Marc 6:20 - NYANMIƐN NDƐ'N 1998

²⁰ Afin Erɔd sro Zan, ɔ si kɛ ɔ ti sran kpa yɛ ɔ ti Nyanmiɛn i sran, i sɔ'n ti ɔ man be niɛn i su. Kɛ ɔ tili ndɛ'n bɔ Zan kannin'n, i akunndan sanngannin, sanngɛ kusu i ndɛ'n i tielɛ yo i fɛ.

Nyanmien nde Ufle

²⁰ Afin Hérode srô Jean, o si ke o ti swran kpa, o ti Nyanmien i swran, i so'n ti o man bé nien i su. Ke o tii nde'n bo Jean kannin'n, i akunndan sanngannin, sannge kusu i nde tiéle'n yô i fe.

Marc 6:20 ပူးပေါင်းရင်းမြစ်များ

1 Famiɛn Mun 21:20

Eli ɔli, ɔ ko kannin ndɛ'n kleli Akab. Yɛ Akab seli i kɛ: «Nja b'ɔ kpɔ min, e nin wɔ y'a yia ekun.» Eli kusu waan: «Ɛɛn! Kɛ bɔ like ng'ɔ kun Anannganman i ya'n i cɛ yɛ ɔ waan a ´yo'n, i ti yɛ m bali-ɔ.

2 Famiɛn Mun 13:14

Elize wunnɛn yoli i ya. I sin nan ɔ'a wu'n, Zɔas b'ɔ ti Izraɛl famiɛn'n ko wunnin i wun, ɔ kluli i su, ɔ sunnin. Kɛ ɔ ´sun'n, ɔ seli kɛ: «Baba, baba! A lɛ nyrun kɛ Izraɛl mɛn'n nun kakaklolo'm be kwlaa, ɔ nin i nnɛn kpanngɔ mun, ɔ nin be su fufuɛ'm be kwlaa be sa!»

2 Famiɛn Mun 6:21

Kɛ Izraɛl famiɛn'n wunnin be'n, ɔ usali Elize kɛ: «?Baba, n `kun be? ?N `kun be?»

2 Be Nyoliɛ 24:2

Zɛozada b'ɔ ti Nyanmiɛn nyrun jranfuɛ'n i nyin su'n, Zɔas yoli sa nga be yo Anannganman fɛ'n.

2 Be Nyoliɛ 26:5

Blɛ bɔ Zakari nyin tɛ o su'n, Ozias miɛnnin i nyin fɛli i wun mantannin Nyanmiɛn kpa, afin Zakari kle i kɛ ɔ sro Nyanmiɛn. I sɔ'n ti, Nyanmiɛn man i ninnge ng'ɔ yoli be'n be yoli ye.

Ezipt Lɔ Tulɛ'n 11:3

Anannganman yoli man Eziptfuɛ'm bé nyin yili Izraɛlfuɛ mun. Moiz bɔbɔ kpa'n yoli sran dan kpa kun Ezipt mɛn'n nun Ezipt famiɛn'n i mantanfuɛ'm be nyrun, ɔ nin nvle wunmuan'n i nyrun.

Ezekiɛl 33:32

A ti be nyrun kɛ jue tofuɛ bɔ i wun yo fɛ bɔ i aniɛn yo fɛ b'ɔ si jue to kpa'n sa. Be ti ɔ ndɛ mun, sanngɛ be fa-man be su.

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 4:27

Kpɛkuun ɔ kpan seli kɛ: «?Nán Babilɔni klɔ dan bɔ m bɔbɔ n fali min wunmiɛn dan'n n kplɛnnin i kɛ n ´fa yo min famiɛn klɔ'n yɛ ɔ o yɛ? ?M'an kplɛn-mɛn i kɛ n ´fa yi min fanngan nin min anyrunnyan'n i nglo?»

Daniɛl 5:17

Daniɛl tɛli famiɛn'n su kɛ: «Nannan, man ninnge sɔ'm be ka lɛ, annzɛ kusu fa man sran uflɛ. Sanngɛ n wa kanngan fluwa sɔ'n, yɛ n ´tutu i bo n ´kle wɔ.

Matthieu 14:5

Erɔd waan ɔ ´kun Zan, sanngɛ srɛ kun i sran'm bé wun yɛlɛ kɛ be bu Zan Nyanmiɛn nuan ijɔfuɛ.

Matthieu 21:26

Kusu, sɛ e se kɛ sran yɛ ɔ mɛnnin i atin'n, e su fite-man nun, afin sran'm be kwlaa be bu Zan i Nyanmiɛn nuan ijɔfuɛ.»

Marc 11:18

Kɛ Nyanmiɛn nyrun jranfuɛ dandan mun nin mmla klefuɛ'm be tili'n, be kunndɛli i kunwlɛ. Be sro i yɛlɛ kɛ i like b'ɔ kle'n bo sran'm be kwlaa bé nuan.

Marc 4:16

I kunngba'n kusu akpuɛ nga awie'n wie tɔli su'n yɛlɛ be nga kɛ be ti Nyanmiɛn ndɛ'n, kpɛkuun be klun jɔ be fa su.

Jean 5:35

Zan ti kɛ kannin b'ɔ jue b'ɔ kpaja'n sa, yɛ i kannin sɔ'n i bo tranlɛ yoli amun fɛ kan.

Sa nga bé yôli'n 2:12

Ɔ boli be kwlaa bé nuan, be wun-man sa nga be yo-ɔ, yɛ be usali be wiengu kɛ: «?Nguɛ sa yɛlɛ nga-a?»

Sa nga bé yôli'n 5:24

Kɛ Nyanmiɛn i sua'n i su kpɛn'n nin Nyanmiɛn nyrun jranfuɛ dandan'm be tili ndɛ sɔ'n, be akunndan'n sanngannin be ti, afin be wun-man kɛ sa sɔ'n ɔ wa yo ju-ɔ.