Marc 6:26 - NYANMIƐN NDƐ'N 1998

²⁶ Ɔ'a yo-man famiɛn'n i fɛ, sanngɛ nda b'ɔ tali'n nin be ng'ɔ yiali be kɛ be wa di like'n be ti, ɔ klo-man kɛ ɔ kpɛ talua'n.

Nyanmien nde Ufle

²⁶ Wa yô'a famien'n i fe, sannge nda b'o tali'n, nin bé ng'o yiaa bé ke bé wa di liké'n bé ti, o klô'a ke o kpe talua'n.

Marc 6:26 ပူးပေါင်းရင်းမြစ်များ

2 Samiɛl 14:21

Famiɛn'n wa seli Zoab kɛ: «N kplinnin ndɛ nga a kannin'n su. Ko fa Absalɔm bla.»

Daniɛl 6:14

Yɛ be seli famiɛn'n ekun kɛ: «Daniɛl b'ɔ ti kanga bɔ be ko fali be Zida lɔ bali'n be nun kun'n, i nyin yi-man ɔ, yɛ ɔ bu-man ɔ mmla nga a fali ɔ́ sa ti nzɔliɛ'n sieli su'n i like fi. Aliɛ ba kun nun ɔ srɛ i Nyanmiɛn'n kpɛ nsan.»

Matthieu 14:9

Famiɛn'n i wla boli, sanngɛ nda ng'ɔ tɛli i be ng'ɔ yiali be'n be nyrun lɛ'n ti, ɔ seli kɛ be `fa mɛn i.

Marc 6:25

Kpɛkuun ɔ kɛn i wun ndɛndɛ sɛli i sin famiɛn'n wun lɔ nan ɔ'a se i kɛ: «Fa Zan batɛm yofuɛ'n i ti'n man min talie kpɛkplɛkpɛ kun nun icra'n.»

Marc 6:27

Kpɛkuun ɔ sunmannin sonja nga be niɛn i su'n be nun kun, ɔ seli i kɛ ɔ ko kpɛ Zan batɛm yofuɛ'n i ti'n blɛ i.