Marc 4:20 - NYANMIƐN NDƐ'N 1998

²⁰ Asiɛ kpa nga kusu bɔ awie'n wie tɔli su'n yɛlɛ be nga kɛ be ti Nyanmiɛn ndɛ'n, be fa su. Be ti kɛ awie b'ɔ yo ye'n sa, kun wlɔ ablasan, kun ekun wlɔ ablesiɛn, yɛ kun ekun wlɔ ya.»

Nyanmien nde Ufle

²⁰ Asie kpa nga kusu bo awié'n wié too su'n yele bé nga ke bé ti Nyanmien nde'n, bé fa su, bé wlo, kun wlo ablasan, kun ékun ablésien, ye kun ékun ya'n.

Marc 4:20 ပူးပေါင်းရင်းမြစ်များ

Bo Bolɛ 26:12

Afuɛ sɔ'n nun'n, Izaak guali ble nin ɔrz kpɛkuun ɔ nyannin mma ng'ɔ luali'n i wunsu sɔ fa ya, afin Anannganman mɛnnin i muae.

Matthieu 13:23

Asiɛ kpa nga kusu bɔ awie'n tɔli su'n, yɛlɛ sran ng'ɔ ti Nyanmiɛn ndɛ'n b'ɔ wun i wlɛ'n. Ɔ ti kɛ awie b'ɔ yo ye'n sa, tre kun wlɔ ya, kun wlɔ ablesiɛn, yɛ kun ekun wlɔ ablasan.»

Matthieu 13:8

Wie'm be kusu be tɔli asiɛ kpa su, be wlɔli, tre kun wlɔli ya, kun wlɔli ablesiɛn, yɛ kun kusu wlɔli ablasan.

Marc 4:8

Wie kusu tɔli asiɛ kpa su, kɛ ɔ fifili'n, ɔ wlali nnya, ɔ wlɔli, tre kun wlɔli ablasan, kun ekun wlɔli ablesiɛn, yɛ kun kusu wlɔli ya.

JÉSUS-CHRIST I DYASIN FE'N BO LUC KLELI'N 8:15

Nga kusu b'ɔ guali asiɛ kpafuɛ'n su'n, yɛlɛ be nga be sie bé su Nyanmiɛn ndɛ'n su be ti, be wun i wlɛ, yɛ be fa su kpa'n. Be yɛ be ti awie b'ɔ yoli kpa nin-ɔn.»

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 15:2

N sama kwlaa ng'ɔ su-man'n, ɔ kpɛ, yɛ ng'ɔ su'n, ɔ kpɛkpɛ su nan ɔ `yo kpa yɛ ɔ `su tra laa liɛ'n.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

1 Tɛsalonikfuɛ Mun 4:1

Aniaan mun, min ndɛ'n i atabo'n yɛ: sa nga an yo-ɔ ɔ yo Nyanmiɛn fɛ'n, e kleli amun, an fali su yɛ an wo i yolɛ su, sanngɛ sran wunmuan bɔ e nin e Min Jésus ti'n ti, e ´srɛ amun yɛ e ´kan kle amun kpa kɛ an yo i sɔ tra laa'n.

2 Piɛr 1:8

Nanwlɛ, sɛ an nian sa sɔ'm be su bɔ an yo be titi'n, kɛ an kunndɛ kɛ amun ´si e Min Jésus-Krist, san amun ´si i, afin an su tran-man lɛ ngbɛn, yɛ like nga an yo'n ɔ ´yo ye.