Marc 4:28 - NYANMIƐN NDƐ'N 1998

²⁸ Asiɛ'n bɔbɔ yo i kpa, ɔ fifi, i sin ɔ wlɔ, kpɛkuun ɔ nɔn nzue kpa.

Nyanmien nde Ufle

²⁸ Asie'n bobo yôé kpa, o fifi, i sin o wlo, kpekuun o non nzué kpa.

Marc 4:28 ပူးပေါင်းရင်းမြစ်များ

Bo Bolɛ 2:9

Anannganman Nyanmiɛn yoli man waka nga be wun be-ɔ, be ko klo be'n, bɔ kusu be mma'm be yo fɛ'n, be fifili lɔ. Nguan waka'n, ɔ nin sa tɛ nin sa kpa'n be silɛ waka'n be o fie'n i afiɛn .

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Akunndanfuɛ'n 3:1

Like kwlakwla lɛ i yolɛ blɛ. Nyanmiɛn'n bo wa'n, like kwlakwla lɛ i yolɛ nuan.

Akunndanfuɛ'n 3:11

Sa kun ng'ɔ o sa'n, sɛ i blɛ ko ju'n, Nyanmiɛn nian su yo i sɛsɛsɛ. Nyanmiɛn bɔbɔ yɛ man e si like ng'ɔ lɛ-man bo bolɛ nin awieliɛ nin-ɔn. Sanngɛ sa nga Nyanmiɛn yo'n, kɛ ɔ fin i bo bolɛ'n nun lele b'ɔ ´fa ju i awieliɛ'n, sran si-mɛn i bo.

Ezai 61:11

Kɛ ijre'n nin waka mma'm be fa fifi asiɛ wun'n, yɛ kɛ ninnge nga be lua be'n be fa fifi fie'm be su'n sa'n, i kunngba nin-ɔn, sɛ sa nga be yo i nuan su'n nin Nyanmiɛn manmanlɛ'n be ti ijre annzɛ waka mma'n, wuun n ´se kɛ Anannganman Nyanmiɛn'n ɔ ´yo man be ´fifi nvle-nvle'm be nunfuɛ'm be nyrun be ´wun i.

Ndɛ Nga Nyanmiɛn I Nuan Ijɔfuɛ Oze Kannin'n 6:3

Man e si Anannganman. Amun man e kunndɛ kɛ e ´si i, afin i balɛ'n ti kɛ aliɛ b'ɔ cɛn b'ɔ to fuan-man'n sa. I balɛ'n wa yo kɛ nzue b'ɔ kpiti kpli tɔ'n sa. Ɔ wa yo kɛ munngun nun nzue b'ɔ man asiɛ'n jɔ'n sa.»

Matthieu 13:26

Kɛ awie'n fifili b'ɔ ´wlɔ'n, be wunnin kɛ awie ijre sɔ'n wo nun.

Marc 4:27

Sɛ ɔ lafi o, sɛ i nyin o su o, wia nun o, kɔnguɛ o, awie'n bɔbɔ fifi, ɔ nyin, ɔ si-man kɛ ɔ yo b'ɔ yo sɔ'n.

Marc 4:29

Kɛ ɔ ko blo'n, be fa wlɔsɔ'n wla nun, afin i kpɛlɛ'n ɔ'a ju .

Filipfuɛ Mun 1:6

N si weiin kpa kɛ Nyanmiɛn b'ɔ bo like nga b'ɔ man an yo kpa'n i bo'n, ɔ ´yo i sɔ lele ɔ ´guɛ i bo Krist-Jésus i balɛ cɛn'n nun.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.