun bɔ be lɛ-man like diwa'n, Jésus flɛli i sɔnnzɔnfuɛ mun nan ɔ'a se be kɛ:

Marc 8:2

«Nzrafuɛ nga'm be yo min annvɔ, afin be o min wun wa i le nsan yɛ, yɛ siɛn'n be lɛ-man like diwa kun.

JÉSUS-CHRIST I DYASIN FE'N BO LUC KLELI'N 9:11

Kɛ sran'm be tili i kɛ ɔ'a ɔ lɔ'n, be suli i su. Ɔ sɔli be nun, ɔ kan Nyanmiɛn sielɛ ndɛ'n kleli be, yɛ ɔ yoli be nga kusu bɔ be ti-man juejue'n be juejue.

Hébreu 2:17

Kɛ ɔ ´yo nan ɔ'a yo Nyanmiɛn nyrun jranfuɛ'm be su kpɛn'n, nan ɔ'a si i niaan'm be aunnvuɛ'n nan ɔ'a si Nyanmiɛn junman'n di kpa'n, nan ɔ'a kwla yaci sran'm bé wun sa'n ɔ'a cɛ be'n, san ɔ ´kaci i wun kɛ be sa.

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.