Marc 6:14 - NYANMIƐN NDƐ'N 1998

¹⁴ Famiɛn Erɔd tili ndɛ sɔ'n, afin Jésus dunman'n ɔ'a fu dan kpa. Be waan: «Zan batɛm yofuɛ'n b'ɔ wuli'n yɛ ɔ'a cɛn-ɔn, i sɔ'n ti yɛ ɔ kwla yi atrɛ nin-ɔn.»

Nyanmien nde Ufle

¹⁴ Famien Hérode tii nde so'n, afin Jésus dunman'n wa fu dan kpa. Bé waan: Jean baptême yôfue'n b'o wuli'n ye wa tyeon, i so'n ti ye o kwla yi atre nion.

Marc 6:14 ပူးပေါင်းရင်းမြစ်များ

2 Be Nyoliɛ 26:15

Ɔ yoli man sran kun b'ɔ si ngwlɛlɛ kpa'n yili mannzin wie mun Zerizalɛm lɔ. Be fa be sieli sua fleiin'm bé su nin talɛ'n i cɔnjɔ'm be su kɛ be ´fa to ta nin yɛbuɛ dandan mun. Nyanmiɛn ukali Ozias dan kpa, ɔ man i sielɛ'n takali kpa, yɛ i dunman'n fu ɔli mmua kpa.

2 Be Nyoliɛ 26:8

Amɔnfuɛ'm be ko man Ozias ninnge mun. Ɔ nyannin nyrun kpa. I dunman'n fuli lele juli Ezipt anyialiɛ'n su lɔ.

Matthieu 9:31

Sanngɛ kɛ be fiteli cɛ'n, be truli Jésus dunman'n mɛn wunmuan sɔ'n nun.

Marc 1:28

Kpɛkuun i dunman'n fuli Galile mɛn'n kwlaa nun.

Marc 1:45

Sanngɛ kɛ bian sɔ'n fiteli cɛ'n, yɛ ɔ tɔli ndɛ sɔ'n i jɔ bolɛ su lika'n kwlaa nun-ɔn, lele Jésus ɔ'a kwla yi-mɛn i wun nglo klɔ fi su kun. Ɔ kali klɔ'n nuan lɛ, yɛ sran'm be fin lika'n kwlaa be bɛli i wun lɛ.

Marc 8:28

Be seli i kɛ: «Be waan Zan batɛm yofuɛ'n yɛlɛ wɔ, wie'm be waan Eli yɛlɛ wɔ, wie'm be kusu be waan a ti Nyanmiɛn nuan ijɔfuɛ.»

JÉSUS-CHRIST I DYASIN FE'N BO LUC KLELI'N 13:31

Le kunngba sɔ'n, Farizifuɛ wie'm be wa seli Jésus kɛ: «Erɔd waan ɔ nyan wɔ-ɔ ɔ ´kun wɔ, i sɔ'n ti'n, jao wa.»

JÉSUS-CHRIST I DYASIN FE'N BO LUC KLELI'N 3:1

Kɛ be sieli Tibɛr Sezar famiɛn'n, i afuɛ blu-nin-nnun su bɔ Pɔns Pilat ti Zide nvle'n i su kpɛn'n, bɔ Erɔd sie Galile nvle'n, bɔ i niaan bian Filip sie Itire nin Trakɔnit nvle'n, bɔ Lisanias sie Abilɛni nvle'n,

JÉSUS-CHRIST I DYASIN FE'N BO LUC KLELI'N 7:17

I ndɛ sɔ'n truli Zide mɛn wunmuan'n nun ɔ nin klɔ nga be mantan lɛ'n be su.

JÉSUS-CHRIST I DYASIN FE'N BO LUC KLELI'N 9:19

Yɛ be seli kɛ: «Sran wie'm be waan Zan batɛm yofuɛ'n yɛlɛ wɔ, wie kusu wan Eli yɛlɛ wɔ, wie'm be kusu be waan Nyanmiɛn nuan ijɔfuɛ laa'm be nun kun yɛ ɔ'a cɛn-ɔn.»

1 Tɛsalonikfuɛ Mun 1:8

Kɛ Nyanmiɛn ndɛ'n fin amun wun lɔ b'ɔ juli Maseduani nin Akai lɔ'n, ɔ'a ka-man lɛ ngunmin, sanngɛ amun Nyanmiɛn sulafilɛ ndɛ'n ɔ'a tru lika'n kwlaa, ɔ man e bo-man wɛ e kɛn-mɛn i kun.

Hébreu 2:4

Kɛ Nyanmiɛn yi atrɛ b'ɔ yo abonuan sa nin sa kekleekle fanunfanun'n, b'ɔ fa like nga i Wawɛ'n man sran yo'n man sran kɛ i klun klo'n sa'n, ɔ guali be ndɛ'n su.